Èske w ka envite yo?

Nan anpil kongregasyon, gen pwoklamatè k ap patisipe nan ministè a ki gen limit, akoz pwoblèm sante oubyen paske yo granmoun (2 Kor. 4:16). Èske w ka envite yo pou y al avè w lè w pral fè etid biblik? Si pwoklamatè a pa ka deplase pou l kite lakay li, petèt ou ka vin lakay li ak etidyan an pou w fè etid la. Tanzantan, èske w ka pran dispozisyon pou w mennen yon pwoklamatè ki enfim nan predikasyon kay an kay pou yon ti tan, oubyen nan nouvèl vizit? Oubyen èske w ka mennen l nan toule de? Gen anpil moun aje ki gen anpil eksperyans nan ministè a. Konsa, se pa ou menm sèlman k ap ankouraje yo. W ap jwenn ankourajman nan men yo tou (Wom. 1:12). Anplis de sa, Jewova ap beni efò w ap fè pou w demontre lanmou fason sa a. — Pwo. 19:17; 1 Jan 3:17, 18.