Fason pou n bay temwayaj lè nou sèvi ak stann pou n ekspoze piblikasyon yo

Metòd pou pwoklamatè yo sèvi ak charyo oubyen ak yon tab pou yo ekspoze piblikasyon yo bay bon rezilta. Yo atire moun ki gen bon kè yo nan laverite (Jan 6:44). Se sa k fè yo ankouraje ansyen yo pou yo òganize temwayaj an piblik nan zòn ki gen anpil moun ap pase nan tèritwa kongregasyon yo. Etandone nou pa fikse stann yo yon kote, an jeneral nou pa bezwen pèmisyon nan men otorite yo pou nou kanpe yon kote avèk yo. Ki moun ki kalifye pou yo patisipe nan fòm temwayaj sa a? Se pwoklamatè ki gen bon jijman, ki prezante tèt yo avèk diyite e ki gen kapasite pou yo fè bon konvèsasyon ak moun. Pi ba a, yo pral site kèk bagay pou pwoklamatè yo fè ak kèk bagay pou yo pa fè k ap ede yo jwenn pi bon rezilta.

Sa pou yo fè:

Se pou nou amikal, se pou nou akeyan epi ede moun k ap pase yo. Gen kèk pwoklamatè ki fè yon bèl souri bay moun k ap pase yo e yo fè sa avèk senserite. Apre sa yo salye moun nan yon fason amikal. Si yon moun ap gade stann nan pandan l ap pase, nou ka di l: “Ou ka pran youn si w vle.”
Kanpe nan yon distans ki apwopriye parapò ak stann nan. Nan kèk zòn pwoklamatè yo konn jwen bon rezilta lè yo kanpe nan yon distans ki toupre stann nan. Men gen lòt pwoklamatè ki twouve metòd sa a fè moun k ap pase yo ezite kanpe bò stann nan. Se sa k fè, y al kanpe nan yon distans ki yon ti jan pi lwen epi yo tann jiskaske moun nan vin kanpe bò stann nan anvan yo vin pale avè l. Lè yon moun apwoche bò stann nan, eseye kòmanse yon konvèsasyon ak li, petèt nou ka mande l: “Èske w konn reflechi sou kesyon sa a anvan sa?”
Sèvi ak Bib la pi souvan posib.
Esplike moun nan dispozisyon nou pran pou nou etidye Labib ak nenpòt moun ki pran youn nan piblikasyon nou itilize pou n etidye ak moun yo, tankou liv Sa Labib anseye a. Ofri moun nan pou n pase videyo Poukisa nou dwe etidye Labib? la pou li sou yon aparèy elektwonik.
Lè sa posib, chèche pran enfòmasyon sou moun ki enterese a pou nou ka kontakte l. Si moun nan pa abite sou tèritwa nou, ranpli fòmilè Veuillez suivre l’intérêt (S-43) a, epi bay sekretè a fòmilè a osito sa posib.