Hesiai Hebou Ena Sediual

August 13 Purana

Ane 30

13 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Ibounai hagoadaia inai vidio The New World Society in Action do idia itaia, August 27 purana ena Hesiai Hebou dekenai do ita herevalaia totona.

17 min: “Oi Ura Emu Hesiai Gaukara Oi Habadaia, A?”a Haida ese dala idia karaia regula painia taudia ai idia lao oi herevalaia. August 1999 ena Iseda Basileia Gaukara pepana, rau 3 bona 4 amo hereva haida oi gwauraia.

15 min: “Laga-Ani Karadia Atoa Edia Gabu Korikori Ai.” Buka stadi ia naria tadikaka be buka stadi ia ore murinai tau ta bona ena adavana ida ia herevahereva. Ia be mai manau ida vanegai haroro gaukara ai eiava Saturday bona Sunday heboudia ai ia itadia lasi ia herevalaia. Idia ruaosi idia gwau unai nega lalodiai laga-ani karadia bona ma gau idauidau idia karaia. Elda tauna ese inai kahana dekenai hereva badadia ia riviulaia, idia ruaosi ia durua do idia lalo-parara hanaihanai lauma gaudia idia atoa guna be namo. Unai lalohadai namodia dainai elda tauna idia tanikiu henia. Idia lalo-tamona idia ese vaira neganai mai anina gaudia do idia atoa guna.​—October 1, 2000, Gima Kohorona, rau 19-20, itaia.

Ane 68 bona guriguri.

August 20 Purana

Ane 33

8 min: Kongregesen ena hadibaia herevadia. Akaun ripotina.

15 min: “ ‘Ibounai ese Oi Idia Itaia’!”b Emu gabu dekenai taunimanima ese Iehova ena Witnes taudia edia gaukara bona kara dainai idia hanamoa sivarai namodia haida oi gwauraia.​—Gima Kohorona, March 15, 1998, rau 10, bona January 15, 1999, rau 32, itaia.

22 min: “Hemataurai Karadia​​—Dirava Badinaia Taudia Edia Kara Korikori.” Elda tauna ta ese miniti ima lalonai paragraf 1-5 do ia herevalaia. Bena paragraf oredia be elda ma ta bona hesiai tauna ta ida ia herevalaia. Idia ese ma haida laloa lasi karadia, hebou amo ita idia veria siri bona unai amo ita abia hahenamo ia hamaragia karadia, do ita hanaia daladia idia herevalaia. Idia hahedinaraia iseda hebamo heheni karana be ma haida ia hagoadaia momokani bema mai lalokau ida haida edia namo ita laloa.​​—Fili. 2:4.

Ane 72 bona guriguri.

August 27 Purana

Ane 40

10 min: Kongregesen ena hadibaia herevadia. Pablisa hadibaia August ena haroro ripoti do idia henia. Nega kwadogi lalonai September ena henia gauna Mauri Hanaihanai bukana do idia hariharilaia dalana dekenai heduru herevana ta eiava rua oi gwauraia.​—Iseda Basileia Gaukara pepana, February 1995, rau 4 itaia.

10 min: Kongregesen durua herevana.

25 min: “The New World Society in Action Ena Sivarai.” Helai taudia ida rau 3 dekenai idia noho henanadai oi herevalaia. October ai ita ese United by Divine Teaching vidio do ita riviulaia.

Ane 74 bona guriguri.

September 3 Purana

Ane 80

8 min: Kongregesen ena hadibaia herevadia.

17 min: “Edena Dala ai Keristani Hebamo be mai Anina Bada?”c January 15, 1996, Gima Kohorona, rau 22 ai, hereva kwarana maragina “Kongregesen Ena Amo” henunai idia torea herevana oi herevalaia.

20 min: Bema Ta Ia Gwau. Herevahereva bona haheitalai. Haroro gaukara lalonai, taunimanima be ita laloa lasi herevana ta eiava henanadai ta idia henia neganai, ita haere henidia toho be namo, namo lasi ena hereva ita haidaua bena gau idauna ta ita herevalaia eiava iseda herevahereva ita hadokoa. Herevalaia bukana be nega momo ita do ia durua. Taunimanima ese nega momo idia gwauraia herevadia haida oi hahedinaraia, bona pablisa ese Herevalaia bukana amo do idia haere henidia dalana idia haheitalaia. Hegeregere: ‘Lauegu pasto ia gwau Iehova ena Witnes taudia be peroveta koikoi taudia.’ (rau 334-5) ‘Tomadiho iboudiai be namo.’ (rau 417) ‘Edena tomadiho oreana lalonai oi noho be herevana.’ (rau 417-8) Ibounai hagoadaia haroro gaukara lalonai ta ese hereva idauna ta ia gwauraia neganai, Herevalaia bukana idia gaukaralaia be namo.

Ane 121 bona guriguri.

[Footnotes]