Kiyès ki zanmi w sou Entènèt?

Yo defini yon zanmi tankou “yon moun ki atache ak yon lòt moun lè yo demontre afeksyon oswa konsiderasyon youn pou lòt”. Pa egzanp, Jonatan ak David te vin gen yon amitye ki pa ka kraze apre David te fin touye Golyat (1Sa 18:1). Yo chak te demontre yon seri kalite ki te fè youn renmen lòt. Se sa k fè, amitye ki solid baze sou konesans egzak. Jeneralman, pou nou rive konnen yon moun sa mande tan ak efò. Sepandan, li fasil pou moun yo fè “zanmi” sou rezo sosyal lè yo jis peze yon bouton. Lefètke sou Entènèt moun yo kapab planifye egzakteman sa y ap di e yo ka plizoumwen kontwole sa yo vle lòt moun panse de yo, sa fè l fasil pou yo kache kiyès yo ye toutbon. Se sa k fè, li bon pou nou byen chwazi ‘kiyès n ap aksepte kòm zanmi nou’ sou Entènèt. Si yon moun ou pa vrèman konnen mande w pou w zanmi l sou Entènèt ou pa bezwen pè inyore oswa rejte demann li an jis paske w pa vle blese santiman l. Anrapò ak danje ki kapab genyen nan sèvi ak rezo sosyal, gen kèk moun ki chwazi pa sèvi avè l ditou. Sepandan, si w chwazi sèvi ak rezo sosyal, ki sa w ta dwe gen nan lespri w?

GADE VIDEYO KI GEN TIT BYEN SÈVI AK REZO SOSYAL, EPI REPONN KESYON KI ANNAPRE YO:

• 

  Ki sa w ta dwe pran an konsiderasyon anvan w poste kòmantè ak foto?

• 

  Poukisa w ta dwe byen chwazi zanmi w yo sou Entènèt?

• 

  Poukisa w ta dwe fikse limit sou kantite tan w ap pase sou rezo sosyal? — Ef 5:15, 16