Jan pou nou prezante peryodik yo
La Tour de Garde 15 me
“ Èske ou konn mande tèt ou si aksyon nou fè sou tè a gen efè sou Bondye ? [Kite moun nan reponn.] Remake ki efè aksyon nou ka genyen sou Bondye. [Li Pwovèb 27:11.] Peryodik sa a egzamine egzanp kèk moun ki te fè kè Bondye kontan e li esplike ki jan nou ka fè menm jan ak moun sa yo. ”
Réveillez-vous! 22 me
“ Lamedsin fè anpil pwogrè nan efò l ap fè pou l konbat maladi. Men, èske w panse yon jou n ap ka viv nan yon monn kote pèsonn pap malad ? [Kite moun nan reponn.] Ou wè peryodik sa a, li montre nou gen yon lè k ap rive, tout moun sou tè a pral viv an sante, jan Pawòl Bondye a pwomèt sa. ” Li Izayi 33:24.
Toudegad 1ye jen
“ Gen moun ki panse yon moun pa bezwen nan yon relijyon pou l adore Bondye. Èske se sa w panse tou ? [Kite moun nan reponn.] Peryodik sa a egzamine ki relasyon Bondye te konn genyen ak moun nan tan lontan, e li montre ki sa sa vle di adore Bondye avèk laverite. ” Li Jan 4:24.
Réveillez-vous! 8 jen
“ Gen anpil moun jodi a ki santi yo poukont yo. Lè konsa, se kòmsi yo santi moun pa ba yo regle anyen pou yo. Se pa bagay ki dous ditou, pa vre ? [Kite moun nan reponn. Apre sa, li Sòm 25:16.] Réveillez-vous ! sa a bay kèk bonjan sijesyon pou rive konbat solitid. ”