Kantik 54 (132)

Prezève kè nou

(Pwovèb 4:23)

1. Prezève kè n, pitit Bondye,

Si nou vle gen lavi.

Se pou n pran konsèy nan Bib la,

Nan li nou dwe nouri.

Sonje tout bon aksyon nou fè

Pran nesans nan panse.

Veye sa k’antre nan lespri n

Pou n pa gen vye lide.

2. Lapriyè se yon èd pisan

Pou n prezève kè nou.

Pwoche kot Bondye ak louwanj.

Fè l konn bezwen n chak jou.

Lè n etidye Pawòl Bondye,

Lespri n ap byen anfòm,

E n ap ka mache nan limyè

Bondye met pou lèzòm.

3. N ap fè efò pou nou fikse

Lespri n sou sa ki byen,

Sou sa ki jis, ki agreyab,

E sou tout sa ki sen.

Si n toujou medite sou yo,

N ap anpè toutbonvre,

Kè nou ap pwòp, n ap gen espwa

Pou nou viv nètale.