Entwodiksyon pou seksyon 5
De mwa apre Izrayelit yo te fin travèse Lanmè Wouj, yo te rive bò Mòn Sinayi. Se la Jewova te fè yon alyans avèk yo pou yo vin yon nasyon espesyal pou li. Li te pwoteje yo e l te ba yo tout sa yo bezwen, tankou lamàn pou yo manje, yon kote pou yo rete an sekirite, e l te fè rad sou yo pa janm blaze. Si w se yon papa oswa yon manman, ede pitit ou konprann rezon ki fè Jewova te bay Izrayelit yo Lalwa, tabènak la ak prèt pou fè sèvis li. Montre l enpòtans pou n kenbe pawòl nou, pou n pa sispann gen imilite e pou n toujou ret fidèl ak Jewova.