STUDY 1

Good Way Fo Start Wen You Talk Story

Jesus Guys 17:22

MAIN TING: Wen you start fo talk story, wat you tell should make yoa lissenas like kno moa. Gotta make um clear wat you talking about an help dem see why iz good fo dem lissen.

HOW FO DO UM:

Make yoa lissenas like kno moa. Pick one question, real-life story, someting on da news or someting else dat goin catch dea attention.

Befoa we go preach, tink about wat peopo like talk about or wat make dem worry, an use dat fo wen you start fo talk story.
Make um clear wat you talking about. From da start, make shua wat you talk about an why you talking about um stay clear to yoa lissenas.
Help dem see why iz good fo dem lissen. Be ready fo change up wat you goin say so you can help da guys you talking to. Should be easy fo dem undastan how da tings you talking about can help dem in dea lives.

Wen you working on one talk, ask yoaself, “Wat kine stuff da braddahs an sistahs in my hui stay goin tru?” Den use dat fo start yoa talk.