STUDY 2

Talk Natural Kine

2 Corint 2:17

MAIN TING: Talk natural an from da heart.

Fo make ready, pray an try do one good job. Pray fo help so you can tink about wat you goin talk about an not how nervous you stay. Try rememba da main tings you gotta tell. Say um in yoa own words, no jus read um word fo word off da paypa.

If you goin read from da Bible or anodda book, go ova um plenny so yoa reading goin be smooth. If you reading someting dat somebody wen say, try read um wit feeling, but no be ova da top.
Talk from da heart. Tink how come yoa lissenas gotta hea da message. Tink about dem. Den yoa body, how you move yoa hands an how yoa face look, goin show fo real kine you kea about dem.

Talking natural no mean you talk anykine. Keep um respeckful an easy fo lissen to.
Look da guys you talking to. Look dem in dea eyes if dass okay wea you live. Wen you give one talk, look at one person litto while den go look one odda person. No jus scan ova erybody.