Hesiai Hebou Ena Sediual

Itaia: November bona December lalonai, Iseda Basileia Gaukara dekenai be pura ta ta ena Hesiai Hebou ena sediual do ai hahedinaraia. Kongrigeisen ibounai ese “Hahemauri be Kahirakahira!” Distrik Hebouhebouna dekenai do idia lao dainai, gau haida idia haidaua be namo. Bema mai dalana hebouhebou ita do lao lasi neganai, Hesiai Hebou ena kahana ginigabena ai, miniti 15 oi gaukaralaia inai Iseda Basileia Gaukara lalonai idia udaia pepana amo mai anina bada sisiba herevadia oi riviulaia lou totona. Emui hebouhebou ia ore bena hua ta o rua murinai, namona be dala oi karaia Hesiai Hebou (reana kongrigeisen durua herevana) dekenai miniti 15 o 20 oi gaukaralaia, hebouhebou ena program riviulaia totona. Namo lasi hebouhebou ena program ibounai riviulaia. To, ita do ia durua haroro gaukara lalonai anina namona ita havaraia herevadia sibona kikilaia. Helai taudia oi nanadaia edena bamona unai hereva be edia haroro gaukara dekenai idia badinaia.

October 9 Purana

Ane 25

10 min: Kongrigeisen ena hadibaia herevadia. Iseda Basileia Gaukara amo Hadibaia Hereva haida abia hidi. Rau 10 ai idia noho magasin herevalaia daladia o emu teritori ai oi gaukaralaia diba kiki herevadia ma haida amo, September 15 Watchtower, September Awake! bona Basileia Sivaraina Namba 37 hariharilaia dalana haheitalaia.

15 min: “Ma Haida Ita Durua Dirava Ena Turana ai Idia Lao Totona.”a Helai taudia oi nanadaia edena dala ai ma haida edia kara bona guriguri karana idia itaia dainai, idia goada idia lao bona idia bapatiso.

20 min: Hegaegae Basileia Sivaraina Namba 37 Hariharilaia Totona. Hereva henia bona helai taudia ida kikilaia. Unai gaukara ena palani oi herevalaia, September ena Iseda Basileia Gaukara ai ita kikilaia hegeregerena. Ibounai hagoadaia unai gaukara idia karaia goadagoada totona. Bema Baibel stiuden taudia haida idia goada noho, namona be tadikaka bona taihu oi hagoadaia idia lalohadailaia gauna be, edia Baibel stiuden taudia idia hegeregere bapatiso lasi pablisa ai idia lao bona unai gaukara idia durua totona eiava. Danu, tama sina idia lalohadailaia gauna be, edia natudia be hegeregere bapatiso lasi pablisa ai idia lao totona eiava. Iehova Ena Ura Ia Karaia Orea bukana ena rau 79-​81 amo pablisa taudia edia taravatu haida be nega sisina lalonai oi kikilaia.

Ane 221 bona guriguri.

October 16 Purana

Ane 84

8 min: Kongrigeisen ena hadibaia herevadia.

20 min: Kongrigeisen Buka Stadi amo Namo Davaria. Hereva henia bona helai taudia ida Iehova Ena Ura Ia Karaia Orea bukana, rau 70 ena hereva kwarana amo ia lao bona rau 72 kikilaia.

17 min: “Dahaka Oi Atoa Guna?”b Pablisa haida oi abia hidi guna, bena idia hahedinaraia edena bamona edia sediual idia haidaua dainai, Dirava ena Basileia idia atoa guna bona dahaka hahenamo idia moalelaia idia kikilaia.

Ane 172 bona guriguri.

October 23 Purana

Ane 58

10 min: Kongrigeisen ena hadibaia herevadia. Akaun ripoti duahia bona kontribusen dainai hanamoa herevana gwauraia. Ibounai hadibaia lou Basileia Sivaraina Namba 37 hida idia hariharilaia idia duahia totona, bena October bona November edia dokonai, unai namba be haroro gaukara ena ripoti pepana ena murina kahana ai idia torea. Rau 10 ai idia noho magasin herevalaia daladia eiava emu teritori ai oi gaukaralaia diba kiki herevadia ma haida amo, October 1 Watchtower eiava October Awake! hariharilaia dalana haheitalaia. Unai haheitalai ta lalonai, ura lasi herevana “Dahaka dainai umui mai hanaihanai?” hanaia dalana hahedinaraia.​​—Herevalaia bukana, rau 24 itaia.

20 min: “Iehova Ena Dina Ita Naria.”c Kongrigeisen seketere ese inai kahana do ia karaia. Helai taudia oi nanadaia edena dala ai hebouhebou ena lapel kadi atoa hanaihanai karana be dala ia kehoa diba, ma haida idia haroro henia totona. Helai taudia hagoadaia nega bona gabu idauidau ai idia haroro totona. Bema kamonai tauna ta idia davaria, namona be kongrigeisen idia hadibaia kamonai tauna be edeseniai ia noho, unai amo ta be unai kamonai tauna ia lou henia diba.

15 min: Dahaka Dainai Dirava Idia Herevalaia? Hereva henia bona helai taudia ida Noga! July​—September, 1995, rau 21-3 kikilaia. Helai taudia nanadaia sikuli turadia idia haroro henia neganai, dahaka ekspiriens namona idia davaria idia kikilaia totona.

Ane 143 bona guriguri.

October 30 Purana

Ane 207

5 min: Kongrigeisen ena hadibaia herevadia. Pablisa taudia hadibaia lou October ena haroro ripoti idia henia neganai, namona be unai ripoti pepa ena murina kahanai Basileia Sivaraina Namba 37 hida idia hariharilaia ena namba idia torea.

10 min: Distrik Hebouhebou Ena Boiboi Pepana. Haroro naria tauna ese elda ena orea iboudiai dekenai idia siaia revarevana (February 2, 2006, gauna) dekenai idia noho hadibaia herevadia ia kikilaia lou, badina unai revareva be “Hahemauri be Kahirakahira!” Distrik Hebouhebou ena boiboi pepana hariharilaia gaukarana ia herevalaia. Danu, April 2006, Iseda Basileia Gaukara, rau 8 oi gaukaralaia, unai boiboi pepana kikilaia totona. Bema kongrigeisen elda taudia be unai boiboi pepana hariharilaia gaukarana ena palani idia karaia vadaeni, namona be tadikaka bona taihu ibounai oi hadibaia. Emu kongrigeisen taudia ese unai gaukara do idia karaia hamatamaia ena deit oi gwauraia hedinarai be namo.

20 min: “Haroro Ena Hebou amo Namo Bada Abia.”d Paragraf 3 oi kikilaia neganai, October 2001 ena Iseda Basileia Gaukara ena Henanadai Mauana 1, paragraf 4 oi kikilaia danu, badina unai paragraf ia gwau elda taudia be dahaka idia karaia diba bema idia hegeregere tadikakadia idia noho lasi haroro ena hebou idia naria totona.

10 min: Basileia Sivaraina Namba 37 Hariharilaia Gaukarana Ena Ekspiriens Haida. Pablisa taudia oi noia, unai pepapepa idia hariharilaia ena ekspiriens namodia haida idia kikilaia totona. Oi hahedinaraia teritori hida dekenai Basileia Sivaraina Namba 37 ita hariharilaia vadaeni, bona ma teritori hida dekenai unai pepapepa do ita hariharilaia ela bona November 12 ia ginidae. Bema pablisa taudia be Basileia Sivaraina haida idia do dogoatao noho bona do idia hariharilaia lasi, idia oi hadibaia unai pepapepa idia henia lou, unai gaukara ia do ore lasi lalonai, pablisa ma haida ese idia hariharilaia totona.

Ane 136 bona guriguri.

November 6 Purana

Ane 146

10 min: Kongrigeisen ena hadibaia herevadia. January 2005 Iseda Basileia Gaukara ena rau 3-6 eiava emu teritori ai oi gaukaralaia diba kiki herevadia ma haida amo, November lalonai Hadibaia Tauna Badana amo Diba Ita Abia hariharilaia dalana haheitalaia. Bema nega taina ia bada, helai taudia oi noia haroro gaukara eiava ruma bese taudia dekenai unai buka idia hariharilaia ena ekspiriens namodia idia kikilaia totona.

15 min: Kongrigeisen durua herevana. Eiava elda ta ese kahana ladana “Increase the Joy and Dignity of Your Wedding Day” be October 15, 2006, The Watchtower, rau 28-​31 amo do ia henia.

20 min: Sivarai Namona Harorolaia Karana ese Goada Ia Henia. Hereva henia bona helai taudia ida January 15, 2002, Gima Kohorona, rau 8-9 kikilaia. Helai taudia oi noia haroro gaukara ese idia ia hagoadaia dalana idia herevalaia totona. Reana pablisa ta o rua oi abia hegaegae guna, edia ekspiriens idia herevalaia totona.

Ane 8 bona guriguri.

[Footnotes]