Kantik 30 (63)

Se pou limyè a briye !

(Matye 5:16)

1. Jewova kòmande

Pou genyen limyè,

Pou fènwa pwès fini,

Pou monn nan vin klè.

Nan tanp sen Bondye a,

Limyè li jayi

Pou l gide lavi nou,

Pou l fè n byen aji.

2. Pa mwayen bon nouvèl

N ap simaye a,

Moun k’andèy konsole,

Yo tout jwenn espwa.

Se Bondye ki ban n fòs

Pou n preche ak kran.

Li ede n akonpli

Bèl misyon nou an.

3. O Bondye, ede nou

Pou n rete fidèl,

Pou n kenbe fèm chak jou,

Pou n pa fè rebèl.

Nou menm, Temwen w chwazi,

Kontan anonse

Glwa, louwanj ak onè

Non ou merite.