Hesiai Hebou Ena Sediual

September 12 Purana

Ane 29

10 min: Kongrigeisen ena hadibaia herevadia. Iseda Basileia Gaukara amo Hadibaia Hereva haida abia hidi. Rau 8 dekenai idia noho heduru herevadia gaukaralaia August 15 Watchtower bona August 22 Awake! haheitalaia totona. Bema unai magasin idia ginidae lasi, idia noho magasin matamatadia haida gaukaralaia bona kiki herevana haidaua. Elda ta ese haheitalai ta ia karaia bona matamata ta ese ma ta ia karaia. Haheitalai ta ta murinai, heduru dala namodia haida gwauraia.

20 min: “Emu Nega Gaukaralaia Namonamo.”a Helai taudia noia, edena bamona nega idia atoa dina ta ta lalonai Baibel idia duahia totona, idia herevalaia. Ruma bese taudia bona ta ta hagoadaia, May 2005 Iseda Basileia Gaukara ena udaia pepana idia gaukaralaia, Basileia ena gaukara idauidau idia palanilaia totona.

15 min: “Baibel Stadi Namodia Karaia.” b Udaia pepana ena kahana 1 bona 2 be helai taudia ida herevalaia. August 2004 Iseda Basileia Gaukara ena rau 1 itaia danu. Dahaka dainai Baibel stadi oi karaia negadia ibounai oi hegaegae namonamo be namo? Dahaka do oi hegaegaelaia? Helai taudia noia, unai heduru herevadia idia badinaia dalana idia herevalaia totona. Dokonai, udaia pepana ena rau 3 ena atai kahanai ia noho mauana herevalaia.

Ane 110 bona guriguri.

September 19 Purana

Ane 168

10 min: Kongrigeisen ena hadibaia herevadia. Iseda Basileia Gaukara ena rau ginigunana ai ia noho brens revarevana herevalaia.

20 min: Lagani Gunana Lalonai Dahaka Ita Karaia? Haroro naria tauna ese 2004 hesiai laganina ena ripoti ia herevalaia, kongrigeisen ese haroro gaukara lalonai idia karaia gau namodia dainai oi hanamodia. Lagani 2006 ai idia karaia diba gaudia ta eiava rua oi gwauraia. Painia edia gaukara herevalaia, edia gaukara namona dainai oi hanamodia. Idia haroro lasi taudia durua gaukarana dainai idia vara anina namodia herevalaia.

15 min: “Umui Durua Heheni Noho.”c Helai taudia noia, ma haida edia heduru amo namo idia davaria dalana idia herevalaia.

Ane 199 bona guriguri.

September 26 Purana

Ane 122

10 min: Kongrigeisen ena hadibaia herevadia. Akaun ripotina bona kontribusen dainai hanamoa hereva gwauraia. Pablisa hadibaia September ena haroro ripoti idia henia.

15 min: Kongrigeisen durua herevana.

20 min: Magasin amo Sivarai Namona Gwauraia Hedinarai. October lalonai Gima Kohorona bona Awake! magasin do ita hariharilaia. Hereva oi hamatamaia neganai, March 2005 Iseda Basileia Gaukara, rau 4, paragraf 3-6 lalonai idia noho heduru herevadia gwauraia: (1) Gima Kohorona bona Awake! oi hariharilaidia hebou. (2) Pura ta ta ai dina ta oi abia hidi magasin gaukara oi karaia totona. (3) Tahua gauna oi atoa, hua ta lalonai magasin hida do oi hariharilaia. (4) Dala idia kehoa negadiai, magasin oi hariharilaia. (5) Magasin gunadia gaukaralaia namonamo. Kongrigeisen ese unai heduru herevadia idia badinaia dalana oi herevalaia. Bena inai hua ena Iseda Basileia Gaukara lalonai idia noho heduru herevadia (bema unai be emu teritori dekenai oi gaukaralaia diba) amo September 1 Watchtower bona August 22 Awake! haheitalaia totona. Haheitalai namona ma ta oi gaukaralaia diba. Ma danu, emu teritori ai idia noho taudia edia lalona oi veria totona, magasin ena hereva ma haida oi gaukaralaia diba, bona atikol ena hereva ta oi haheitalaia. Haheitalai ta ta murinai, heduru hereva namodia gwauraia.

Ane 3 bona guriguri.

October 3 Purana

Ane 54

5 min: Kongrigeisen ena hadibaia herevadia.

20 min: “ ‘Ma Haida Durua mai Lalona Ibounai ida Idia Kamonai Totona.’ ”d Bema nega ia hegeregere, helai taudia ida idia gwauraia siridia oi herevalaia.

20 min: Iehova Ena Kudouna Hamoalea. (Aon. 27:11) Nega daudau lalonai Iehova ena hesiai gaukara idia karaia taudia rua eiava toi inteviu henia. Oi noidia dahaka ese idia ia durua Iehova idia badinaia noho totona. Reana do idia gwauraia gaudia haida be inai, sibona edia Baibel stadi, hanaihanai hebou lao henia, abidadama taudia hebamo henia karana, mai lalona ibounai ida idia haroro bona guriguri, bona moale karadia dikadia idia dadaraia. Dahaka ese edia abidadama ia tohoa bona edena dala ai unai gaudia idia hanaia? Edia kamonai karana dainai dahaka hahenamo idia davaria?

Ane 170 bona guriguri.

[Footnotes]