Kèk modèl prezantasyon
Pou nou kòmanse etid biblik premye samdi nan mwa janvye a
“Gen kèk moun ki kwè Bib la se yon liv pwofesi nou ka fè konfyans. Gen lòt moun ki panse bagay yo predi nan Bib la pa klè e moun ka entèprete yo plizyè fason. E ou menm, sa w panse?” Kite moun nan reponn. Apre sa, ba li Toudegad 1ye janvye a (fransè), epi egzamine enfòmasyon nou jwenn anba premye soutit ki nan paj 16 la ansanm avè l. Ansuit, atire atansyon l omwen sou youn nan tèks biblik yo bay kòm referans yo. Ofri l peryodik yo, epi pran randevou pou w retounen reponn kesyon ki vin apre a.
La Tour de Garde 1ye janvye
“Gen anpil bagay nou ka aprann nan egzanp gason ak fi enpòtan ki te viv nan tan lontan yo. Èske w dakò ak sa? [Kite moun nan reponn.] Vèsè sa a atire atansyon nou sou yon moun enpòtan, sèl moun yo te rele ‘zanmi Bondye’ nan Bib la. [Li Jak 2:23.] Peryodik sa a esplike rezon ki fè Bondye te konsidere Abraram kòm zanmi l e li esplike ki leson nou ka aprann nan egzanp Abraram.”
Réveillez-vous! Janvye
“Bay kòb anba, fè magouy, ak lòt kalite zak malonèt se bagay ki kouran nan zafè komès. Gen kèk moun ki panse pou moun reyisi nan biznis yo oblije fè kèk zak malonèt. E ou menm, sa w panse? [Kite moun nan reponn.] Gade yon pwovèb nou jwenn nan Bib la ki fè moun reflechi. [Li Pwovèb 20:17.] Peryodik sa a esplike rezon ki fè li bon pou moun onèt.”