Byen pwofite foto ki nan piblikasyon nou yo

Piblikasyon nou yo chaje ak foto ki anseye nou yon seri leson enpòtan. Ki jan w ka byen pwofite foto sa yo?

• Gade foto yo anvan w li atik la. Foto yo ka fè w anvi konn sa ki nan atik la epi ankouraje w pou w li l. Lè w wè yon manje ki santi bon, w anvi manje l. Menm jan an tou, si w gade foto yo anvan, w ap pi anvi li atik la. Donk, anvan w li yon atik, mande tèt ou: ‘Ki sa m wè?’ — Amòs 7:​7, 8.

• Pandan w ap li atik la, reflechi sou rezon ki fè yo te chwazi foto yo. Li nòt ki pou foto yo oswa esplikasyon yo bay sou foto yo si genyen. Chèche wè rapò foto yo genyen ak sijè y ap egzamine a ak rapò yo gen avè w.

• Apre lekti a, sèvi ak foto yo pou w fè revizyon sou pwen enpòtan ki gen nan atik la. Epi, fèmen je w pou w eseye sonje foto yo ak sa ou te aprann ladan yo.

• Eseye egzamine foto ki nan peryodik sa a e gade pou w wè si w kapab sonje sa yo aprann ou.