LAVI NOU ANTANKE KRETYEN
Yo travay di pou sèvi nou
Siveyan sikonskripsyon yo ak madanm yo gen espri sakrifis ki demontre lanmou pou moun y ap sèvi yo. Menm jan ak nou tout, yo gen bezwen pèsonèl yo, e pafwa, yo fè fas ak fatig, dekourajman ak enkyetid (Jak 5:17). Men, malgre sa, chak semèn, yo konsantre yo sou ankourajman y ap bay frè ak sè ki nan kongregasyon y ap vizite yo. Vrèmanvre, siveyan sikonskripsyon yo “merite yon onè doub”. — 1Ti 5:17.
Lè apot Pòl te planifye pou l te vizite Wòm yon fason pou l te ka fè kongregasyon sa a jwenn kèk “benediksyon ki soti nan Bondye”, li te chofe pou “youn ka ankouraje lòt”. (Wm 1:11, 12.) Èske w deja panse sou fason w ka ankouraje siveyan sikonskripsyon w lan ak madanm li, si l marye?
GADE VIDEYO KI GEN TIT TRAVAY YON SIVEYAN SIKONSKRIPSYON NAN ZÒN ANDEYÒ, EPI REPONN KESYON KI ANNAPRE YO:
Ki fason siveyan sikonskripsyon yo ak madanm yo demontre espri sakrifis ki gen lanmou pou kongregasyon an?
Ki jan ou menm pèsonèlman ou te jwenn byenfè nan efò yo fè?
Ki jan w ka ankouraje yo?