Repons kesyon w yo

◼ Ki piblikasyon nou ta dwe etidye ak moun ki enterese yo ?

Prensipal zouti nou itilize pou nou kondui etid biblik ak moun yo lakay yo se liv Sa Labib anseye a. Byenke pa gen okenn pwoblèm si nou itilize yon lòt piblikasyon, tankou yon feyè, pou nou kòmanse yon etid biblik, osito sa posib, nou ta dwe vire etid la nan liv Sa Labib anseye a. Gen anpil frè ak sè ki jwenn bon rezilta lefètke yo itilize liv sa a pou yo kòmanse etid biblik.

Yonfwa nou fin etidye liv Sa Labib anseye a ak moun nan e nou wè l ap fè pwogrè, nou ta dwe etidye liv Adore sèl vrè Dye a avè l (Kol. 2:7). Nan paj 2 liv sa a, yo esplike objektif li : “ Bib la ankouraje tout moun ki renmen Bondye pou yo chèche ‘ konprann totalman wotè ak pwofondè ’ verite ki gen anpil valè ki gen ladan l yo (Efezyen 3:18). Se pou sa menm yo prepare liv sa a. Nou espere l ap ede w pwogrese espirityèlman e l ap ede w pi byen ekipe pou w mache nan chemen etwat ki mennen nan lavi nan monn nouvo jis Bondye a. ”

Si etidyan an ranpli tout kondisyon pou batèm anvan li fin etidye toule de liv yo, etid la ta dwe kontinye jiskaske li fini dezyèm liv la. Menmsi etidyan an batize, moun k ap kondui etid la kapab konte lè a, vizit la, ak etid la. Si yon pwoklamatè akonpaye kondiktè a e si li patisipe nan etid la, li kapab konte lè a tou.