REPONS BIB LA BAY
Pou ki rezon Jezi retounen?
Anvan Jezi te monte nan syèl la nan ane 33 epòk nou an, li te pwomèt disip li yo l ap retounen. Li te konpare tèt li ak yon mesye ki fèt nan yon gran fanmi ki vwayaje al nan yon peyi lwen pou yon bon tan, apre sa li retounen li vin gen pouvwa pou l dirije antanke Wa. Rezon ki fè Jezi retounen se pou l ka bay lèzòm yon bon gouvènman. — Li Lik 19:11, 12.
Jezi ap bay lèzòm yon bon gouvènman.
Ak ki kalite kò Kris retounen? Li te resisite antanke yon espri envizib (1 Pyè 3:18). Apre sa, li te monte nan syèl la, li te chita adwat Bondye (Sòm 110:1). Kèk tan apre, Jezi te parèt devan Jewova, “Moun ki la pi lontan an”, li menm ki bay Jezi pouvwa pou l dirije limanite. Konsa, Jezi pa retounen ak yon kò moun, men li retounen antanke Wa envizib. — Li Dànyèl 7:13, 14, NW.
Ki sa Jezi ap fè lè l vini?
Lè Jezi ap vini ak zanj li yo moun pap wè l. Li pral jije limanite. L ap detwi mechan yo, men l ap bay moun ki aksepte l kòm Wa yo lavi etènèl. — Li Matye 25:31-33, 46.
Jezi ap dirije antanke Wa, dominasyon l lan pral transfòme tè a, l ap fè l tounen yon paradi. Jezi ap resisite moun ki mouri pou yo ka viv nan Paradi sou tè a. — Li Lik 23:42, 43.