¿Janéy yejat abal ki kʼwajay kulbél ta kʼimaˈ?
¿Neˈech ka uluw abal jaˈich . . .
... an kʼanidhaxtaláb?
... an tumín?
... kʼeˈet xanéy?
XOWAˈ IN ULAL AN TʼOKAT DHUTSLAB
«¡Más kʼijidh abal xitaˈ xin axtsaltsik xowaˈ in ulal [an Okʼoxláb] ani kin tʼajaˈ!» (Lucas 11:28, Nuevo Testamento Huasteco de Veracruz.)
JANTI TU TOLMIYAL KI CHOˈÓBNAˈ
Neˈech ki elaˈ i tsubax kʼanidhaxtaláb (Efesios 5:28, 29).
Neˈech ka waˈchin i kʼakʼnaxtaláb (Efesios 5:33).
Neˈech ku kʼwajay kʼijidh (Marcos 10:6-9).
¿I EJTOWAL KI BELAˈ XOWAˈ IN ULAL AN TʼOKAT DHUTSLAB?
Anchanˈ, waˈach cháb i tsubaxtaláb:
An Okʼoxláb jaˈich xi tu tʼajaˈ. An Tʼokat Dhutslab in ulal abal ‹jajáˈ u tataˈláb kʼal ejtal xu kʼwajíl ti chabál› (Efesios 3:14, 15). In léˈ kin uluw abal wawáˈ u kʼwajat ejat jalbintsích abal na Jehová tu tʼajámal. ¿Jantʼó ti uluts?
Ka chalpay jechéˈ: Max i kʼwajatak a kʼapal jun i kʼapnél xi lej wedhaˈ, ani a léˈ ka choˈóbnaˈ janéy kʼwajbantsidh, ¿jitaˈ jaˈ neˈech ka konoy? Lej tsubax, jitaˈ in lejkiyamal.
Anchanˈ jeye max a léˈ ka choˈóbnaˈ janti ki kʼwajay kulbél kʼal xitaˈ u kʼwajíl ta kʼimaˈ, más alwaˈ, ka konoy an Okʼoxláb Jehová, kom jajáˈ tu tʼajaˈ (Génesis 2:18-24).
An Okʼoxláb tu kʼanidhál. Tatáˈtsik, alwaˈ ka aliy nin takʼixtal an Okʼoxláb ban Tʼokat Dhutslab, kom ‹jajáˈ tu kʼanidhál tʼajat› (1 Pedro 5:6, 7). Na Jehová in léˈ xowaˈ más alwaˈ abal wawáˈ. Ani nin takʼixtal echʼekʼij tu tolmiyal (Proverbios 3:5, 6; Isaías 48:17, 18).
KA KONOY TA BAˈ
¿Janti u ejtowal ku tʼajaˈ tin más alwaˈ tomkíl ani tataˈláb?
Neˈech ka elaˈ an tokʼtsixtaláb xi in pidhnál an Tʼokat Dhutslab ti EFESIOS 5:1, 2 ani COLOSENSES 3:18-21.