Մատուցումներ
Աստվածաշնչի ուսումնասիրություն սկսենք մայիս ամսվա առաջին շաբաթ օրը
«Ի՞նչ եք կարծում, կրոնը նպաստո՞ւմ է սիրո և խաղաղության, թե՞ ատելություն և բռնություն է հրահրում։ [Թույլ տուր պատասխանել։] Թույլ տվեք ձեր ուշադրությունը հրավիրել մի հետաքրքիր մտքի վրա այս պարբերագրից»։ Տանտիրոջը տուր «Դիտարանի» մայիսի 1-ի համարի մի օրինակ և քննարկիր 16-րդ էջի առաջին ենթավերնագրի նյութը և առնվազն մեկ սուրբգրային համար։ Առաջարկիր պարբերագիրը և պայմանավորվիր մյուս անգամ քննարկել հաջորդ հարցը։
Դիտարան 1 մայիսի
«Շատերը կարծում են, որ կրոնը պետք է մասնակցի քաղաքականությանը, մինչդեռ մյուսները այն կարծիքին են, որ կրոնն ու քաղաքականությունը անհամատեղելի են»։ Իսկ դուք ի՞նչ եք կարծում։ [Թույլ տուր պատասխանել։] Ուշադրություն դարձրեք, թե Հիսուսն ինչպես արձագանքեց, երբ մարդիկ ուզում էին, որ նա մասնակցի քաղաքականությանը։ [Կարդա՛ Հովհաննես 6։15։] Այս պարբերագիրը բացատրում է, թե ինչու Հիսուսն այդպես արձագանքեց և թե որն է լավագույն միջոցը, որով քրիստոնյաները կարող են նպաստել հասարակության բարօրությանը»։
Արթնացե՛ք մայիս
«Գրեթե բոլոր մարդիկ, ում հետ մենք զրուցում ենք, բախվել են անարդարության։ Ձեր կարծիքով՝ հույս կա՞, որ անարդարությանը վերջ կդրվի։ [Թույլ տուր պատասխանել։] Ուշադրություն դարձրեք այս մարգարեությանը, որը այն ղեկավարի մասին է, ով վե՛րջ է դնելու անարդարությանը։ [Կարդա՛ Սաղմոս 72։11–14։] Այս պարբերագիրը խոսում է Աստվածաշնչի խոստումների մասին և հավաստիացնում մեզ, որ շատ շուտով կատարյալ արդարություն է հաստատվելու»։