Kèk modèl prezantasyon
Toudegad 1ye avril
“Jodi a, n ap distribye feyè sa a bay tout moun nan zòn nan. [Bay moun nan feyè Ki jan w konsidere Bib la? epi poze li kesyon ki sou feyè a. Montre moun nan repons Bib la bay nan 2 Timote 3:16, epi ankouraje l pou l li feyè a lè l gen tan.] Gen anpil moun ki pa konnen si Bib la bay repons pou kesyon sa yo. [Montre moun nan kesyon entwodiksyon ki nan premye atik nan Toudegad la.] Peryodik sa a esplike fason ou ka jwenn repons kesyon sa yo nan bib pa w.”
Réveillez-vous! Avril
“Jodi a, nou pase vizite vwazen nou yo paske nou remake gen anpil moun ki enkyè akoz divès chanjman yo wè nan kèk fanmi. Nan ane ki pase yo, paran yo te konn pran responsablite yo, men kounye a, nan kèk fanmi, sanble se timoun yo ki granmoun tèt yo. Èske w panse nan epòk nou an paran yo disipline timoun yo jan yo ta dwe fè sa? [Kite moun nan reponn.] Selon Bib la, disiplin se yon bagay ki enpòtan anpil. [Li Pwovèb 29:17.] Peryodik sa a pale sou kèk enstriksyon ki ekilibre Bib la bay sou kesyon disipline timoun yo.”