Գրքույկներ՝ ոչ քրիստոնեական կրոն դավանողների համար

«Հարատև խաղաղություն և երջանկություն. ինչպես գտնել» (անգլ.)

Չինացի ուսանողի քարոզելիս դու կարող ես ասել.

«Ես նկատել եմ, որ բոլոր ուսանողները մի ընդհանուր մտահոգություն ունեն. նրանք ցանկանում են, որ խաղաղություն և երջանկություն լինի։ Ձեր կարծիքով՝ դա կարևո՞ր է։ [Թույլ տուր պատասխանել։] Հրաշալի չի՞ լինի տեսնել վաղուց ասված այս խոսքերի կատարումը»։ Կարդա Սաղմոս 37։11–ը և առաջարկիր գրքույկը (km98 02, էջ 5, ռուս.)։

««Ահա ամեն բան նոր եմ անում»» (արևմտ.)

Տարեց անձնավորությանը, որը բուդդայական է, կարող ես ասել.

«Հավանաբար ձեզ էլ, ինչպես և ինձ, մտահոգում է այլասերված գաղափարների հսկա տարափը և այն, թե ինչ ազդեցություն են գործում դրանք մեր երեխաների վրա։ Ինչո՞ւ է անբարոյության այսպիսի աճ նկատվում երիտասարդության շրջանում։ [Թույլ տուր պատասխանել։] Գիտեի՞ք, որ այդ մասին նախագուշակվել է մի գրքում, որի գրությունը սկսվել է մահմեդական, քրիստոնեական և հնդուական կրոնների հիմնադրումից դեռ շատ առաջ։ [Կարդա Բ Տիմոթէոս 3։1–3-ը։] Փաստորեն, այսպիսի իրավիճակ է տիրում՝ չնայած այն բանին, որ մեր օրերում մարդիկ ավելի ու ավելի շատ են կրթություն ստանում։ [Կարդա 7–րդ համարը։] Այս գրքույկը օգնել է ինձ իմանալ մի ճշմարտություն, որի մասին մարդկանց մեծամասնությունը չգիտի։ Կցանկանայի՞ք կարդալ այն» (km99 08, էջ 8)։

«Մեր պրոբլեմները. ո՞վ կօգնի մեզ լուծել դրանք»a

Երիտասարդ հնդուականի հետ զրուցելիս կարող ես ասել.

«Ամենայն հավանականությամբ, դուք հավատում եք Աստծուն։ Ի՞նչ եք կարծում, Աստված ի՞նչ նպատակ ունի մեզ հետ կապված։ [Թույլ տուր պատասխանել։ Ապա կարդա Ծննդոց 1։28–ը։] Երկրագնդի շատ վայրեր խիտ են բնակեցված և լի են խնդիրներով։ Ի՞նչ եք կարծում, մեր Արարիչը ցանկանո՞ւմ է օգնել մեզ լուծելու մեր խնդիրները»։ Թույլ տուր պատասխանել։ Ապա առաջարկիր գրքույկը (km99 09, էջ 8)։

«Աստծու առաջնորդությունը. Դրախտ տանող մեր ճամփան» (ռուս.)

Մահմեդականի հետ զրուցելիս կարող ես ասել.

«Ես ձգտում եմ զրուցել մահմեդականների հետ։ Գիտեմ, որ մահմեդականները հավատում են մեկ ճշմարիտ Աստծու և բոլոր մարգարեներին։ Դա ճի՞շտ է։ [Թույլ տուր պատասխանել։] Կցանկանայի խոսել ձեզ հետ մի հին մարգարեության մասին, որի համաձայն՝ երկիրը դրախտի է վերածվելու։ Թույլ կտա՞ք ձեզ համար ընթերցել մարգարեի գրած այդ խոսքերը։ [Թույլ տուր պատասխանել։ Ապա կարդա Եսայիա 11։6–9-ը։] Այս մարգարեությունը հիշեցնում է ինձ Ղուրանից մի միտք, որ մեջ է բերված այս գրքույկում»։ Բաց արա 9–րդ էջը և կարդա թավատառով գրված նախադասությունը։ Հետաքրքրություն նկատելու դեպքում շարունակիր զրույցը՝ քննարկելով նախորդ էջի 7–9-րդ պարբերությունները (km99 11, էջ 8)։

«Ինչո՞ւ է հարկավոր Աստծուն երկրպագել սիրով և ճշմարտությամբ»*

Այս մատուցումը գուցե հետաքրքրի հնդուականի, որն ընտանիք ունի.

«Ես այցելում եմ այն մարդկանց, ում մտահոգում է այսօր ընտանիքներում տիրող վիճակը։ Ձեր կարծիքով՝ ի՞նչ է անհրաժեշտ ընտանիքում միասնություն պահպանելու համար։ [Թույլ տուր պատասխանել]։ Որոշ մարդիկ գիտեն, թե ինչ են ասում հնդուականների գրությունները ընտանեկան կյանքի վերաբերյալ, սակայն նրանք հնարավորություն չեն ունեցել համեմատելու դա այն բանի հետ, ինչ Աստվածաշունչն է ասում ընտանեկան կյանքի մասին։ Ես կցանկանայի ձեզ համար կարդալ հետևյալ միտքը։ [Կարդա Կողոսացիս 3։12–14-ը։] Այս գրքույկը տեղեկացնում է հնդիկների սուրբ գրքերի, ինչպես նաև Աստվածաշնչի մասին»։ Առաջարկիր գրքույկը և ուշադրություն հրավիրիր 8–րդ ու 9–րդ էջերի վրա և 20–րդ ու 21–րդ էջերի վրա (km99 09, էջ 8)։

«Երբևիցե կլինի՞ աշխարհ առանց պատերազմի» (ռուս.)

Հրեայի քարոզելիս կարող ես ասել.

«Մեզանից շատերին հարազատի կորուստը մեծ ցավ է պատճառել։ Ձեր կարծիքով՝ ի՞նչ է տեղի ունենում, երբ մարդը մահանում է»։ Թույլ տուր պատասխանել։ Ապա զրուցակցիդ ուշադրությունը հրավիրիր գրքույկի 22–րդ էջի՝ «Մահը և հոգին. ի՞նչ են դրանք» վերնագրով շրջանակի վրա։ Կարդա 23–րդ էջի 17–րդ պարբերությունը, որտեղ խոսվում է հարության մասին։ Նշիր, որ նահապետ Հոբը հարության հույս ուներ։ Առաջարկիր գրքույկը և պայմանավորվիր վերայցելել քննարկելու համար պարբերության վերջում բերված սուրբգրային համարները (km99 10, էջ 8)։

[Ծանոթագրություններ]