¿Jitaˈ u takʼix ban chabál?
¿Neˈech ka uluw abal jaˈich...
... an Okʼoxláb?
... an atiklábtsik?
... kʼeˈet xitaˈ?
XOWAˈ IN ULAL AN TʼOKAT DHUTSLAB
‹An lej atʼax jaˈich xu takʼix jechéˈ i kʼij› (2 Corintios 4:4.)
«Jaˈich kʼal jechéˈ tin kwentaj ti tsích nin Chakámil [an Okʼoxláb] abal kin pakwtsi xowaˈ in tʼajámal an lej atʼax.» (1 Juan 3:8, Nuevo Testamento Huasteco de Veracruz.)
JANTI TU TOLMIYAL KI CHOˈÓBNAˈ
Neˈech ki exbay jantʼó’ ti kʼwajat kʼal yan i atʼaxtaláb an chabál (Apokalipsis 12:12).
Neˈech ki belaˈ abal an xeˈchintaláb neˈech ka jalkʼun, abal ni alwaˈbíl (1 Juan 2:17).
¿I EJTOWAL KI BELAˈ XOWAˈ IN ULAL AN TʼOKAT DHUTSLAB?
Anchanˈ, waˈach óx i tsubaxtaláb:
Nin takʼixtal an atʼax uludhich xowaˈ neˈech kin tamu. Na Jehová in koˈolich janti neˈech kin wixkʼantsi nin awiltal an lej atʼax. Jajáˈ in ulal abal neˈech kin tʼaj okʼondhaˈ an lej atʼax, ani neˈech kin wixkʼaˈ ejtal an yajtsiktaláb xi in tʼajámal (Hebreos 2:14).
An Okʼoxláb in takwyámich na Jesucristo abal ka takʼixin. Na Jesús yab neˈech ti takʼix jelti xóˈ kʼwajat in tʼajál na Satanás, an lej atʼax. An Okʼoxláb in ulal kʼal tin kwentaj nin takʼixtal na Jesús, abal neˈech kin kóˈontsi ti yajnantsixtaláb an chʼojontáltsik ani neˈech kin tolmiy abal yabich ka kʼwajay ti tʼeˈpinal kʼal an atʼaxtaláb (Salmo 72:13, 14).
An Okʼoxláb yab jaykʼij tu kʼambiyal. An Tʼokat Dhutslab in ulal lej tajax: ‹An Okʼoxláb yab neˈech kin ejto ka kʼambixin› (Hebreos 6:18). Tam na Jehová tu utsal jun xataˈ neˈech kin tʼajaˈ, tsubax i ejtowal ki belaˈ (Isaías 55:10, 11). Ani jajáˈ in ulúmalich abal: «Neˈech ka petnájich ban kʼibeltaláb an lej atʼax xi kʼwajat ti takʼix ba jechéˈ an kʼaylál» (Juan 12:31).
KA KONOY TA BAˈ
¿Janti neˈech ka kʼwajay an chabál, tam na Satanás yabich ka takʼixin?
Neˈech ka elaˈ an tokʼtsixtaláb xi in pidhnál an Tʼokat Dhutslab ti SALMO 37:10, 11 ani APOKALIPSIS 21:3, 4.