Iseda Haroro Bona Mauri Dalana Hebou Pepana Edia RefrenIseda Haroro Bona Mauri Dalana Hebou Pepana Edia Refrenss
SEPTEMBER 5-11
BAIBEL ENA HEREVA BADADIA | 1 KING TAUDIA 9-10
“Iehova Ena Aonega Dainai Ita Hanamoa”
Hahenamo Bada Ia Havaraia Vadivadina
Solomona danu ia hedavari neganai, unai kwini ese “henanadai aukadia” amo Solomona ia tohoa. (1 King Taudia 10:1) Unuseniai idia gaukaralaia Heberu herevana ita hahanaia diba “henanadai hehunidia.” To ita laloa diba lasi unai ena anina be kwini ese Solomona dekenai gadara bamona henanadai ia henia. Heberu gado Baibel lalonai Salamo 49:4 dekenai unai hereva tamona idia gaukaralaia mai anina bada gaudia, hegeregere kara dika, mase, bona mauri ena davana idia hahedinaraia neganai. Unai dainai, toana be Sieba ena kwini be Solomona danu mai anina bada herevadia ia herevalaia Solomona ena aonega ena bada tohoa totona. Baibel ia gwau ia ese “iena henanadai ibounai ia nanadaia.” Bena Solomona ese, “henanadai ibounai dekenai ia haere henia, idia ta be auka lasi ia dekenai.”—1 King Taudia 10:2b, 3.
Hariharibada Karana be Bada Neganai
Kwini be ia itaia bona kamonai gaudia dekenai ia hoa bada, bena mai manau ida ia haere, ia gwau: “Oiemu hesiai taudia laki, ani? Idia be nega ibounai oiemu vairana dekenai idia gini, bona oiemu aonega hereva idia kamonai noho, ani?” (1 King Taudia 10:4-8) Ia gwau lasi Solomona ena hesiai taudia be idia moale badina be kohu momo bogaraginai idia noho dainai—ena be unai be momokani. To, Solomona ena hesiai taudia be hahenamo idia abia badina idia be hanaihanai Dirava ese Solomona dekenai ia henia aonegana idia kamonai henia diba. Sieba ena kwini be haheitalai namona hari inai negai Iehova ena taunimanima dekenai, idia be Havaraia Tauna bona ena natuna, Iesu Keriso, edia aonega idia moalelaia diba taudia!
Hahenamo Bada Ia Havaraia Vadivadina
Sieba ena kwini be Solomona ena aonega bona ena basileia ena taga ia laloa bada dainai ia “hoa bada.” (1 King Taudia 10:4, 5) Haida ese unai hereva idia laloa neganai, idia gwau ia laga tuna. Aonega tauna ta ena lalohadai be ia maserea! Herevana dahaka ia vara, to kwini ia kamonai bona ia itaia gaudia dainai ia hoa. Ia ese Solomona ena hesiai taudia ia gwauraia namo unai king ena aonega idia kamonai diba dainai, bona Iehova ia hanamoa badina Solomona be terona dekenai ia atoa. Bena ia ese Solomona dekenai dava bada harihari gaudia ia henia, golo sibona ena davana hari inai negai ita duahia be, dola 40,000,000 bamona. Solomona danu ese harihari gaudia ia henia, unai kwini “ia ura gaudia ibounai ia henia.”—1 King Taudia 10:6-13.
Hakaua Hereva Namodia
w08-E 11/1 22 par. 4-6
Inai Oi Diba, A?
King Solomona dekenai golo hida idia noho?
Baibel siri ese idia hahedinaraia Turo ena king Hirama ese Solomona dekenai 120 golo talent ia siaia, danu Sieba ena kwini ese unai bamona talent ia henia, bona Solomona ena tatau ese Opiri amo idia abia mai golo ena metau be sement baege 300 bamona. Danu Baibel ia gwau, “Solomona ese lagani ta lalonai ia abia golo ena metau be 666 talent,” eiava 23,000 mai kahana. (1 Kings 9:14, 28; 10:10, 14) Unai be momokani, a? Idaunegai idia haboua golo edia metau be edena bamona?
Diba bada taudia ese idaunegai idia koroa herevana ta idia hamomokania ia gwau, Aigupito ai Pharaoh Thutmose III (Lagani 1,000 bona 2,000 B.C.E.) ese golo talent 13.5 be Karnak ena dubu helaga Amun-Ra dekenai ia siaia. Lagani 800 B.C.E., lalonai Turo taudia ese Asuria ena King Tigolata-pilesere III dekenai 120 golo talent idia henia, bona Saragono II ese Babulonia ena dirava dekenai unai bamona golo ia henia danu. Haida idia gwau, Makedonia ena King Philip II (359-336 B.C.E.) be lagani ta ta ai, Thrace dekenai ia noho Pangaeum maini amo golo talent 28 mai kahana ia abia.
Philip ena natuna mero Alesana Badana (336-323 B.C.E.) ese Parasa ena siti Susa ia abia neganai, haida idia gwau, unuseniai golo talent 1,180 bamona ia abia bona Parasa hanua ibounai amo golo talent 7,000 ia abia danu. To unai ripoti idia hahegeregeredia neganai, Baibel ia gwau, King Solomona ese ia abia golo be bada lasi.
SEPTEMBER 12-18
BAIBEL ENA HEREVA BADADIA | 1 KING TAUDIA 11-12
“Oi Ura Adavaia Tau O Hahine Oi Abia Hidi Namonamo”
“Daika be Iehova Ena Kahanai?”
7 King Solomona ena haheitalai amo gau momo do ita dibaia. Solomona ia matamata negana amo, ia be hanaihanai Iehova amo heduru ia tahua. Dirava ese Solomona dekenai aonega bada ia henia bona ia ia abia hidi Ierusalema ai dubu helaga badana do ia haginia totona. To Solomona ese ena hetura karana Iehova ida ia haboioa. (1 Kin. 3:12; 11:1, 2) Dirava ena Taravatu ia gwau, Heberu king tauna ta ese “adavana momo do ia abia lasi, idia ese Lohiabada dekena amo iena lalona do idia veria garina.” (Deu. 17:17) Solomona be unai taravatu ia badinaia lasi, bona hahine 700 ia adavaia. Ma danu hesiai hahine ibounai 300 ia adavaia. (1 Kin. 11:3) Ia adavaia hahine momo be Israela hahinedia lasi, idia be dirava koikoidia idia tomadiho henia. Unai dainai, Solomona ese Dirava ena taravatu idau bese hahinedia adavaia lasi taravatuna, ia utua.—Deu. 7:3, 4.
Edena Dala ai Emu Kudouna Oi Gimaia Diba?
6 Satani ia ura ia ita tohotohoa—ia ese Iehova ena taravatu ia dadaraia bona sibona ena ura ia tahua. Satani be taunimanima ia doria diba lasi idia ura lasi gauna idia karaia totona. Unai dainai ena ura hagugurua totona dala idauidau ia gaukaralaia. Hegeregere, ita be inai tanobada ai ita noho dainai ia ese ia hakaua kerere taudia huanai ita noho. (1 Ioa. 5:19) Ia ura iseda nega bada ita atoa idia ita bamoa totona, herevana ita diba hebamo dikadia ese iseda lalohadai bona kara namodia do idia “hadikaia.” (1 Kor. 15:33) King Solomona dekenai unai ia karaia. Ia ese dirava koikoidia idia tomadiho henia hahinedia ia adavaia bona unai ese “ena lalona idia hakererea, vadaeni ia ese [Iehova] ia rakatania.”—1 Kin. 11:3.
“Daika be Iehova Ena Kahanai?”
9 To, Iehova be Solomona ena kara dika ia itaia vadaeni. Baibel ia gwau: “Lohiabada, Israela ena Dirava ese nega rua Solomona dekenai ia hedinarai, bona ia ese Solomona ia oda henia idau bese edia dirava do ia tomadiho henia lasi. To Solomona ese Lohiabada ena oda ia kamonai henia lasi.” Unai dainai, Dirava ena lalonamo bona heduru ia abia lasi. Bona Solomona ena bese ibounai be Israela ena basileia lalonai idia lohia lasi bona lagani momo lalonai hisihisi idia mamia.—1 Kin. 11:9-13.—1 Ki. 11:9-13.
Hakaua Hereva Namodia
DIRAVA ENA LALONAMO Ia Abia Diba
Rehoboama ena disisen dainai taunimanima idia dagedage. So Rehoboama be ena ami ia haboua. To Iehova be peroveta tauna Semaia ia gaukaralaia Rehoboama ia hereva henia totona. Ia gwau: “Do umui lao lasi tuari totona, umui emui varavara, Israela taudia do umui tuari henia lasi. Umui ta ta emui ruma dekenai do umui giroa lou, badina be idia vara gaudia be lauegu ura dekena amo.”—1Ki. 12:21-24.
Do idia tuari lasi, a? Ita diba Rehoboama ia lalohekwarahi bada! Taunimanima be dahaka do idia laloa edia king matamatana dekenai, badina idia ia hagaria “kwadia auna amo” do ia panisidia, to unai gwau-edeede karana ia karaia lasi? (2 Sivarai 13:7 hahegeregerea.) To, king bona ena tuari taudia be “Lohiabada [Iehova NWT] ena hereva idia kamonai henia, edia ruma ta ta dekenai idia lou lao.”
Unai sivarai amo dahaka ita dibaia? Dirava ita kamonai henia be aonega karana ena be ita do idia kirikirilaia. Dirava oi kamonai henia neganai iena lalonamo bona hahenamo do oi abia.—Deu. 28:2.
Rehoboama be dahaka ia karaia? Mai kamonai ida bese matamatana tuari henia totona ia karaia palani ia dadaraia, to ia lohiaia noho tanodia Iuda bona Beniamina edia teritori ai hanua matamatadia ia haginia. Bona siti momo “ia hagoadaia momokani.” (2 Siv. 11:5-12) Mai anina bada gauna be, Iehova ena taravatu be nega sisina lalonai ia badinadia. Ieroboama ese ia lohiaia Israela ena iduhu 10 basileiana be kaivakuku idia tomadiho henia matamaia, unai dainai momo ese “Rehoboama idia durua” bona Ierusalema dekenai idia lao tomadiho momokanina hagoadaia totona. (2 Siv. 11:16, 17 NWT) Rehoboama ena kamonai karana dainai ena basileia ia goada.
SEPTEMBER 19-25
BAIBEL ENA HEREVA BADADIA | 1 KING TAUDIA 13-14
“Oi Dekenai Idia Noho Gaudia be Hegeregere Bona Oi Manau, A?”
Kudouna Ibounai ida Dirava Oi Badinaia
4 Vadaeni, Ieroboama ese peroveta tauna ia hamaoroa: “Egu ruma dekenai do ita lao, do oi laga-ani, bona oiemu gaukara ena davana oi dekenai do lau henia.” (1 Kin. 13:7) Peroveta tauna be dahaka do ia karaia? King ena heabidae karana do ia abia dae, ena be King dekenai hahemaoro hereva aukana ia gwauraia, a? (Sal. 119:113) Eiava, king ena heabidae karana do ia dadaraia, ena be king ena kara ia haidaua? Ieroboama be taga tauna dainai, dava bada harihari gaudia be iena turadia dekenai ia henia diba. Bema peroveta tauna be kudouna ai kohu ia mataganigani henia, king ena harihari gaudia ese ia idia dibagania diba. To, Iehova ese peroveta tauna ia oda henia: “Aniani do oi ania lasi, bona ranu do oi inua lasi, bona oi mai dalana dekena amo do oi lou lao lasi.” Unai dainai, peroveta tauna be mai goada ida ia haere: “Bema oiemu ruma kahana lau dekenai oi henia, to oi danu do lau raka vareai hebou lasi. Aniani do lau ania lasi, ranu danu do lau inua lasi inai gabu dekenai.” Bona peroveta tauna be ma dala idauna amo Betele ia rakatania. (1 Kin. 13:8-10) Peroveta tauna ese mai kudouna ibounai ida Dirava ia badinaia karana amo dahaka ita dibaia?—Roma 15:4.
Kudouna Ibounai ida Dirava Oi Badinaia
15 Peroveta tauna ena kerere amo dahaka gau ma haida ita dibaia? Aonega Herevadia 3:5 ia gwau: “Lohiabada do oi abidadama henia, mai emu kudouna ibounai. Oi sibona oiemu diba do oi abidadama henia lasi.” Peroveta tauna be Iehova dekenai ia tabekau lasi, to sibona ena diba dekenai ia tabekau dainai, iena ladana namona Dirava dekenai ia hadikaia bona ena mauri ia haboioa. Ia dekenai ia vara gauna ese ia hahedinaraia, Iehova ita badinaia noho bona mai manau ida Iena hesiai gaukara ita karaia be mai anina bada!
Kudouna Ibounai ida Dirava Oi Badinaia
10 Peroveta tauna be tau buruka ena koikoi karana ia lalopararalaia be namo. Reana ia sibona dekenai ia henanadai diba: ‘Dahaka dainai Iehova be aneru ta amo lau dekenai hadibaia hereva matamatana ia henia lasi, to idau tauna ma ta dekenai ia henia?’ Toana be peroveta tauna ese Iehova ena heduru ia noia lasi, to Baibel ia gwau, “idia ruaosi idia giroa lou, bona peroveta tauna buruka ena ruma lalonai idia aniani, bona ranu idia inua.” Iehova be ia moale lasi. Peroveta tauna be Iuda dekenai ia giroa lou noho lalonai, laiona ta ese ia alaia. Madi, iena peroveta gaukarana ia hadikaia unai!—1 Kin. 13:19-25.
Hakaua Hereva Namodia
Gau ta ese Ita be “Dirava Ena Lalokau . . . amo Ia Kokia Diba Lasi”
11 Gau ihatoina be, Iehova ese eda kudouna ia tahua neganai, iseda kara namodia ia tahua. Hegeregere, Iehova ese oda ia henia King Ieroboama ena bese ibounai—aposteit besena unai—do idia hamasea ore neganai, ia gwau king ena natuna ta, Abia, be hemataurai dalanai do idia guria. Dahaka dainai? “Ia sibona dekenai be Lohiabada, Israela ena Dirava, ese ia moale henia [“gau namona ta ia davaria,” NW].” (1 King Taudia 14:1, 10-13) Iehova be unai tau matamatana ena kudouna ia tahua bona “gau namona ta” ia davaria. Herevana unai gau namona be maragi eiava anina bada lasi, to Iehova dekenai ia be mai anina bada dainai ena Hereva lalonai ia torea. Unai dainai kara namona ia karaia bona unai aposteit ruma besena dekenai unai mero sibona ia hebogahisi henia.
SEPTEMBER 26–OCTOBER 2
BAIBEL ENA HEREVA BADADIA | 1 KING TAUDIA 15-16
“Asa be mai Gari Lasi Ida Ia Kara—Oi Danu, A?”
Emui Gaukara Dainai Davana Namona Do Umui Abia
Lagani 977 B.C.E. ai Asa be king ai ia lao neganai, Israela bona Iuda be lagani 20 lalodiai idia parara vadaeni. Iuda taudia momo be tomadiho koikoi idia badinaia. King ena ruma ai idia gaukara taudia be Kanana taudia edia dirava haida, natudia momo havaraia siahuna idia henia dirava hahinedia, idia tomadiho henia. To, Baibel ia gwau Asa be “kara namodia bona kara maoromaoro, Lohiabada, iena Dirava, ena vairana dekenai ia karaia.” Danu, Asa ese “idau dirava edia boubou patadia bona ataiai idia noho tomadiho gabudia ia kokia ore, bona nadi dekenai idia karaia du helagadia ia hamakohia, bona kaivakuku ia utua bona hadikaia.” (2 Siv. 14:2, 3) Asa ese “dirava koikoi edia tomadiho gabudia dekenai ariara tatau” ia luludia; edia tomadiho lalonai tatau be tatau ida idia mahuta hebou. Danu, Asa be taunimanima ia hagoadaia “Lohiabada, edia sene taudia edia Dirava do idia tahua, bona iena Taravatu bona oda do idia badinaia.”—1 Kin. 15:12, 13; 2 Siv. 14:4.
Mai Kudouna Ibounai ida Iehova Hesiai Henia!
7 Namona be sibona iseda kudouna ita sekea, unai amo do ita diba bema ita be mai kudouna ibounai ida Dirava ita hesiai henia noho eiava lasi. Sibona ita nanadaia, ‘Egu lalona lau hadaia Iehova do lau hamoalea, tomadiho momokani lau badinaia, bona kara gagevadia amo iena taunimanima lau gimaia totona, a?’ Mani oi laloa, Asa be mai lalogoada ida ena tubuna hahine, Maka, ena “kwini dagi” ia kokia! Reana hari ta be Asa ena tubuna hahine bamona ia kara lasi, to Asa ena lalogoada karana oi tohotohoa diba. Hegeregere, bema emu ruma bese tauna ta eiava emu turana namona ta ia kara dika bona ia helalo-kerehai lasi dainai, kongrigeisen amo idia atoa siri be edena bamona? Ia do oi bamoa noho, a? Emui lalomamina ese oi do ia doria dahaka oi karaia totona?
it-1 184-185
Asa
Despite the lack of wisdom and spiritual insight he manifested at times, Asa’s good qualities and freedom from apostasy evidently outweighed his errors, and he is viewed as one of the faithful kings of the line of Judah. (2Ch 15:17) The 41-year reign of Asa touched or covered the reigns of eight kings of Israel: Jeroboam, Nadab, Baasha, Elah, Zimri, Omri, Tibni (who ruled a segment of Israel in opposition to Omri), and Ahab. (1Ki 15:9, 25, 33; 16:8, 15, 16, 21, 23, 29) Upon Asa’s death his son Jehoshaphat became king.—1Ki 15:24.
Hakaua Hereva Namodia
Oi Dekenai Dirava be Momokani, A?
Hegeregere, mani Ieriko haginia lou ena davana dikana perovetalaia herevana oi duahia bena ia guguru dalana oi laloa. Iosua 6:26 ia gwau: “Iosua ese hereva aukana ia gwauraia, ia gwau, ‘Inai hanua Ieriko do ia haginia lou tauna be Lohiabada ena vairanai do ia dika momokani. Ruma ena badina nadi ia haginia tauna ena kerere davana, be iena natuna vara guna do ia mase. Bona hanua ena magu iduara do ia haginia tauna, ena kerere davana be iena natuna, murinai ia vara tauna, do ia mase.’” Lagani 500 murinai unai hereva ena anina ia guguru, badina 1 King Taudia 16:34 dekenai inai sivarai ita duahia, ia gwau: “[King] Ahaba ena nega lalonai Hiele, Betele tauna ese Ieriko hanua ia haginia lou. Ieriko ena badina nadidia ia haginia neganai, Hiele ena natuna vara guna Abirama be ia mase. Ieriko ena ikoukou ia haginia neganai, Segubu, Hiele ena natuna, dokona ia vara merona ia mase. Abirama bona Segubu edia mase be Lohiabada ese ia gwauraia guna, Iosua Nunu ena uduna dekena amo.” Ia noho momokani Diravana ta sibona ese unai bamona peroveta herevadia ia gwauraia diba bona edia anina ia hagugurua diba.
OCTOBER 3-9
BAIBEL ENA HEREVA BADADIA | 1 KING TAUDIA 17-18
“Laloa Rua Dekenai Do Umui Raka Noho Ela Bona Edena Negai?”
Abia Hidi Karaia Negadiai Abidadama Hahedinaraia!
6 Idaunegai Israela taudia be Gwauhamata Tanona dekenai idia noho neganai, idia be mai anina bada abia hidina idia karaia: Iehova do idia tomadiho henia eiava idau dirava (o diravadia). (Iosua 24:15 duahia.) Reana ita dekenai unai be abia hidi aukana lasi. To, idia abia hidi gauna ese idia ia hamauria eiava hamasea diba. Hahemaoro Taudia edia negai, Israela taudia be abia hidi kereredia idia karaia. Idia ese Iehova idia rakatania bona dirava koikoidia idia tomadiho henia. (Gun. 2:3, 11-23) Gabeai, peroveta tauna Elia ena negai, Dirava ena taunimanima be abia hidi ta idia karaia: Idia be Iehova do idia tomadiho henia eiava dirava koikoina Bala. (1 Kin. 18:21) Idia laloa rua dainai Elia ese ia gwau henidia. Reana do oi laloa unai abia hidi be auka lasi, badina Iehova tomadiho henia karana be aonega karana. Momokani, aonega tauna be do ia ura lasi Bala ia tomadiho henia. To unai Israela taudia be “laloa rua ena dala dekenai” idia raka noho. Unai dainai Elia ese idia ia hagoadaia Dirava momokanina, Iehova, idia tomadiho henia totona.
Tomadiho Momokanina Ia Gimaia
Bala ena peroveta taudia be boubou patana latanai boubou gaudia idia atoa, bona edia dirava idia noia. Idia taitai loulou idia gwau, “Bala e, ai dekenai do oi haere.” Hora momo lalonai, idia be unai bamona idia boiboi loulou. Baibel ia gwau: “To gado ta idia kamonai lasi, bona ta ia haere lasi.” Dina tubua ai Elia be idia ia hevasehalaia, ia gwau: “Do umui boiboi bada, badina ia be dirava ta. To sedira ia be ia nihi noho, o sedira ia mei noho, o sedira ia loaloa noho. O sedira ia mahuta noho, do umui hanogaia.” Elia ese unai peroveta koikoi taudia ia hamaorodia, “Do umui boiboi bada.” Elia ia itaia Bala tomadiho henia karana be koikoi, bona ia ura Dirava ena taunimanima ese unai idia lalopararalaia be namo.—1 King Taudia 18:26, 27; BHğ.
Tomadiho Momokanina Ia Gimaia
Elia be gau ibounai ia karaia ore murinai ia guriguri. Ena be Elia ena guriguri ia kwadogi, to ia gwauraia herevadia ese idia hahedinaraia goevagoeva ia dekenai dahaka be mai anina bada. Ginigunana be, Elia ia ura hahedinaraia, Iehova be “Israela ena Dirava,” Bala lasi. Iharuana be, ia ura taunimanima ibounai idia diba ia be Iehova ena hesiai tauna, bona taunimanima ese Iehova Dirava idia hanamoa be namo. Ihatoina be, Elia ia ura ia hahedinaraia ia be ena hanua taudia ia laloa bada dainai, ia ura Iehova ese ‘edia lalona do ia hagiroa lou.’ (1 King Taudia 18:36, 37) Herevana Israela taudia be Iehova idia abidadama henia lasi, to Elia be Israela taudia ia lalokau henidia bada. Elia bamona, Dirava ita guriguri henia neganai iseda hereva amo ita hahedinaraia ita be Dirava ena ladana ita laloa bada, ita manau bona ma haida ita hebogahisi henidia, a?
Hakaua Hereva Namodia
w08-E 4/1 19, maua
Ia Itaia Bona Ia Naria
Elia ena Negai Lagani Bona Hua Hida Medu Ia Diho Lasi?
Iehova ena peroveta tauna Elia be King Ahaba ia hamaoroa kahirakahira medu do ia diho. Unai be Elia ese medu lasi negana ia gwauraia dinana amo ela bona “lagani ihatoina lalonai” ia vara. (1 King Taudia 18:1) Elia ena hereva hegeregerena Iehova be medu Ia siaia. Reana haida do idia gwau, lagani toi lalonai medu lasi negana ia ore, unai dainai toana be lagani toi ia do abia lasi neganai medu ia diho. To Iesu bona Iamesi ese ita idia hamaoroa medu be “lagani toi bona hua 6” lalonai ia diho lasi. (Luka 4:25; Iamesi 5:17) Unai be haida edia hereva amo ia idau, a?
Lasi, badina Israela ai medu be nega daudau ia diho lasi, ela bona hua 6. Unai ese ia hamomokania tano be ia kaukau vadaeni murinai, Elia be Ahaba dekenai ia lao bona medu lasi negana ia herevalaia. Anina be, medu lasi negana be lagani ta ena huanai ia matamaia. Unai dainai Elia ese medu lasi negana be “lagani ihatoina lalonai” do ia ore ia gwauraia neganai, medu be lagani toi mai kahana lalonai ia diho lasi. “Lagani toi bona hua 6” murinai, taunimanima ibounai be hahetoho badana itaia totona, Karamele Ororona dekenai idia haboua.
Elia ese Ahaba ia vadivadi henia negana ginigunana mani oi laloa. Taunimanima idia abia dae Bala be “Ori ia naria” diravana bona medu do ia siaia, unai amo tano do ia kaukau lasi. Bema medu ia diho haraga lasi, reana taunimanima do idia laloa: ‘Bala be edeseniai? Edena negai medu do ia siaia?’ Elia ia gwau medu eiava daba paripari do ia diho lasi ela bona do ia hereva, unai neganai reana Bala idia tomadiho henia taudia idia lalohisihisi.—1 King Taudia 17:1.
OCTOBER 10-16
BAIBEL ENA HEREVA BADADIA | 1 KING TAUDIA 19-20
“Iehova Dekenai Heduru Abia”
Ita Lalohekwarahi Neganai, Iehova amo Heduru Ita Abia
5 King Taudia Ginigunana 19:1-4 duahia. Elia be ia gari badina Kwini Iesebele be ia ura ia do ia hamasea. Unai dainai Elia be Bere-Sieba dekenai ia lao. Ia lalometau bada dainai “ia noinoi” ia ura ia mase. Dahaka dainai unai bamona lalohadai ia abia? Elia be goevadae lasi tauna, bona ia be “mai ena hemami ita hegeregerena.” (Iam. 5:17) Reana ia lalohekwarahi bona ena tauanina ia hesiku bada. Reana Elia ia laloa ia hekwarahi taunimanima ia durua Iehova idia tomadiho henia totona be anina lasi. To, Israela ai taunimanima be ena hereva idia kamonai lasi, bona idia ibounai huanai ia sibona be Iehova ia hesiai henia noho. (1 Kin. 18:3, 4, 13; 19:10, 14) Reana do ita laloa dahaka dainai unai abidadama peroveta tauna be unai bamona ia mamia. To Iehova ese Elia ena hemami ia lalopararalaia.
Manoka Taudia Dekenai Iehova Ena Lalohadai Oi Abia, A?
15 Iehova be guba amo ia itaia ena abidadama peroveta tauna ia lalometau neganai, ena hemami be edena bamona? Ia ese Elia ia dadaraia badina nega sisina lalonai ia lalometau bona ia gari, a? Lasi! Iehova ia laloparara Elia ena goada be mai ena hetoana, unai dainai aneru ta ia siaia ia do ia durua. Unai aneru ese nega rua Elia ia hagoadaia do ia aniani totona. Unai amo tauanina do ia goada bona ena laolao do ia hagugurua. (1 King Taudia 19:5-8 duahia.) Oibe, Iehova be hakaua herevadia ia do gwauraia lasi neganai, Elia ena hereva ia kamonai bona aniani ia henia ena tauanina ia goada totona.
“Lau Sibona ese Egu Mamoe Do Lau Tahua”
14 Peroveta tauna Elia be Kwini Iesebele amo ia heau. (1 Kin. 19:1-3) Ia laloa Iehova ena peroveta tauna ta ia noho lasi, bona ia mamia iena gaukara be anina lasi. Elia be ia lalohisihisi bada dainai ia ura do ia mase. (1 Kin. 19:4, 10) Iehova ese Elia ia gwau henia lasi, to ia hamaoroa ia be sibona ia noho lasi bona Dirava ena siahu dekenai ia tabekau diba, bona gaukara bada ia do noho ia karaia totona. Iehova be mai manau ida Elia ena lalohekwarahi gaudia ia kamonai bona asainmen matamata ia henia. (1 Kin. 19:11-16, 18) Unai amo dahaka ita dibaia? Ita ibounai, elda taudia danu ese Iehova ena hesiai taudia ita kara namo henia be namo. Herevana ta be ia lalohisihisi eiava ia mamia Iehova ese ena dika ia gwauatao lasi, namona be elda taudia ese ena hereva idia kamonai. Bena unai boio mamoe idia durua unai amo do ia laloparara Iehova ese ia ia lalokau henia.
Hakaua Hereva Namodia
Sibona Ena Ura Dadaraia Bona Badinaia Karana Ena Haheitalai Ta
Hari, Dirava ena hesiai taudia momo be unai bamona, sibona edia ura dadaraia karana idia hahedinaraia. Haida be edia “uma,” edia gaukara, idia rakatania, idau gabu dekenai sivarai namona idia harorolaia totona eiava Betele ai idia gaukara totona. Haida be idau tanodia dekenai idia lao Society ena ruma haginia gaukarana durua totona. Momo ese ita gwauraia gaukara maragidia idia abia dae. To, Iehova ena hesiai gaukara ia karaia tauna ta lasi ena gaukara be anina lasi. Iehova ese mai edia ura ida ia idia hesiai henia taudia ia laloa bada, bona sibona edia ura idia dadaraia karana do ia hanamoa.—Mareko 10:29, 30.
OCTOBER 17-23
BAIBEL ENA HEREVA BADADIA | 1 KING TAUDIA 21-22
“Iehova ese Ena Siahu Ia Gaukaralaia Dalana Tohotohoa”
it-2 21
Jehovah of Armies
When Joshua saw an angelic visitor near Jericho and asked him if he was for Israel or for the enemy side, the reply was, “No, but I—as prince of the army of Jehovah I have now come.” (Jos 5:13-15) The prophet Micaiah told Kings Ahab and Jehoshaphat, “I certainly see Jehovah sitting upon his throne and all the army of the heavens standing by him, to his right and to his left,” clearly referring to Jehovah’s spirit sons. (1Ki 22:19-21) The use of the plural form in “Jehovah of armies” is appropriate, inasmuch as the angelic forces are described not only in divisions of cherubs, seraphs, and angels (Isa 6:2, 3; Ge 3:24; Re 5:11) but also as forming organized groups, so that Jesus Christ could speak of having “more than twelve legions of angels” available at his call. (Mt 26:53) In Hezekiah’s plea to Jehovah for help he called him “Jehovah of armies, the God of Israel, sitting upon the cherubs,” evidently alluding to the ark of the covenant and the cherub figures on its cover, symbolizing Jehovah’s heavenly throne. (Isa 37:16; compare 1Sa 4:4; 2Sa 6:2.) Elisha’s fearful servant was reassured by a miraculous vision in which he saw the mountains around the besieged city of Elisha’s residence “full of horses and war chariots of fire,” part of Jehovah’s angelic hosts.—2Ki 6:15-17.
“Tatau Ibounai Edia Kwarana be Keriso”
9 Manau. Iehova ena aonega be bada, to iena hesiai taudia edia lalohadai ia kamonai danu. (Gen. 18:23, 24, 32) Iena siahu henunai idia noho taudia haida edia lalohadai idia gwauraia neganai ia kamonai. (1 Ki. 22:19-22) Iehova be goevadae, to ia laloa lasi ita ese gau ibounai do ita karaia goevagoeva. To, ena goevadae lasi hesiai taudia ia durua edia gaukara idia hagugurua totona. (Sal. 113:6, 7) Danu, Baibel ese Iehova ia gwauraia “durua tauna.” (Sal. 27:9; Heb. 13:6) King Davida ia laloparara Iehova be ia manau bona ia durua dainai, ia ese unai gaukara badana ia hagugurua diba.—2 Sam. 22:36.
it-2 245
Lie
Jehovah God allows “an operation of error” to go to persons who prefer falsehood “that they may get to believing the lie” rather than the good news about Jesus Christ. (2Th 2:9-12) This principle is illustrated by what happened centuries earlier in the case of Israelite King Ahab. Lying prophets assured Ahab of success in war against Ramoth-gilead, while Jehovah’s prophet Micaiah foretold disaster. As revealed in vision to Micaiah, Jehovah allowed a spirit creature to become “a deceptive spirit” in the mouth of Ahab’s prophets. That is to say, this spirit creature exercised his power upon them so that they spoke, not truth, but what they themselves wanted to say and what Ahab wanted to hear from them. Though forewarned, Ahab preferred to be fooled by their lies and paid for it with his life.—1Ki 22:1-38; 2Ch 18.
Hakaua Hereva Namodia
Helalo-Kerehai Momokani be Dahaka?
4 Dokonai, Iehova be kara ta ia karaia. Ia be Elia ia siaia Ahaba bona Iesebele dekenai do ia havaraia dika ia gwauraia totona. Bona ia hamaorodia edia bese ibounai do ia alaia. Ahaba be unai hereva dainai ia lalohisihisi bada! Hoa gauna be, unai hekokoroku bada tauna ia “manau.”—1 Ki. 21:19-20.
5 Ena be matamanai Ahaba ia manau, to gabeai ena kara amo ia hahedinaraia ia helalo-kerehai momokani lasi. Ia ese ena basileia lalonai Bala tomadiho henia karana ia koua toho lasi. Bona ma haida ia hagoadaia lasi Iehova idia tomadiho henia totona. Danu, Ahaba ena kara ma haida amo ia hahedinarai ia helalo-kerehai lasi.
6 Gabeai, Ahaba ese Iuda edia king Iehosapata ia noia Suria taudia idia tuari henia totona. Iehosapata be king namona, badina Iehova ia abidadama henia bona tuari idia do lao lasi neganai, ia ura Iehova ena peroveta tauna ta ena lalohadai idia tahua. To, Ahaba ia ura lasi, ia gwau: “Tau ta ia noho, bona ia amo Iehova ena lalohadai ita tahua diba, to ia lau ura henia lasi, badina lau totona gau namodia ia perovetalaia lasi, to gau dikadia sibona.” Dokonai peroveta tauna Mikaia amo heduru idia tahua. Oibe, Ahaba ena hereva be maoro, Dirava ena peroveta tauna ese ia totona sivarai dikana ia perovetalaia! Ahaba be ia helalo-kerehai lasi bona Iehova ia noia lasi ena dika ia gwauatao totona, to ia ese unai peroveta tauna be dibura ruma ai ia atoa. (1 Ki. 22:7-9, 23, 27) Ena be Ahaba be unai bamona ia karaia, to ia dekenai do ia guguru peroveta herevana ia koua diba lasi. Momokani, tuari lalonai Ahaba ia mase.—1 Ki. 22:34-38.
OCTOBER 24-30
BAIBEL ENA HEREVA BADADIA | 2 KING TAUDIA 1-2
“Treinini Henia Karana Dekenai Haheitalai Namona”
Elda Taudia be Haida Idia Treinini Henia Dalana
15 Elisaia ena sivarai ese ia hahedinaraia tadikaka matamata ese lo elda taudia idia matauraia be mai anina bada. Elia bona Elisaia be Ieriko dekenai peroveta taudia idia vadivadi henia murinai, idia ruaosi be Ioridane sinavai dekenai idia raka lao. Unuseniai, “Elia ese iena dabua badana ia abia, ia lokua, bona dabua dekenai sinavai ranu ia botaia. Vadaeni sinavai ranu be ia parara.” Ia kaukau sinavai idia hanaia murinai, ‘idia raka bona herevahereva noho.’ Momokani, Elisaia ia laloa lasi ia be gau ibounai ia diba vadaeni. To, ia ese Elia ena hereva ibounai ia badinaia ela bona Elia be lai badana ese ia abia lao. Gabeai, Ioridane sinavai ai, Elisaia ese Elia ena dabua amo ranu ia botaia, bona ia boiboi: “Lohiabada, Elia ena Dirava be edeseni?” Bena ranu ia parara lou.—2 Kin. 2:8-14.
Elda Taudia be Haida Idia Treinini Henia Dalana
16 Elisaia ese ia karaia hoa karana ginigunana be Elia ese ia karaia hoa karana hegeregerena. Unai oi itaia, a? Dahaka dainai unai ita laloa bada? Elisaia ia laloa lasi ia be hari ena ura hegeregerena gau haida ia karaia diba. To, ia be Elia ese ia karaia hesiai gaukara hegeregerena ia badinaia. Elisaia ese ena hadibaia tauna ia matauraia, unai ese peroveta taudia haida ia hagoadaia. (2 Kin. 2:15) To, Elisaia be lagani 60 lalonai peroveta gaukara ia karaia neganai, Iehova ese ia durua hoa karadia momo ia karaia totona, bona Elia ena ia hanaia. Unai sivarai amo dahaka oi dibaia?
Hakaua Hereva Namodia
King Taudia Iharuana Bukana Ena Hereva Badadia
2:11—“Elia be koehirihiri ese ia abia daekau” edena “guba” dekenai? Unai be guba ena gabu ta lasi eiava Dirava bona ena lauma idia noho lauma gabuna lasi. (Deuteronomi 4:19; Salamo 11:4; Mataio 6:9; 18:10) Elia be tanobada kahirakahira ia noho “guba” dekenai ia daekau. (Salamo 78:26; Mataio 6:26) Lahi kariotana be tanobada ena hodahoda lalonai ia heau, bona Elia be tanobada ena kahana ta amo ia abia lao kahana ta dekenai, bona unuseniai ia noho. Badina lagani haida murinai Elia ese Iuda ena king Iehorama dekenai revareva ta ia torea.—2 Sivarai 21:1, 12-15.
OCTOBER 31–NOVEMBER 6
BAIBEL ENA HEREVA BADADIA | 2 KING TAUDIA 3-4
“Emu Natuna Oi Abia Isi”
“Lau Diba . . . Do Ia Toreisi Lou”
7 Baibel ese ia herevalaia toreisi lou iharuana be Elia ena gabu ia abia tauna ese ia karaia, unai be peroveta tauna Elisaia. Suneme hanuana ai, Israela hahine ta be Elisaia dekenai heabidae karana ia hahedinaraia. Unai peroveta tauna amo Dirava ese unai hahine bona ena adavana burukana ia hanamoa bona natuna ta idia havaraia. Lagani haida murinai, edia natuna mero ia mase. Mani iena sinana ese ia mamia hisihisina oi laloa. Iena adavana amo gwaumaoro ia abia murinai, kilomita 30 bamona ia laolao, Karamele Ororona ai Elisaia ia itaia totona. Peroveta tauna ese ena durua tauna, Gehasi, be Suneme dekenai ia siaia lao guna. To Gehasi ese unai mero ia hamauria lou diba lasi. Daudau lasi, unai mero ena sinana bona Elisaia idia ginidae.—2 Kin. 4:8-31.
“Lau Diba . . . Do Ia Toreisi Lou”
8 Bena Elisaia be mase tauanina ia noho daiutuna lalonai ia vareai bona ia guriguri. Hoa dalanai, ia mase merona be ia mauri lou, bona ena sinana ese ia itaia neganai, ia moale bada! (2 King Taudia 4:32-37 duahia.) Reana ia ese guna ia gabani hahinena, Hana, ena guriguri ia laloatao. Hana ese Samuela be dubu helaga dekenai ia abia lao neganai, ia guriguri: “Lohiabada ese . . . taunimanima momo, be mase taudia edia gabu dekenai ia siaia diho, bona ia ese idia ia hatorea isi, idia mauri lou.” (1 Sam. 2:6) Suneme hanuana ai, Dirava ese unai mero ia hatorea isi lou neganai, ia hahedinaraia ia be mai ena siahu mase taudia ia hatorea isi lou totona.
Hakaua Hereva Namodia
it-2-E 697 par. 2
Peroveta Taudia
“Peroveta Taudia Edia Natudia Memero.” Gesenius Hebrew Grammar bukana ia torea tauna ia gwau: (Oxford, 1952, p. 418), inai Heberu herevana ben (natuna mero) eiava benehʹ (natudia memero) ese “orea ta ena memba (eiava iduhu, eiava idia kokia diba lasi taudia) ia herevalaia.” (Ne 3:8 hahegeregerea, ia hahedinaraia “dehoro mikisia tauna ta” be “ dehoro mikisia tauna ena natuna mero.”) “Peroveta taudia edia natudia memero” be peroveta taudia edia sikuli dekenai idia lao eiava peroveta taudia edia orea ia herevalaia. Unai bamona sikuli be Betele, Ieriko, bona Gilegala dekenai idia abia. (2Ki 2:3, 5; 4:38; hahegeregerea 1Sa 10:5, 10.) Samuela be Rama ai peroveta taudia edia orea ta ia naria (1Sa 19:19, 20), bona Elisaia ena negai danu unai bamona maduna ia abia. (2Ki 4:38; 6:1-3; hahegeregerea 1Ki 18:13.) Baibel ese ia hahedinaraia idia be sibodia edia noho gabuna idia haginia, bona ma haida edia tulu idia gaukaralaia, unai ese ia hahedinaraia idia be kohu momo lasi maurina idia noholaia. Ena be ruma tamona ai idia noho bona idia aniani hebou, to reana idia ta ta ese asainmen idia abia bona idia lao peroveta gaukara idia karaia totona.—1 King Taudia 20:35-42; 2 King Taudia 4:1, 2, 39; 6:1-7; 9:1, 2.