STUDY 20

Wrap Um Up In One Good Way

Da Teacha 12:13

MAIN TING: Wen you wrap um up, try fo get yoa lissenas fo take acktion wit wat dey wen learn.

Make shua yoa ending match up wit wat you trying fo teach. Fo help yoa lissenas rememba, say da main points an theme again.
Fiyah up yoa lissenas. Show dem wat fo do an how come iz good fo do um. Talk from da heart an show you believe um.
Keep da ending short an simpo. No bring in new points. Move yoa lissenas fo do wat you wuz talking bout witout saying too much.

Try dis: No rush da ending. Wit da las coupo sentences show by da tone of yoa voice dat you goin pau yoa talk.