LAVI NOU ANTANKE KRETYEN
Konte sou Jewova lè n ap fè fas ak yon moun k ap ban nou brimad
Brimad ka lakòz nou soufri ni nan domèn fizik ni nan domèn emosyonèl. Yo ka menm fè nou ditò nan domèn espirityèl si nou vin pè moun ki opoze ak adorasyon n ap bay Jewova a. Ki jan nou ka pwoteje tèt nou kont yon moun k ap bay brimad?
Anpil nan adoratè Jewova yo reyisi fè fas ak moun k ap ba yo brimad lè yo konte sou Jewova (Sm 18:17). Pa egzanp, Estè te pale pou l fè konnen plan yon mesye mechan ki te rele Aman ki t ap bay brimad (Est 7:1-6). Anvan li te fè sa, li te fè jèn pou l te montre l konte sou Jewova (Est 4:14-16). Jewova te beni aksyon Estè yo e L te pwoteje Estè ansanm ak pèp li a.
Ou menm jèn, si w ap fè fas ak yon moun k ap ba w brimad, mande Jewova pou l ede w e pale de pwoblèm nan ak yon granmoun ki gen matirite, tankou paran w. Ou ka sèten Jewova ap ede w menm jan li te ede Estè. Ki lòt bagay ou ka fè pou w fè fas ak yon moun k ap ba w brimad?
GADE VIDEYO KI GEN TIT LAVI M ANTANKE JÈN — KI SA POU M FÈ SI Y AP BAN M BRIMAD?, EPI REPONN KESYON KI ANNAPRE YO:
Ki sa jèn yo ka aprann nan egzanp Charlie ak Ferin?
Ki sa paran yo ka aprann nan kòmantè Charlie ak Ferin fè anrapò ak fason yo ka ede timoun k ap fè fas ak yon moun k ap ba yo brimad?