Lagani 2007 Ena Tiokratik Haroro Sikuli Ena Sediual

Karaia Dalana

Lagani 2007 lalonai, Tiokratik Haroro Sikuli be henunai ai torea dalana dekenai do umui karaia.

BUKA: Buka Helaga, Gima Kohorona [w], Tiokratik Haroro Sikuli amo Heduru Oi Abia [be], “Buka Helaga Ibounai”​—Ia Momokani Bona mai Ena Namo [bsi02-1 bona bsi02-2].

Sikuli be NEGA KORIKORI AI ane, guriguri, bona hanamoa herevana amo hamatamaia, bena henunai ai torea bamona umui karaia. Sikuli naria tauna ese kahana ta ta idia henia taudia ta ta ia boiria be namo.

HEREVA KARANA: Miniti 5. Sikuli naria tauna, sisiba henia tauna iharuana, eiava ia manada elda tauna ma ta ese Haroro Sikuli bukana amo hereva karana ta do ia herevalaia. (Kongrigeisen ai elda be momo lasi neganai, ia manada hesiai tauna ta umui gaukaralaia diba.)

HEREVA NAMBA 1: Miniti 10. Inai kahana be ia manada vadaeni elda ta eiava hesiai tauna ta ese ia karaia be namo, bona unai be Gima Kohorona, Tiokratik Haroro Sikuli amo Heduru Oi Abia, eiava “Buka Helaga Ibounai”​—Ia Momokani Bona mai Ena Namo amo do ia abia. Namona be miniti 10 lalonai instraksen tok do ia henia. Gau badana be unai kahana ibounai ia herevalaia sibona lasi to ena namo ia gwauraia, dahaka ese kongrigeisen do ia durua bada ia hahedinaraia. Namona be ai torea hedinarai sinado gaukaralaia. Inai hereva idia henia tadikaka ese edia nega idia hanaia lasi be gau badana. Bema sisiba ia abia be namo, ia sibona ida iena sisiba herevalaia.

BAIBEL ENA HEREVA BADADIA: Miniti 10. Miniti ginigunadia faiv lalonai, ia manada vadaeni elda ta eiava hesiai tauna ta ese iena kongrigeisen do ia durua bada dalana ai inai kahana ia herevalaia. Ia ese pura ena Baibel duahiduahi ena kahana idauidau ia herevalaia diba. Namo lasi unai karoa edia sivarai ia gwauraia sibona. Gau badana be helai taudia ia durua, bena do idia laloparara badina be dahaka bona edena bamona unai hereva be mai ena namo. Hereva henia tauna ese kahana ginigunana ena miniti faiv ia hanaia lasi be namo. Namona be miniti faiv ia atoa helai taudia idia haere totona. Namona be helai taudia ia noia, haere kwadogidia (ta ta be sekeni 30 bamona) amo Baibel duahiduahi lalonai idia laloa bada gauna bona ena namo idia herevalaia. Bena sikuli naria tauna ese sikuli iharuana ena stiuden taudia do ia siaia.

HEREVA NAMBA 2: Miniti 4 hanaia lasi. Inai be tadikaka ta ese do ia karaia. Namona be stiuden ese ia abia kahana sibona ia duahia, hamatamaia eiava dokona herevana ia gwauraia lasi. Namona be sikuli naria tauna ese stiuden do ia durudia laloparara, hereva namonamo, mai anina herevadia idia hahedinaraia maoro, gado regena idia haidaua, laga-ani dalana maorona, bona sibona edia hereva dalana ai idia duahiduahi. Namona be stiuden ese ena kahana ibounai duahia ore karana ia laloa lasi, to ena duahiduahi karana ia laloa bada. Bema stiuden ena kahana be lata herea bona miniti foa lalonai ia duahia ore lasi, ia ese miniti foa gauna sibona ia duahia diba bona hereva oredia ia duahia lasi.

HEREVA NAMBA 3: Miniti 5. Inai be taihu ta ese do ia karaia. Inai kahana idia abia stiuden ese Haroro Sikuli buka ena rau 82 ena lista amo karaia dalana ta do idia abia hidi diba eiava idia totona ta do idia torea hedinarai. Namona be stiuden ese ena sinado ia gaukaralaia bena haroro gaukara karaia dalana korikorina ta bona ena teritori ai idia badinaia diba dalana ia haheitalaia. Bema referens ai torea lasi, stiuden ese eda buka idauidau lalonai inai kahana ena hereva do ia tahua bona hegaegaelaia be namo. Ia do ia durua indeks namona ta be “Gima Kohorona Edia Hereva Iboudiai.” Lagani ta ta ai, ia be January 1, Gima Kohorona ai idia atoa. Bona heduru gauna ma ta be Baibel Siri Indeks. Stiuden matamatadia dekenai, namona be kahana ta mai ena referens umui henia. Sikuli naria tauna be stiuden ese iena kahana ia herevalaia dalana bona ruma tauna ia durua Baibel siridia ia laloa namonamo bona point badadia ia lalopararalaia daladia do ia laloa. Sikuli naria tauna ese durua taihuna ta do ia abia hidi.

HEREVA NAMBA 4: Miniti 5. Namona be stiuden ese ena sinado ena anina ia hahedinaraia. Bema referens ai torea lasi, stiuden ese eda buka idauidau lalonai inai kahana ena hereva do ia tahua bona hegaegaelaia be namo. Ia do ia durua indeks namona ta be “Gima Kohorona Edia Hereva Iboudiai.” Lagani ta ta ai, ia be January 1, Gima Kohorona ai idia atoa. Bona heduru gauna ma ta be Baibel Siri Indeks. Tadikaka ta ese inai kahana ia abia neganai, Kingdom Hall lalonai idia helai taudia vairanai hereva do ia henia. Taihu ta ese inai kahana ia abia neganai, namona be nega ibounai Hereva Namba 3 bamona ia karaia. Sikuli naria tauna ese tadikaka dekenai Hereva Namba 4 do ia henia, bema ia laloa tadikaka ta ese unai ia karaia be namo. Mani emu kara, bema sinado ta ena badinai asterisk (*) maka ia noho, namona be hanaihanai tadikaka dekenai henia, bena idia ese hereva do idia henia.

SISIBA: Miniti 1. Sikuli naria tauna be stiuden ena sisiba namba do ia gwauraia guna lasi. Hereva Namba 2, 3, bona 4 murinai, sikuli naria tauna be stiuden ia karaia namonamo gaudia haida do ia herevalaia. “Namo herea” sibona ia gwauraia lasi, to hereva idia henia namonamo ena badina namodia haida ia gwauraia danu. Bema stiuden ta ta ese kahana haida ia hanamoa be namo, vadaeni hebou murinai eiava ma nega ta ai, sikuli naria tauna bona stiuden sibona be unai idia herevalaia diba.

NEGA: Namona be ibounai, sikuli naria tauna danu, ese nega idia hanaia lasi. Hereva Namba 2, 3, bona 4 hadokoa negana korikori ia ginidae neganai, namona be mai aonega ida hadokodia. Bema hereva karana, Hereva Namba 1, eiava Baibel ena hereva badadia idia henia tadikaka ese edia nega idia hanaia, vadaeni hebou murinai, sisiba tauna iharuana ese unai tadikaka ia sisiba henia be namo. Namona be ibounai ese edia nega idia laloa bada bona idia hanaia lasi. Sikuli ena nega ibounai be miniti 45, ane bona guriguri edia miniti ita duahia lasi.

SISIBA PEPANA: Sikuli bukana dekenai.

SISIBA HENIA TAUNA IHARUANA: Bema ia manada vadaeni elda ta ia noho sikuli naria tauna durua totona, elda oreana ese ia idia abia hidi bona ia be sisiba henia tauna iharuana ai do ia lao. Bema kongrigeisen ai elda taudia be momo, vadaeni lagani ta ta ai idia manada vadaeni elda taudia idauidau ese inai maduna idia huaia diba. Sisiba henia tauna iharuana ena maduna be, Hereva Namba 1 bona Baibel ena hereva badadia idia henia tadikaka do ia sisiba henidia, bema ia laloa kahana haida idia hanamoa be namo. Elda eiava hesiai taudia ese unai bamona hereva ta ta idia henia murinai sisiba ia abia be anina lasi.

RIVIU: Miniti 30. Hua rua rua murinai, sikuli naria tauna ese riviu do ia hakaua. Hereva karana bona Baibel ena hereva badadia be ataiai ai gwauraia hegeregerena idia henia murinai, unai riviu do umui karaia. Riviu lalonai do umui herevalaia gaudia be hua gunadia rua bona riviu ena pura amo do ia abia. Bema riviu purana dekenai emu kongrigeisen be sekit hebouhebou do idia abia, vadaeni riviu (bona pura ena program ibounai) be pura vaira ai do umui karaia, bona pura vaira ena program be riviu purana ai do umui karaia be namo. Bema riviu purana dekenai sekit naria tauna do ia vadivadi, vadaeni sediual hegeregerena, program be ane, hereva karana, bona Baibel ena hereva badadia amo do umui karaia be namo. Instraksen tok (hereva karana murinai idia henia gauna) be pura vaira ena program amo umui abia hanai be namo. Pura vaira ena Tiokratik Haroro Sikuli be sediual hegeregerena hereva karana bona Baibel ena hereva badadia do umui karaia guna, bena riviu do umui karaia.

SEDIUAL

Jan. 1 Baibel duahiduahi: Isaia 24-​28 Ane 33

Hereva Karana: Idia Badinaia Daladia Gwauraia (be rau 158 par. 2-4)

No. 1: Sikuli Dekenai Stiuden Edia Kahana Hegaegaelaia Dalana (be rau 43 par. 1–rau 44 par. 3)

No. 2: Isaia 26:​1-​18

No. 3: Bogana Lalonai Natuna Hamasea Karana​​—Dahaka Dainai Ia be Taravatu? (rs rau 76-7 par. 4)

No. 4: Edena Dala ai ‘Lohiabada Iesu Keriso Ena Tuari Dabua Do Ita Atoa’? (Roma 13:14; w05 1/1 rau 19-20)

Jan. 8 Baibel duahiduahi: Isaia 29-​33 Ane 42

Hereva Karana: Ma Haida Oi Durua Hereva Ena Namo Idia Itaia Totona (be rau 159 par. 1-4)

No. 1: Do Oi Herevalaia Gauna Bona Karaia Dalana (be rau 44 par. 4–rau 46 par. 1)

No. 2: Isaia 30:​1-​14

No. 3: a Dahaka Do Oi Gwau Bema ta Ia Gwau: ‘Lau be mai Egu Maoro Do Lau Gwau Dahaka Do Ia Vara Lauegu Tauanina Dekenai’ (rs rau 77 par. 5)

No. 4: Edena Bamona Ita Diba Iehova Dirava ese Natudia Ia Lalokau Henia?

Jan. 15 Baibel duahiduahi: Isaia 34-​37 Ane 222

Hereva Karana: Hereva Oi Abia Hidi Namonamo (be rau 160 par. 1-3)

No. 1: Kara Dika Bona Kara Namo Dekenai Iesu Ena Lalohadai Hahedinaraia Dalana (w05 1/1 rau 17-18 par. 11-​15)

No. 2: Isaia 34:​1-​15

No. 3: Lalokau Hahedinaraia Dalana (Mat. 22:39)

No. 4: Adamu Bona Heva​​—Idaunegai Idia Noho Taunimanima Korikoridia Eiava? (rs rau 28 par. 2–rau 30 par. 4)

Jan. 22 Baibel duahiduahi: Isaia 38-​42 Ane 61

Hereva Karana: Idia Lalopararalaia Haraga Hereva (be rau 161 par. 1-4)

No. 1: Dagedage Dainai Lalomanoka Lasi (w05 1/1 rau 23 par. 16-​18)

No. 2: Isaia 38:​9-​22

No. 3: b Dahaka Do Oi Gwau Bema ta Ia Gwau: ‘Adamu Ia Kara Dika be Dirava Ena Ura, Iena Palani Hegeregerena’ (rs rau 30 par. 5–rau 31 par. 1)

No. 4: Naria Namonamo Dika Oi Laloa Ma Ta be Ura Dikana ta Dainai Ia Kara (w97 5/15 rau 26-7)

Jan. 29 Baibel duahiduahi: Isaia 43-​46 Ane 113

Hereva Karana: Hereva Idauidau Bona Hereva Maorodia (be rau 161 par. 5–rau 162 par. 4)

No. 1: Dahaka Dainai Iehova Ena Hahemaoro Karadia Ita Abia Dae? (w05 2/1 rau 28-9 par. 4-9)

No. 2: Isaia 45:​1-​14

No. 3: Dahaka Dainai Sene Tubudia Tomadiho Henia Karana be Anina Lasi? (rs rau 358 par. 2–rau 360 par. 2)

No. 4: c Dahaka Dainai Keristani Taudia be Kara Helulu Karana Idia Dadaraia? (w05 6/1 rau 27-8 par. 4-7)

Feb. 5 Baibel duahiduahi: Isaia 47-​51 Ane 79

Hereva Karana: Hereva Idia Hamauria, Hemami Idia Havaraia, Bona Anina Idia Hahedinaraia Herevadia (be rau 163 par. 1–rau 164 par. 2)

No. 1: Iehova Ena Hereva ese Ita Ia Hagoevaia Bona Iseda Abidadama Ia Hagoadaia (w05 5/1 rau 4-​5 par. 5-​11)

No. 2: Isaia 50:​1-​11

No. 3: Dahaka Dainai Sene Tubudia Tomadiho Henia Karana be Iehova Dirava Ia Hamoalea Lasi (rs rau 360 par. 3-8)

No. 4: Baibel ese Harihari Gaudia Henia Karana Ia Taravatua, A?

Feb. 12 Baibel duahiduahi: Isaia 52-​57 Ane 139

Hereva Karana: Grama Ena Taravatu Ia Badinaia Hereva (be rau 164 par. 3–rau 165 par. 1)

No. 1: Iehova Ena Hereva ese Ita Dekenai Lalogoada Ia Henia (w05 5/1 rau 5-​6 par. 12-​14)

No. 2: Isaia 55:​1-​13

No. 3: Sibona Iseda Ura Ita Dadaraia Maurina be mai Ena Namo (w05 4/1 rau 12-13)

No. 4: Keriso Tuari Henia Taudia be Daidia? (rs rau 243-44)

Feb. 19 Baibel duahiduahi: Isaia 58-​62 Ane 189

Hereva Karana: Autlain Gaukaralaia (be rau 166 par. 1–rau 167 par. 2)

No. 1: Isaia​​—Ena Namo (bsi02-1 rau 10-11 par.  34-9)

No. 2: Isaia 60:​1-​14

No. 3: Dahaka Dainai Dirava Ena Hesiai Gaukara Ita Karaia be Moale Gauna? (w05 4/1 rau 14-16)

No. 4: d Raka Siri Taudia Edia Toana (rs rau 335 par. 3–rau 337 par. 2)

Feb. 26 Baibel duahiduahi: Isaia 63-​66 Ane 141

Hereva Karana: Emu Lalohadai Oi Atodia Namonamo (be rau 167 par. 3–rau 168 par. 2)

Riviu

Mar. 5 Baibel duahiduahi: Ieremia 1-4 Ane 70

Hereva Karana: Emu Autlain Ia Kwadogi be Namo (be rau 168 par. 3–rau 169 par. 5)

No. 1: Ieremia Ena Hamatamaia Herevadia (bsi02-1 rau 11-12 par. 1-5)

No. 2: Ieremia 3:​1-​13

No. 3: Moale Momokanina Havaraia Gaudia be Dahaka?

No. 4: e Raka Siri Taudia Dekenai Iseda Kara be Edena Bamona? (rs rau 337 par. 3–rau 338 par. 6)

Mar. 12 Baibel duahiduahi: Ieremia 5-7 Ane 159

Hereva Karana: Lalohadai Hakapua Namonamo (be rau 170 par. 1–rau 171 par. 2)

No. 1: Kongrigeisen Totona Hereva Hegaegaelaia Dalana (be rau 47 par. 1–rau 49 par. 1)

No. 2: Ieremia 5:​1-​14

No. 3: Keriso be Petero Latanai Ekalesia Ia Haginia Lasi (rs rau 31 par. 2–rau 33 par. 4)

No. 4: Hari Inai Negai Esodo 14:11 Ita Badinaia Dalana (w95 9/1 rau 19-20)

Mar. 19 Baibel duahiduahi: Ieremia 8-​11 Ane 182

Hereva Karana: Lalohadai Hakapua Namonamo Dalana (be rau 171 par. 3–rau 172 par. 6)

No. 1: Hesiai Hebou Bona Tok Ma Haida Hegaegaelaia Dalana (be rau 49 par. 2–rau 51 par. 1)

No. 2: Ieremia 10:​1-​16

No. 3: Edena Bamona Ita Diba Aberahamo, Iobu, Bona Daniela be Toreisi Lou Helarona Dekenai Edia Abidadama Idia Hahedinaraia?

No. 4: Petero ese Dahaka Ki Ia Gaukaralaia? (rs rau 33 par. 5–rau 36 par. 2)

Mar. 26 Baibel duahiduahi: Ieremia 12-​16 Ane 205

Hereva Karana: Mai Anina Gaudia Sibona (be rau 173 par. 1-4)

No. 1: Headava Lalonai Hepapahuahu Hamaoromaoroa Dalana (w05 11/1 rau 14-​17)

No. 2: Ieremia 12:​1-​13

No. 3: “Aposetolo Edia Dagi Idia Abia Taudia” be Keristani Taudia Korikoridia Lasi (rs rau 36 par. 3–rau 38 par. 6)

No. 4: Edena Dala ai Keristani Tauna Ia Heagi be Namo? (w05 3/1 rau 6-8)

Apr. 2 Baibel duahiduahi: Ieremia 17-​21 Ane 30

Hereva Karana: Sibona Emu Hereva Amo (be rau 174 par. 1–rau 175 par. 4)

No. 1: Pablik Tok Hegaegaelaia Dalana (be rau 52 par. 1–rau 54 par. 1)

No. 2: Ieremia 20:​1-​13

No. 3: Aramagedono Tuarina be Edeseniai Do Idia Tuarilaia? (rs rau 38-40 par. 6)

No. 4: f Edena Dala ai Sisiba Ita Laloa be Namo?

Apr. 9 Baibel duahiduahi: Ieremia 22-​24 Ane 184

Hereva Karana: Sibona Emu Hereva amo Hereva Oi Henia Ena Dika Oi Naria Namonamo (be rau 175 par. 5–rau 177 par. 1)

No. 1: Hereva Henia Tauna ese Ia Abia Hidi Gaudia (be rau 54 par. 2-4; rau 55, maua)

No. 2: Ieremia 23:​1-​14

No. 3: Dahaka Dainai Haroro Gaukara ese Moale Ia Havaraia?

No. 4: Daidia Bona Dahaka be Aramagedono ai Do Idia Hadikadia Ore? (rs rau 40 par. 7–rau 41 par. 4)

Apr. 16 Baibel duahiduahi: Ieremia 25-​28 Ane 27

Hereva Karana: Henanadai Idia Henia Neganai (be rau 177 par. 2–rau 178 par. 3)

No. 1: Emu Hadibaia Karana Oi Hanamoa (be rau 56 par. 1–rau 57 par. 2)

No. 2: Ieremia 26:​1-​15

No. 3: Daidia be Aramagedono amo Do Idia Roho Mauri? (rs rau 41 par. 5–rau 42 par. 2)

No. 4: Edena Dala ai Dirava ese Tano Ia Gwauraia Dika? (Gen. 3:​17; w04 1/1 rau 29)

Apr. 23 Baibel duahiduahi: Ieremia 29-​31 Ane 148

Hereva Karana: Herevahereva Dalanai (be rau 179-​80)

No. 1: “Edia Idau Do Umui Laloa Namonamo” (be rau 57 par. 3–rau 58 par. 2)

No. 2: Ieremia 31:​1-​14

No. 3: Dahaka Dainai Iehova Ena Siahu Bada be Hetoana Lasi? (w04 2/1 rau 5-6)

No. 4: Aramagedono​​—Dirava Ena Lalokau Do Ia Negea Lasi (rs rau 42 par. 3-5)

Apr. 30 Baibel duahiduahi: Ieremia 32-​34 Ane 100

Hereva Karana: Gado Regena Namona (be rau 181 par. 1-4)

Riviu

May 7 Baibel duahiduahi: Ieremia 35-​38 Ane 165

Hereva Karana: Emu Hahodi Biagua Namonamo (be rau 181 par. 6–rau 184 par. 1; rau 182, maua)

No. 1: Kamonai Taudia Oi Hagoadaia Idia Laloa Totona (be rau 58 par. 3–rau 59 par. 3)

No. 2: Ieremia 36:​1-​13

No. 3: Aramagedono Tuarina amo Gini Siri Dalana Ia Noho Lasi (rs rau 42 par. 6-rau 43 par. 3)

No. 4: Edena Dala ai Keristani Taudia ese Laloa Daradara Idia Hanaia Diba? (w96 5/1 rau 21-2)

May 14 Baibel duahiduahi: Ieremia 39-​43 Ane 56

Hereva Karana: Masolo Aukadia Oi Hamanokaia (be rau 184 par. 1–rau 185 par. 2; rau 184, maua)

No. 1: Badinaia Dalana Hahedinaraia, Bona Haheitalai Namona Oi Hahedinaraia (be rau 60 par. 1–rau 61 par. 3)

No. 2: Ieremia 39:​1-​14

No. 3: Daika Ena Siahu ese Tanobada Besedia Ia Doridia Dirava Idia Tuari Henia Totona? (rs rau 43 par. 4-5)

No. 4: g Dahaka Dainai Keristani Mero Bona Kekeni Idia Loa Hebou Neganai, Goeva Karana Idia Badinaia be Namo?

May 21 Baibel duahiduahi: Ieremia 44-​48 Ane 122

Hereva Karana: Ma ta Laloa Bada (be rau 186 par. 1-4)

No. 1: Herevahereva Karana Hanamoa Dalana (be rau 62 par. 1–rau 64 par. 1)

No. 2: Ieremia 46:​1-​17

No. 3: Sibona Ita Koia Karana be Dahaka, Bona Edena Bamona Unai Kara Dekenai Ita Naria Namonamo Diba? (w04 3/1 rau 15-17)

No. 4: Apokalupo Lalonai Ia Gwauraia Babulonia Ena Anina Hahedinaraia (rs rau 49 par. 1-2)

May 28 Baibel duahiduahi: Ieremia 49-​50 Ane 95

Hereva Karana: Oi Kamonai Namonamo (be rau 187 par. 1-5)

No. 1: Herevahereva Do Ia Heau Noho Dalana (be rau 64 par. 2–rau 65 par. 4)

No. 2: Ieremia 49:​14-​27

No. 3: Dahaka Dainai Idaunegai Hanuana Babulonia Ena Ladana be Bada? (rs rau 49 par. 3–rau 51 par. 2)

No. 4: Tama Sina ese Edia Natudia Dekenai Duahiduahi Idia Hadibaia Ena Badina (Deu. 6:7)

June 4 Baibel duahiduahi: Ieremia 51-​52 Ane 166

Hereva Karana: Ma Haida Oi Durua Idia Goada Totona (be rau 188 par. 1-4)

No. 1: Ieremia​​—Ena Namo (bsi02-1 rau 12-13 par. 36-9)

No. 2: Ieremia 52:​1-​16

No. 3: Dirava Ita Gwau-Edeede Henia Karana be Kavakava

No. 4: Dahaka Dainai Sibona Idia Gwauraia Keristani Tomadiho Oreadia be Babulonia Badana Ena Kahana Ta (rs rau 51 par. 3–rau 52 par. 2)

June 11 Baibel duahiduahi: Lalohisihisi Ena Ane 1-2 Ane 129

Hereva Karana: Idia Oi Durua (be rau 188 par. 5–rau 189 par. 4)

No. 1: Lalohisihisi Ena Ane Ena Hamatamaia Herevadia (bsi02-1 rau 14-15 par. 1-7)

No. 2: Lalohisihisi Ena Ane 2:​1-​10

No. 3: Babulonia Badana Idia Rakatania Haraga Ena Badina (rs rau 52 par. 3–rau 53 par. 3)

No. 4: Dahaka Dainai Hebogahisi Korikorina be Manoka Toana Lasi? (w04 5/1 rau 4)

June 18 Baibel duahiduahi: Lalohisihisi Ena Ane 3-5 Ane 140

Hereva Karana: Ma Haida Matauraia (be rau 190 par. 1-4)

No. 1: Lalohisihisi Ena Ane​​—Ena Namo (bsi02-1 rau 15 par. 13-​15)

No. 2: Lalohisihisi Ena Ane 4:​1-​13

No. 3: Bapatiso Ena Anina, Bona Abidadama Taudia ese Bapatiso Idia Abia Ena Badina (rs rau 63 par. 1-4)

No. 4: h Dahaka Dainai Keristani Taudia Momokanidia be Politik Karadia Lalonai Idia Vareai Lasi?

June 25 Baibel duahiduahi: Esekiela 1-5 Ane 1

Hereva Karana: Hemataurai Toadia (be rau 191 par. 1–rau 192 par. 1)

Riviu

July 2 Baibel duahiduahi: Esekiela 6-​10 Ane 26

Hereva Karana: Ita Haroro mai Hemataurai Ida (be rau 192 par. 2–rau 193 par. 2)

No. 1: Esekiela Ena Hamatamaia Herevadia (bsi02-1 rau 16-17 par. 1-6)

No. 2: Esekiela 7:​1-​13

No. 3: Dirava Kahirakahira Ita Lao Totona, Dahaka Ita Karaia be Namo? (Iam. 4:8)

No. 4: Keristani Bapatiso be Ranu Sisina amo Kwarana Haparia Karana Lasi, Beibi Totona Lasi (rs rau 63 par. 5–rau 64 par. 5)

July 9 Baibel duahiduahi: Esekiela 11-​14 Ane 112

Hereva Karana: Mai Lalogoada ida Oi Hereva (be rau 194 par. 1–rau 195 par. 2)

No. 1: Kara Namodia Oi Karaia Noho, Oi Hesiku Lasi (w01 8/15 rau 25-9)

No. 2: Esekiela 11:​1-​13

No. 3: Ranu Lalonai Bapatiso Karana ese Kara Dika Ia Gwauatao, A? (rs rau 64 par. 6–rau 65 par. 1)

No. 4: Apokalupo 17:​9-​11 be Edena Bamona Ita Lalopararalaia?

July 16 Baibel duahiduahi: Esekiela 15-​17 Ane 29

Hereva Karana: Lalogoada Oi Hahedinaraia Daladia (be rau 195 par. 3–rau 196 par. 4)

No. 1: Dala Maorona ai Iehova Oi Naria Noho, A? (w05 9/1 rau 29-32)

No. 2: Esekiela 16:​1-​13

No. 3: Ita Aonega Ena Anina (w99 9/15 rau 12-15)

No. 4: Daidia be Lauma Helaga amo Idia Bapatiso? (rs rau 65 par. 2–rau 66 par. 4)

July 23 Baibel duahiduahi: Esekiela 18-​20 Ane 193

Hereva Karana: Mai Aonega ida Hereva Maoromaoro (be rau 197 par. 1-3)

No. 1: Henanadai Tauna Ena Lalohadai Oi Laloa (be rau 66 par. 1–rau 68 par. 1)

No. 2: Esekiela 18:​19-​29

No. 3: Lahi Bapatiso be Lauma Helaga Bapatiso amo Ia Idau (rs rau 66 par. 5–rau 67 par. 3)

No. 4: Dahaka Gaudia ese Idia Hamomokania Dirava Ena Basileia be Gau Korikorina Ta (Mat. 6:10)

July 30 Baibel duahiduahi: Esekiela 21-​23 Ane 35

Hereva Karana: Haroro Gaukara Lalonai mai Aonega ida Ita Hereva (be rau 197 par. 4–rau 198 par. 5)

No. 1: Henanadai Tauna Ena Lalohadai Baibel Dekenai (be rau 68 par. 2–rau 70 par. 3)

No. 2: Esekiela 23:​1-​17

No. 3: Baibel Ita Tahua Ena Badina Haida (rs rau 53 par. 4–rau 55 par. 3)

No. 4: Ladana Badana Abia Karana Dekenai Lalohadai Maorona be Dahaka? (w04 8/1 rau 24-5)

Aug. 6 Baibel duahiduahi: Esekiela 24-​27Ane 37

Hereva Karana: Nega Maorona ai Hereva Maorodia Gwauraia (be rau 199 par. 1-4)

No. 1: Revareva amo Hereva Siaia Dalana (be rau 71-3)

No. 2: Esekiela 24:​1-​14

No. 3: Edena Dala Idauidau ai Mose be Haheitalai Namona Keristani Taudia Dekenai?

No. 4: Isaia Bona Ieremia ese Idia Hamomokania Baibel be Dirava Ena Lauma Helaga amo Idia Torea (rs rau 55 par. 4–rau 56 par. 3)

Aug. 13 Baibel duahiduahi: Esekiela 28-​31 Ane 123

Hereva Karana: Mai Aonega ida Ruma Bese Taudia Bona Keristani Tadikaka ida Herevahereva (be rau 200 par. 1-4)

No. 1: Emu Goada Oi Habadaia (be rau 74 par. 1–rau 75 par. 3)

No. 2: Esekiela 28:​1-​16

No. 3: Iesu Ena Peroveta Herevadia Idia Guguru ese Idia Hamomokania Baibel be Dirava Ena Lauma Helaga amo Idia Torea (rs rau 57 par. 1-2)

No. 4: Baibel Lalonai Inai Hereva “Inai Henia” o “Badu Henia” Ena Anina be Dahaka? (w05 1/1 rau 17-18)

Aug. 20 Baibel duahiduahi: Esekiela 32-​34 Ane 215

Hereva Karana: Lalona Hagoadaia (be rau 202 par. 1–rau 203 par. 2)

No. 1: Oi Abia Harihari Gauna Oi Gaukaralaia (be rau 75 par. 4–rau 77 par. 2)

No. 2: Esekiela 34:​1-​14

No. 3: Edena Dala ai Dirava Ena Lauma Helaga ese Ita Ia Durua?

No. 4: Saiens Dalanai Baibel be Ia Maoro (rs rau 58 par. 1–rau 59 par. 4)

Aug. 27 Baibel duahiduahi: Esekiela 35-​38 Ane 94

Hereva Karana: Lalona Hagoadaia Dalana ai Oi Hereva (be rau 203 par. 3–rau 204 par. 1)

Riviu

Sept. 3 Baibel duahiduahi: Esekiela 39-​41 Ane 194

Hereva Karana: Keristani Tadikaka ida Oi Herevahereva Neganai (be rau 204 par. 2–rau 205 par. 4)

No. 1: Dahaka Dainai Dirava Ena Hereva Ita Ura Henia be Namo? (w05 5/1 rau 9 par. 3-6)

No. 2: Esekiela 40:​1-​15

No. 3: Taunimanima ese Dirava Idia Hamoalea Diba? (Aon. 27:11)

No. 4: i Baibel Idia Henanadailaia Herevadia Haerelaia Dalana (rs rau 60 par. 1–rau 62 par. 3)

Sept. 10 Baibel duahiduahi: Esekiela 42-​45 Ane 77

Hereva Karana: Mai Anina Herevadia Gwauraia Lou (be rau 206 par. 1-4)

No. 1: Emui Natudia Dekenai Dahaka Ahuna Umui Henia? (w05 8/1 rau 3-6)

No. 2: Esekiela 43:​1-​12

No. 3: Dahaka Dainai Keristani Taudia ese Vara Dinana Idia Moalelaia Lasi? (rs rau 430 par. 5–rau 432 par. 3)

No. 4: j Edena Dala ai “Idau Taudia Edia Gadona” Ita Dibaia Diba? (Ioa. 10:5)

Sept. 17 Baibel duahiduahi: Esekiela 46-​48 Ane 164

Hereva Karana: Haroro Gaukara Lalonai Bona Hereva Oi Henia Neganai, Hereva Oi Gwauraia Lou Karana (be rau 207 par. 1–rau 208 par. 3)

No. 1: Esekiela​​—Ena Namo (bsi02-1 rau 18 par. 29-​33)

No. 2: Esekiela 47:​1-​14

No. 3: Dahaka Dainai Keristani Taudia be Rara Idia Ania Lasi? (rs rau 339 par. 1–rau 341 par. 1)

No. 4: k Dahaka Dainai Tama Sina ese Edia Natudia Idia Durua Iehova Idia Tura Henia Totona be Ahuna Hereadaena? (w05 8/1 rau 6)

Sept. 24 Baibel duahiduahi: Daniela 1-3 Ane 179

Hereva Karana: Sinado Ena Anina Hahedinaraia (be rau 209 par. 1-3)

No. 1: Daniela Ena Hamatamaia Herevadia (bsi02-1 rau 19-20 par. 1-6)

No. 2: Daniela 2:​1-​16

No. 3: Dahaka Dainai 144,000 be Namba Korikorina Ta? (Apok. 7:4)

No. 4: Dahaka Dainai Keristani Taudia be Rara Abia Hanai Karana Idia Dadaraia (rs rau 341 par. 2–rau 342 par. 2)

Oct. 1 Baibel duahiduahi: Daniela 4-6 Ane 14

Hereva Karana: Sinado Namona Oi Gaukaralaia (be rau 210 par. 1–rau 211 par. 1; rau 211, maua)

No. 1: Edena Negai Ita Badu Henia Tauna Dekenai Kara ta Ita Karaia? (w05 10/1 rau 3-​5)

No. 2: Daniela 4:​1-​17

No. 3: Edena Dala ai Mepiboseta Ena Kara Namodia Ita Tohotohoa Diba? (2 Sam. 19:​24-30)

No. 4: l Rara Abia Hanai Karana Dekenai Idia Gwauraia Herevadia Haerelaia Dalana (rs rau 342 par. 3–rau 344 par. 3)

Oct. 8 Baibel duahiduahi: Daniela 7-9 Ane 34

Hereva Karana: Hereva Badadia Hahedinaraia (be rau 212 par. 1–rau 213 par. 1)

No. 1: Dirava Hamoalea Lasi Kastom Karadia Dekenai Naria Namonamo (w05 7/1 rau 3-​5)

No. 2: Daniela 7:​1-​12

No. 3: Ta Ia Vara Lou Ena Anina be Dahaka? (rs rau 433 par. 1–rau 434 par. 4)

No. 4: Haroro Hanaihanai Karana ese Dahaka Moale Ia Mailaia?

Oct. 15 Baibel duahiduahi: Daniela 10-​12 Ane 210

Hereva Karana: Hereva Badadia Momo Lasi (be rau 213 par. 2–rau 214 par. 4)

No. 1: Daniela​​—Ena Namo (bsi02-1 rau 21-2 par. 19-​23)

No. 2: Daniela 11:​1-​14

No. 3: Edena Dala ai Manau Karana ese Ita Ia Durua Hekwakwanai Ita Hamaoromaoroa? (w05 11/1 rau 12-13)

No. 4: Dirava ese Idia Vara Lou Taudia Sibona Do Ia Hamauridia, A? (rs rau 434 par. 5–rau 435 par. 4)

Oct. 22 Baibel duahiduahi: Hosea 1-7 Ane 66

Hereva Karana: Lalona Veria Hamatamaia Herevana (be rau 215 par. 1–rau 216 par. 5)

No. 1: Hosea Ena Hamatamaia Herevadia Bona Ena Namo (bsi02-1 rau 23-5 par. 1-8, 14-​17)

No. 2: Hosea 5:​1-​15

No. 3: a Ta Ia Vara Lou Herevana Dekenai Idia Vara Lalohadai Idauidau Haerelaia Dalana (rs rau 435 par. 6–rau 436 par. 4)

No. 4: Edena Dala ai Keristani Taudia Momokanidia ese Haheauka Karana Idia Hahedinaraia Diba?

Oct. 29 Baibel duahiduahi: Hosea 8-​14 Ane 59

Hereva Karana: Haroro Gaukara Lalonai Taunimanima Edia Lalona Veria (be rau 217 par. 1-4)

Riviu

Nov. 5 Baibel duahiduahi: Ioela 1-3 Ane 166

Hereva Karana: Hamatamaia Herevana Lalonai Do Oi Herevalaia Gauna Oi Gwauraia (be rau 217 par. 5–rau 219 par. 4)

No. 1: Ioela Ena Hamatamaia Herevadia Bona Ena Namo (bsi02-2 rau 3-4 par. 1-5, 12-​14)

No. 2: Ioela 2:​1-​14

No. 3: “Lalokau Momokani” Ena Anina (1 Ioa. 4:​18)

No. 4: Pris Taudia Dekenai Kerere Gwauraia Hedinarai Karana​​—Dahaka Dainai Unai be Baibel Ena Hereva Hegeregerena Lasi? (rs rau 234 par. 2–rau 235 par. 7)

Nov. 12 Baibel duahiduahi: Amosa 1-9 Ane 211

Hereva Karana: Hereva Dokona Namona (be rau 220 par. 1-3)

No. 1: Amosa Ena Hamatamaia Herevadia Bona Ena Namo (bsi02-2 rau 5-7 par. 1-6, 13-​17)

No. 2: Amosa 2:​1-​16

No. 3: Dahaka Dainai Ita Sibona Ita Karaia Toho Gaudia amo Diba Ita Abia be Dala Namona Lasi? (w93 3/15 rau 28-9)

No. 4: Ta ese Dirava Bona Taunimanima Ia Kara Dika Henia Dainai Ena Kara Dika Ia Gwauraia Hedinarai (rs rau 236 par. 4–rau 237 par. 6)

Nov. 19 Baibel duahiduahi: Obadaia 1–Iona 4 Ane 220

Hereva Karana: Oi Laloatao be Namo Herevadia (be rau 221 par. 1-5)

No. 1: Obadaia Bona Iona Edia Hamatamaia Herevadia Bona Edia Namo (bsi02-2 rau 7-9 par. 1-5, 10-​14; rau 9-11 par. 1-4, 9-​12)

No. 2: Iona 1:​1-​17

No. 3: Dahaka Dainai Tanobada Paradaisona Ia Do Vara Lasi Lalonai, Lauma Paradaisona Ia Vara Guna be Namo? (w04 11/1 rau 10-11)

No. 4: b Dahaka Dainai Elda Taudia Dekenai Kara Dika Rohorohodia Ita Gwauraia Hedinarai be Namo? (rs rau 237 par. 7–rau 238 par. 4)

Nov. 26 Baibel duahiduahi: Mika 1-7 Ane 18

Hereva Karana: Haroro Gaukara Lalonai (be rau 221 par. 6–rau 222 par. 6)

No. 1: Mika Ena Hamatamaia Herevadia Bona Ena Namo (bsi02-2 rau 11-14 par. 1-8, 16-​19)

No. 2: Mika 2:​1-​13

No. 3: Lalomanada Ena Anina be Dahaka? (w04 11/1 rau 22-3)

No. 4: Dahaka Dainai Dirava ese Gau Iboudiai Ia Havaraia Herevana Ita Abia Dae be Maoro? (rs rau 125 par. 2–rau 127 par. 1)

Dec. 3 Baibel duahiduahi: Nahumu 1–Habakuku 3 Ane 137

Hereva Karana: Hereva Ia Maoro Momokani (be rau 223 par. 1-5)

No. 1: Nahumu Bona Habakuku Edia Hamatamaia Herevadia Bona Edia Namo (bsi02-2 rau 14-16 par. 1-7, 11-​12; rau 17-19 par. 1-5, 12-​14)

No. 2: Habakuku 1:​1-​17

No. 3: Baibel Ia Gwau Dirava ese Gau Ibounai Ia Havaraia Herevana Ita Lalopararalaia (rs rau 127 par. 2–rau 129 par. 2)

No. 4: Dahaka Dainai Mauri Hanaihanai Do Ita Hesikulaia Lasi

Dec. 10 Baibel duahiduahi: Sepanaia 1–Hagai 2 Ane 78

Hereva Karana: ‘Hereva Momokani Badinaia’ (be rau 224 par. 1-4)

No. 1: Sepanaia Bona Hagai Edia Hamatamaia Herevadia Bona Edia Namo (bsi02-2 rau 19-22 par. 1-6, 10-​12; rau 22-4 par. 1-7, 13-​16)

No. 2: Sepanaia 3:​1-​17

No. 3: Dahaka Dainai Korosi Tomadiho Henia Karana be Baibel Ena Hereva Hegeregerena Lasi? (rs rau 252 par. 3–rau 253 par. 4)

No. 4: c Edena Dala ai Iehova Hetura Henia Namonamo Karana ese Headava Ia Hagoadaia?

Dec. 17 Baibel duahiduahi: Sekaraia 1-8 Ane 209

Hereva Karana: Oi Abia Herevadia Hamomokania Daladia (be rau 225 par. 1-3)

No. 1: Sekaraia Ena Hamatamaia Herevadia (bsi02-2 rau 25-6 par. 1-7)

No. 2: Sekaraia 7:​1-​14

No. 3: Edena Dala ai Iesu Ena Toana Ia Idau Matahanaina Ia Guguru? (w05 2/1 rau 8-9)

No. 4: Abata Badana Do Lasi Neganai Idia Noho Taudia Edia Mauri Lagani ta Ena Daudau be Hari Inai Nega Ena Lagani ta Ena Daudau Hegeregerena, A? (rs rau 79 par. 4–rau 80 par. 2)

Dec. 24 Baibel duahiduahi: Sekaraia 9-​14 Ane 202

Hereva Karana: Idia Lalopararalaia (be rau 226 par. 1–rau 227 par. 1)

No. 1: Sekaraia​​—Ena Namo Ia Lao Bona Malaki Ena Hamatamaia Herevadia Bona Ena Namo (bsi02-2 rau 26-7 par. 23-7; rau 28-30 par. 1-6, 13-​17)

No. 2: Sekaraia 10:​1-​12

No. 3: Dahaka Dainai Iehova Ena Witnes Taudia Idia Gwau Dirava Ena Basileia be Lagani 1914 ai Ia Gini? (rs rau 80 par. 3–rau 82 par. 3)

No. 4: Edena Dala ai Ita Hegaegae Diba Dagedage Ita Haheaukalaia Totona?

Dec. 31 Baibel duahiduahi: Malaki 1-4 Ane 118

Hereva Karana: Idia Diba Lasi Herevadia Edia Anina Oi Gwauraia (be rau 227 par. 2–rau 228 par. 1)

Riviu

[Footnotes]