Kantik 55 (133)
Simen semans Wayòm nan
1. O vini, nou tout esklav Jewova Dye,
Nou menm ki te ba li kè nou.
Ale fè travay li te konfye nou an,
Mache sou tras Jezi chak jou.
Semans verite Bondye a n ap simen
Nan tè ki kapab kiltive,
N ap jwenn bonjan fwi pou louwanj Jewova,
Si n travay di ak fidelite.
2. Gen kèk nan semans lan zwazo ap manje,
Se paske yo tonbe bò wout.
Gen kèk lòt ki tonbe nan tè ki gen wòch,
Chalè eprèv fennen yo tout.
Enkyetid ak materyalis ap toufe
Ti pous yo anvan yo grandi.
Sepandan, gen kèk grenn semans k ap tonbe
Sou tè ki bon, ki pwodui bon fwi.
3. Kantite semans ki tonbe nan bèl tè
Depann de jan n bay temwayaj.
Pasyans, ak lanmou ka repouse atak,
Y ap ede n lite ak kouraj.
Vijilans ap ede n evite pikan,
Lè n pran dispozisyon ki jis.
E konsa, nou ka espere rekòlte
Omwen trant, si se pa san fwa plis.