Kèk modèl prezantasyon
Pou nou kòmanse etid biblik premye samdi nan mwa desanm nan
“Nan moman sa a nan ane a, anpil moun ap panse a Jezi. Dapre ou menm, ki pi gwo bagay Jezi te reyalize? [Kite moun nan reponn.] Gade tit atik sa a ki nan paj 16 la.” Bay moun nan Toudegad 1ye desanm nan (fransè). Fè yon ti pale avèk li sou sa nou jwenn nan youn nan soutit yo, epi egzamine omwen youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.
La Tour de Garde 1ye desanm
“Pandan epòk sa a, anpil moun gentan santi yo nan anbyans fèt Nwèl. Pami tout kesyon yo poze la a, kiyès ladan yo ou panse ki bay rezon ki pi enpòtan ki pouse moun fete Nwèl? [Montre moun nan lis kesyon ki nan paj 3 a epi kite l reponn. Apre sa, ale nan atik ki pale sou kesyon li chwazi a, epi li vèsè kle yo bay la ak moun nan.] Peryodik sa a montre kèk fason pratik nou ka sonje Jezi pandan tout ane a, men se pa nan peryòd Nwèl la sèlman.”
Réveillez-vous! Desanm
“Nou vin vizite w paske nou remake gen anpil moun ki santi yo strese e yo anba anpil presyon. Èske w pa remake sèjousi moun yo gen tandans pèdi pasyans pi vit pase lontan? [Kite moun nan reponn.] Gen kèk moun ki kwè n ap viv nan yon moman ki bay anpil strès, yon moman Bib la te predi nan vèsè sa a. [Li 2 Timote 3:1.] Peryodik sa a esplike poukisa se yon danje sa ye lè yon moun pa gen pasyans e li bay kèk konsèy sou sa nou ka fè pou nou vin gen plis pasyans.”