Օգոստոս ամսվա ծառայողական հանդիպումները

Օգոստոսի 13–ով սկսվող շաբաթը

Երգ 204

13 րոպե. Տեղական հայտարարություններ։ Ընտրովի հայտարարություններ «Մեր թագավորական ծառայությունը» թերթիկից։ Քննարկիր «Նոր հատուկ համաժողովի ծրագիրը» հոդվածը։ Հայտարարիր այդ համաժողովի ամիս–ամսաթիվը և խրախուսիր բոլորին ներկա գտնվել ամբողջ ծրագրին։ Հորդորիր քարոզիչներին, որ հրավիրեն նորերս հետաքրքրված անհատներին և Աստվածաշունչ ուսումնասիրողներին։

17 րոպե. «Ցանկանո՞ւմ եք ավելին անել»։a Ընդգրկիր մտքեր տարածքում բնակվող օտարախոս անհատներին քարոզելու մեջ ավելին անելու վերաբերյալ։ Հակիրճ մեկնաբանություններ տուր՝ վերցված «Դիտարանի» 1997 թ. հունիսի 15–ի համարում տեղ գտած նյութից (էջ 26–29, ռուս.)։

15 րոպե. «Հանգիստը պատշաճ տեղում պահեք»։ Գրքի ուսումնասիրության ղեկավարը Գրքի ուսումնասիրությունից հետո զրուցում է մի ամուսնական զույգի հետ։ Նա բարյացակամորեն նշում է, որ վերջերս նրանց չի տեսնում քարոզչական ծառայության մեջ կամ կիրակնօրյա հանդիպումներին։ Ամուսինները բացատրում են, որ նրանք արձակուրդում են եղել, նաև ամառային գործերով են զբաղված եղել։ Երեցը քննարկում է հոդվածի հիմնական կետերը, ինչպես նաև օգնում է նրանց հասկանալ, որ հոգևոր շահերը պետք է միշտ առաջին տեղում լինեն։ Նրանք շնորհակալություն են հայտնում օգտակար հիշեցումների համար, և համաձայնում են, որ հետագայի համար ավելի լավ առաջնահերթություններ պետք է դնեն իրենց առաջ («Դիտարան», 2000 թ., հոկտեմբերի 1, էջ 19, 20)։

Երգ 129 և եզրափակիչ աղոթք։

Օգոստոսի 20–ով սկսվող շաբաթը

Երգ 33

8 րոպե. Տեղական հայտարարություններ։ Ֆինանսական հաշվետվություն։

15 րոպե. «Դուք «տեսարան» եք դարձել»։b Հիշատակիր մի քանի դեպքերի մասին, երբ մարդիկ դրական կարծիք են հայտնել Եհովայի վկաների գործունեության կամ վարքի վերաբերյալ (տե՛ս նաև «Դիտարանի» 1998 թ. մարտի 15–ի համարը (էջ 10, ռուս.) և 1999 թ.–ի փետրվարի 1–ի համարը (էջ 32)։

22 րոպե. «Լավ շարժուձևը՝ Աստծո ժողովրդին բնորոշ գիծ»։ Երեցը ներկայացնում է հինգ րոպե տևողությամբ ելույթ՝ հիմնված 1–5 պարբերությունների վրա։ Ապա մեկ ուրիշ երեցի և ծառայողական օգնականի հետ քննարկում է հոդվածի մնացած պարբերությունները։ Նրանք խոսում են այն մասին, թե ինչպես կարելի է հաղթահարել որոշ վատ սովորություններ, որոնք կարող են շեղել մեր ուշադրությունը հանդիպումների ժամանակ և դրանցից ստացված օգուտները նվազագույնի հասցնել։ Նաև նշում են, թե միմյանց հետ հաղորդակցվելն ինչպես է իսկական քաջալերություն լինում, երբ անկեղծորեն հոգ ենք տանում ուրիշների մասին (Փիլիպ. 2։4)։

Երգ 57 և եզրափակիչ աղոթք։

Օգոստոսի 27–ով սկսվող շաբաթը

Երգ 59

10 րոպե. Տեղական հայտարարություններ։ Հիշեցրու օգոստոս ամսվա քարոզչական ծառայության հաշվետվությունները հանձնելու մասին։ Հակիրճ մեկ կամ երկու մատուցում ներկայացրու սեպտեմբերին ծառայության մեջ «Ստեղծիչ» գիրքն առաջարկելու վերաբերյալ։

10 րոպե. Տեղական կարիքներ։

25 րոպե. «Ռահվիրայական ոգի ունե՞ք»։* Հարցազրույց մի քանի քարոզիչների հետ, որոնք ծառայում են որպես ռահվիրա կամ էլ ծառայել են։ Նրանք պատմում են, թե ինչն է մղել նրանց ռահվիրայական ծառայության։

Երգ 47 և եզրափակիչ աղոթք։

Սեպտեմբերի 3–ով սկսվող շաբաթը

Երգ 138

8 րոպե. Տեղական հայտարարություններ։

17 րոպե. «Որքա՞ն կարևոր է քրիստոնեական եղբայրությունը»։c Ընդգրկիր մեկնաբանություններ «Դիտարանի» 1996 թ.–ի ապրիլի 1–ի համարից «Ժողովքին միջոցաւ» ենթավերնագրի տակ (էջ 30)։

20 րոպե. «Բարի լուրը ներկայացնենք խորաթափանցությամբ»։ Ցուցադրիր 5–րդ պարբերության մեջ տրված կետերը։ Մի ընդունակ քարոզիչ ցույց է տալիս, թե ինչպես կարելի է, նրբանկատորեն հարցեր ուղղելով և բացատրելով տվյալ հարցի վերաբերյալ Աստվածաշնչի տեսակետը, զրուցել այնպիսի տանտիրոջ հետ, որը առաջին այցելության ժամանակ վիճաբանել է այդ հարցի շուրջ։ Ցուցադրումը պետք է լավ կրկնել։

Երգ 63 և եզրափակիչ աղոթք։

[Ծանոթագրություն]