Կարո՞ղ ես ծառայել երեկոյան ժամերին
1. Ըստ մի գրքի՝ ո՞ր ժամերին էր Պողոս առաքյալը քարոզում տնից տուն։
1 «Առօրյա կյանքը աստվածաշնչյան ժամանակներում» գրքում ասվում է, որ Պողոս առաքյալը սովորաբար քարոզում էր տնից տուն «ցերեկվա ժամը չորսից մինչև ուշ գիշեր» (Daily Life in Bible Times)։ Մենք չգիտենք՝ իրականում այսպիսին էր Պողոսի գրաֆիկը, թե ոչ, բայց հաստատ գիտենք, որ նա պատրաստ էր «ամեն բան բարի լուրի համար անելու» (1 Կորնթ. 9։19–23)։ Սա կարող է նշանակել, որ նա այնպես էր պլանավորում իր գործերը, որ տնետուն գնար այն ժամանակ, երբ կկարողանար ավելի շատ մարդկանց հետ զրուցել։
2. Ինչո՞ւ է երեկոյան վկայություն տալը արդյունավետ։
2 Շատ վայրերում քարոզիչները սովորություն ունեն տնետուն գնալու աշխատանքային օրերին՝ առավոտյան։ Իսկ քո տարածքում դա լավագո՞ւյն ժամանակն է տնետուն գնալու։ Մի ռահվիրա իր քարոզչական տարածքի մասին ասում է. «Օրվա ընթացքում գրեթե ոչ ոք տանը չի լինում։ Բայց երեկոյան մեծ մասը տանն է լինում»։ Երեկոյան վկայություն տալը կարող է լինել լավագույն միջոցը բարի լուրը հատկապես տղամարդկանց հայտնելու համար։ Այդ ժամանակ բնակիչները հանգստացած և ավելի տրամադրված են լինում զրուցելու։ Եթե նպատակահարմար է, երեցները կարող են որոշել երեկոյան ժամերին քարոզչական ծառայության հանդիպումներ անցկացնել։
3. Երեկոյան ժամերին վկայություն տալիս ինչպե՞ս կարող ենք խորաթափանց լինել։
3 Խորաթափանց եղիր։ Երեկոյան ժամերին վկայություն տալիս կարևոր է խորաթափանց լինել։ Օրինակ՝ եթե նկատում ես, որ տանտիրոջը անհարմար ժամի ես այցելել, ասենք՝ նրա ընթրելու ժամին, կարող ես ասել, որ հետո կգաս։ Իսկ եթե մութ է, այնպես կանգնիր, որ տանտերը կարողանա տեսնել քեզ, և միանգամից ասա, թե ով ես և ինչ նպատակով ես եկել։ Իմաստուն կլինի երեկոյան ժամերին ծառայել զույգերով կամ էլ խմբով և լինել լավ լուսավորված փողոցներում, որտեղ մեկուսացած չես լինի։ Մի՛ այցելիր շատ ուշ, որպեսզի չանհանգստացնես այն բնակիչներին, ովքեր պատրաստվում են քնելու (2 Կորնթ. 6։3)։ Եթե մութն ընկնելուց հետո շրջակայքը անվտանգ չէ, քարոզիր նախքան մթնելը (Առակ. 22։3)։
4. Ինչո՞վ է օգտակար երեկոյան վկայություն տալը։
4 Օգուտներ։ Ծառայությունը շատ ավելի հաճելի է, երբ կարողանում ենք զրուցել ավելի շատ մարդկանց հետ։ Որքան շատ կարողանանք վկայություն տալ, այնքան շատ հնարավորություն կունենանք օգնելու մարդկանց, որ «ճշմարտության մասին ճշգրիտ գիտելիքներ ստանան և փրկվեն» (1 Տիմոթ. 2։3, 4)։ Կարո՞ղ ես գրաֆիկդ այնպես կազմել, որ վկայություն տաս երեկոյան ժամերին։