Փետրվար ամսվա ծառայողական հանդիպումները
Փետրվարի 1–ով սկսվող շաբաթը
Երգ 55
10 րոպե. Տեղական հայտարարություններ։ Ընտրովի հայտարարություններ «Մեր թագավորական ծառայությունը» թերթիկից։ Հիշեցրու հունվար ամսվա հաշվետությունները հանձնելու մասին։
17 րոպե. ««Ընտանեկան Ուրախութեան» գիրքը առաջարկիր բոլոր տարիքի անհատներին»։ Երեցն այս հոդվածը քննարկում է երկու կամ երեք ընդունակ քարոզիչների հետ։ Ուշադրությունը կենտրոնացրու մարդկանց օգնելու նպատակակետի վրա, որպեսզի նրանք հասկանան, որ ընտանեկան երջանկության գաղտնիքն Աստվածաշնչի խորհրդին հետևելու մեջ է (տե՛ս «Ընտանեկան Ուրախութեան Գաղտնիքը», 9—12 էջեր)։ Ներկայացրու գիրքն առաջարկելու մի կերպ։ Ցույց տուր, թե ինչպես կարելի է հիշատակել նվիրատվության մասին և ինչպես կրկնակի այցելության հիմքը դնել։
18 րոպե. «Նոր անձնավորությունը հագնենք»։ Եփեսացիս 4։20—24 խոսքերը քննարկող ելույթ (տե՛ս «Դիտարան» 01.06.93, 13—17 էջեր, պարբ. 4—17)։ Բացատրիր, թե ինչպես ենք «հանում» հին անձնավորությունը և «հագնում» նորը։
Երգ 222 և եզրափակիչ աղոթք։
Փետրվարի 8–ով սկսվող շաբաթը
Երգ 172
10 րոպե. Տեղական հայտարարություններ։ Ֆինանսական հաշվետվություն։
15 րոպե. Տեղական կարիքներ։
20 րոպե. «Մեր Մեծ Ստեղծիչը հոգ է տանում մեր մասին»։ Հարց ու պատասխան։ Բացատրիր, թե ինչպես կարելի է «Ստեղծիչ» գիրքը գործածել օգնելու համար այն անհատներին, ովքեր կասկածում կամ հերքում են Աստծո գոյությունը։ Թեև այդ գիրքը նախատեսված չէ Աստվածաշնչի ուսումնասիրություններ անցկացնելու համար, սակայն այն կարող է արդյունավետ միջոց հանդիսանալ՝ Աստվածաշնչի արձանագրությունների շուրջը մարդկանց խորհելու տեղիք տալով (տե՛ս «Ստեղծիչ» գիրքը, 189—191 էջեր)։ Հրավիրիր ունկնդիրներին, որպեսզի իրենց անձնական կարծիքն արտահայտեն սույն հրատարակության մասին և պատմեն որոշ դեպքեր, որոնք պատահել են գիրքը տարածելիս։
Երգ 114 և եզրափակիչ աղոթք։
Փետրվարի 15–ով սկսվող շաբաթը
Երգ 59
10 րոպե. Տեղական հայտարարություններ։ Աստվածապետական նորություններ։
18 րոպե. Ինչպիսի՞ օգուտներ ենք քաղում՝ Աստվածապետական ծառայության դպրոցում գրանցվելով։ Դպրոցի վերակացուն նյութը քննարկում է ունկնդիրների հետ։ Դպրոցի նպատակն այն չէ, որ սովորենք միայն ելույթով հանդես գալ։ Ուրիշ մարզերում էլ ենք անմիջական օգուտներ քաղում (տե՛ս «Ուղեցույց» գիրքը, 12, 13 էջեր, ռուս.)։ Մենք մարդկանց հետ հաղորդակցվելու ավելի լավ կերպեր ենք սովորում։ Սովորում ենք նաև պարզ, կշռադատված և համարձակ խոսել։ Հմտանում ենք մեր հավատալիքներին վերաբերող հարցերին պատասխանելու և Աստվածաշնչի վրա հիմնված մեր տեսակետը բացատրելու մեջ։ Ավելանում է Աստվածաշնչի մասին ունեցած մեր գիտությունը, ինչը օգնում է մեզ առավել արդյունավետ կերպով ուրիշներին վկայություն տալ։ Սովորում ենք տեսնել մեր թերություններն ու ընդունել մեզ տրված խորհուրդը, որի արդյունքում ուրիշների հետ ավելի ջերմ ենք վերաբերվում։ Դպրոցից ստացած ընդհանուր ուսուցումն օգնում է մեզ, որպեսզի Աստծուց ստացած «մեր կարողութիւնը» պահպանենք որպես Աստծո ծառաներ։ (Բ Կորնթ. 3։5, 6)։
17 րոպե. «Ինչպե՞ս կարող են ընտանիքի անդամները միմյանց հետ համագործակցել, որպեսզի ամբողջական մասնակցություն ունենան Աստվածաշնչի ուսումնասիրությանը»։ Քննարկում մի ընտանիքի անդամների հետ։ Նրանք պատմում են, թե ինչպես են կիրառում Աստվածաշնչի ընտանեկան ընթերցանություն և ուսումնասիրություն անցկացնելու վերաբերյալ խորհուրդը՝ տրված «Դիտարան» ամսագրի 01.08.96 (23, 24 էջեր) և 01.01.93 (24, 25 էջեր) համարներում։
Երգ 57 և եզրափակիչ աղոթք։
Փետրվարի 22–ով սկսվող շաբաթը
Երգ 112
10 րոպե. Տեղական հայտարարություններ։
15 րոպե. Վկայություն բարձրահարկ շենքերում։ Քննարկում երկու կամ երեք քարոզիչների հետ։ Դժվար է քարոզել այն մարդկանց, ովքեր ապրում են բարձրահարկ շենքերում, որտեղ խոսակցությունը հաճախ սահմանափակվում է միայն փակ դռան ետևից խոսելով։ Քննարկիր կերպեր, որոնցով կարելի է հետաքրքրություն առաջացնել. օրինակ՝ ներկայացիր բարեհամբույր կերպով և հայտնիր, որ ապրում ես հարևան թաղամասում. գործածիր տանտիրոջ անունը, եթե այն գրված է փոստարկղի կամ դռան վրա. նշիր, որ ցանկանում ես քննարկել հրատապ մի հարց կամ անմիջապես կարդա «Ինչպես վարել Աստվածաշնչի թեմայով զրույցը» գրքույկից ներածական խոսքեր, 2—7 էջեր, և հայտնիր, որ ցանկանում ես որևէ թերթիկ, ամսագիր կամ բրոշյուր թողնել, որը կարևոր հարցի է պատասխանում, ապա կարդա այդ հարցը։ Այն շենքերում, որտեղ բնակիչների հետ կապ հաստատելը գրեթե հնարավոր չէ, նամակներ գրիր նրանց կամ վկայություն տուր դրսում՝ նրանց՝ շենք մտնելիս և դուրս գալիս։ Հակիրճ ներկայացրու մի մեթոդ, որը ձեր տարածքում լավ արդյունքներ է տվել՝ բնակիչների հետ կապ հաստատելով։
20 րոպե. Ինչպե՞ս ուրախություն գտնել աշակերտներ պատրաստելու գործում։ «Դիտարան»–ի 15.02.96 (19—22 էջեր, ռուս.) համարի վրա հիմնված ելույթ։
Երգ 123 և եզրափակիչ աղոթք։