Lekòl ministè teyokratik pou lan 2001
1 Gen rezon biblik solid ki fè nou tout ta dwe patisipe otank posib nan Lekòl ministè teyokratik la. — Pwo. 15:23 ; Mat. 28:19, 20 ; Travay 15:32 ; 1 Tim. 4:12, 13 ; 2 Tim. 2:2 ; 1 Pyè 3:15.
2 Yon pwogram pou lekti Labib chak semèn, se youn nan aspè lekòl la depi lontan. Li pèmèt ou li anviwon yon paj nan Bib la chak jou. Apati ane sa a, gen yon lekti biblik pou chak semèn revizyon alekri a tou. Lekti biblik siplemantè yo te pwograme pou dènye twazan ki sot pase a, nou boukle l. Men si w vle li plis pase sa ki nan pwogram nan, ou kapab fè pwòp pwogram pa w.
3 Ekspoze no 2 a bay frè yo fòmasyon pou “ lekti piblik ” Pawòl Bondye a (1 Tim. 4:13). Lè w gen yon patisipasyon pou lekti, li l epi reli l plizyè fwa byen fò. Ou kapab sèvi ak kasèt odyo Lasosyete yo pou w amelyore pwononsyasyon ou, modilasyon ak lòt aspè yon bon lekti.
4 Ekspoze no 3 ak ekspoze no 4 la baze sou liv Comment raisonner a yo fè pou sèvi nou nan predikasyon an. Si pòsyon yo atribye w la plis pase tan w genyen an, chwazi sèlman sa ki kapab pi pratik pou tèritwa kongregasyon w lan. Ou kapab sèvi ak nenpòt kad ki apwopriye pou tèritwa pa w la.
5 Fè tout efò ki rezonab pou w fè tout patisipasyon yo ba ou nan lekòl la. Pran tan ou pou w byen prepare, epi pale ak tout kè w. W ap yon sous ankourajman pou kongregasyon an, e pèsonèlman w ap benefisye si w patisipe san rezèv nan Lekòl ministè teyokratik la pandan ane 2001 an.