Kantik 50 (123)

Kontinye fè pwogrè !

(Ebre 6:1)

1. Pwogrese, pwogrese, nan matirite !

Nou dwe byen kalifye, paske se sa Bondye vle.

Ministè nou an, nou dwe amelyore,

Konsa, n ap jwenn benediksyon.

Gen yon plas pou chak moun nan sèvis la.

Sonje, Jezi te konn fè travay s’a.

Konte sou Bondye pou nou pa janm faya.

Kenbe fèm nan fè bèl aksyon.

2. Pwogrese, pwogrese, ann preche ak zèl !

Ann fè tout moun tande yon bon nouvèl etènèl.

Avèk jwa, ann louwe Bondye ki fidèl,

Lè n preche moun yo pòt an pòt.

Menmsi mechan ap chèche fè nou pè,

Pinga n fè bak, men se pou n di byen klè :

Talè Wayòm Bondye a pral pot lapè.

N ap fè travay s’a kòtakòt.

3. Pwogrese, pwogrese, pinga n ralanti !

Chèche gen plis ladrès, travay la poko fini !

Kite lespri Bondye ede n pot bon fwi,

Lajwa Bondye bay, n ap twouve.

Akoz non l, tout frè yo nou dwe renmen.

Lè n reyini ak yo nou santi n byen.

Y ap pwogrese chak jou si n ba yo soutyen,

Ansanm, ann fè limyè n briye.