BYEN PREPARE W POU TRAVAY PREDIKASYON AN | CHÈCHE GEN PLIS KÈ KONTAN NAN TRAVAY PREDIKASYON AN

Ede etidyan Labib yo vin gen yon relasyon pèsonèl ak Jewova

Jewova vle nou sèvi l paske nou renmen l (Mt 22:37, 38). Se lanmou pou Bondye k ap pouse etidyan Labib yo fè chanjman yo bezwen fè yo e rete fèm devan tribilasyon (1J 5:3). Se lanmou yo gen pou Bondye k ap motive yo pou yo batize.

Ede etidyan w yo wè lanmou Bondye gen pou yo. Poze yo kesyon tankou: “Ki sa sa aprann ou sou Jewova?” oswa “Ki jan sa montre lanmou Bondye gen pou ou?” Ede yo pou yo wè fason Jewova ede yo pèsonèlman (2Kw 16:9). Ba yo kèk egzanp sou fason Jewova te reponn priyè byen presi ou te fè, e ankouraje yo pou yo wè fason Jewova reponn priyè pa yo. N ap gen kè kontan lè n wè jan etidyan Labib yo santi Jewova renmen yo, e yo menm yo demontre gwo atachman pou Jewova.

GADE VIDEYO KI GEN TIT EDE ETIDYAN LABIB OU YO VIN GEN YON RELASYON PÈSONÈL AK JEWOVA, EPI REPONN KESYON KI ANNAPRE YO:

Ki obstak Jad te rankontre?
Ki jan Nita te ede Jad?
Ki jan Jad te rive venk obstak li a?