Repons kesyon w yo

◼ Lè n ap preche nan telefòn, èske nou dwe pale de dispozisyon pou bay ofrann nan ?

Lè n ap preche yon moun fasafas, li ka posib pou nou esplike l travay edikasyon biblik Temwen Jewova yo ap fè nan lemonnantye a se ofrann volontè ki soutni l totalman e nou kontan resevwa ofrann nan sans sa a. Sepandan, nou pa ta dwe pale de ofrann ni de dispozisyon pou bay ofrann lè n ap preche nan telefòn, paske yo ka konprann kòmkwa se mande n ap mande nan telefòn. Travay predikasyon Temwen Jewova yo pa gen anyen pou wè ak biznis. — 2 Kor. 2:17.

◼ Lè n ap preche nan telefòn, ki sa nou dwe fè si yon moun ta mande pou Temwen Jewova pa rele l ankò ?

Nou dwe respekte volonte moun nan. Nou ta dwe mete yon nòt ki gen dat sou li avèk non moun nan ladan l nan anvlòp tèritwa a, yon fason pou pwoklamatè yo pa rele nan nimewo sa a ankò. Yon fwa pa ane, yo ta dwe regade lis moun ki mande pou yo pa rele yo. Siveyan sèvis la kapab deziyen kèk pwoklamatè ki gen eksperyans e ki gen tak pou yo kontakte moun sa yo. Se yon fason pou yo ka konnen si yo toujou kenbe menm pozisyon an. — Gade Repons kesyon w yo ki nan Ministè Wayòm jen 1994 (fransè).