Pwogram jounen asanble espesyal k ap vini an

Je moun se yon mèvèy (Sòm 139:14). Poutan, se sou yon sèl bagay li ka fikse alafwa. Se yon verite ni nan sans literal ni nan sans figire. Pou nou rete ak yon vizyon espirityèl ki klè, nou fèt pou nou konsantre atansyon nou sou fè volonte Bondye. Etandone monn Satan an ap vini ak plis bagay ki pou distrè nou chak jou, li toutafè apwopriye pou tèm jounen asanble espesyal pou ane sèvis 2006 la se : “ Se pou je nou toujou rete senp. ” — Mat. 6:22.

Ki sa nou ka fè pou nou resevwa benediksyon nan men Jewova (Pwo. 10:22) ? Y ap egzamine kesyon sa a nan diskou ki gen tit sa a : “ Benediksyon n ap jwenn si je nou toujou rete senp. ” Ap gen entèvyou ki pral souliye fason nou ka tire pwofi lè nou aplike prensip biblik yo. Men tit premye diskou oratè vizitè a : “ Se pou je nou toujou rete senp nan monn mechan n ap viv la ”. Se yon diskou ki pral ban nou kèk mizangad sou bagay ki ka konplike lavi nou e ki ka toufe espirityalite nou tikras pa tikras. Anplis de sa, n ap aprann sa sa vle di pou nou “ chwazi bon pòsyon an ”. — Lik 10:42.

Ki jan paran ak lòt moun ankò ka ankouraje jèn kretyen yo pou konsantre yo sou objektif espirityèl ? Diskou sa yo : “ Paran ki byen oryante flèch yo ” epi “ Jèn k ap pousuiv objektif espirityèl ” pral vini ak deklarasyon kèk paran ak kèk jèn fè sou kesyon enpòtan sa a (Sòm 127:4). Se oratè vizitè a k ap fè dènye diskou a. Li pral montre ki jan nou ka kontinye pwogrese ak òganizasyon Jewova a pèsonèlman, antanke fanmi e antanke kongregasyon.

Kit nou fèk pran laverite, kit n ap sèvi Jewova depi plizyè dizèn ane, li trèzenpòtan ‘ pou je nou toujou rete senp ’. Se egzakteman sa pwogram jounen asanble espesyal la pral ede nou fè.