Օգնիր հավատ կերտել Եհովայի և Հիսուսի հանդեպ՝ օգտագործելով «Վայելիր կյանքը հավիտյան» գիրքը

Աստծուն հաճեցնելու համար ուսումնասիրողը պետք է ամուր հավատ զարգացնի (Եբ 11։6)։ Այս հարցում նրան կարող ենք օգնել «Վայելիր կյանքը հավիտյան» գրքի միջոցով։ Գրքի առանձնահատկություններից են աստվածաշնչյան գլխավոր համարները, պարզ տրամաբանությունը, արդյունավետ հարցերը, հետաքրքրաշարժ տեսանյութերը և գեղեցիկ նկարները։ Մենք հրակայուն նյութեր ենք օգտագործում, երբ ուսումնասիրողին օգնում ենք զարգացնել աստվածահաճո հատկություններ և մտերմանալ Աստծու հետ (1Կթ 3։12–15)։

Ոմանց համար դժվար է պատկերացնել, թե ինչպես կարող են ընկերանալ Աստծու հետ, որին չեն տեսնում։ Ուստի պետք է օգնենք նրանց ճանաչել Եհովային ու վստահել նրան։

ԴԻՏԻՐ «ՕԳՆԻՐ ՀԱՎԱՏ ԿԵՐՏԵԼ ԵՀՈՎԱՅԻ ՀԱՆԴԵՊ՝ ՕԳՏԱԳՈՐԾԵԼՈՎ «ՎԱՅԵԼԻՐ ԿՅԱՆՔԸ ՀԱՎԻՏՅԱՆ» ԳԻՐՔԸ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ

• Ինչի՞ց երևաց, որ քույրը լավ նախապատրաստվել էր ուսումնասիրությանը։

• Քույրն ինչպե՞ս լավ ընտրված հարցեր օգտագործեց, որ օգնի ուսումնասիրողին արտահայտել իր մտքերն ու զգացումները Եսայիա 41։10, 13-ի վերաբերյալ։

• Տեսանյութն ու աստվածաշնչյան համարը ի՞նչ ազդեցություն ունեցան ուսումնասիրողի վրա։

Շատ մարդիկ չեն հասկանում, թե որն է փրկանքի նշանակությունը, կամ էլ այն Աստծուց անձամբ իրենց տրված նվեր չեն համարում (Գղ 2։20)։ Ուստի պետք է օգնենք նրանց հավատ զարգացնել Հիսուսի տված փրկագնի հանդեպ։

ԴԻՏԻՐ «ՕԳՆԻՐ ՀԱՎԱՏ ԿԵՐՏԵԼ ՀԻՍՈՒՍԻ ՀԱՆԴԵՊ՝ ՕԳՏԱԳՈՐԾԵԼՈՎ «ՎԱՅԵԼԻՐ ԿՅԱՆՔԸ ՀԱՎԻՏՅԱՆ» ԳԻՐՔԸ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ

• Ինչի՞ց երևաց, որ եղբայրը լավ նախապատրաստվել էր ուսումնասիրությանը։

• Ուսումնասիրողին օգնելու համար եղբայրն ինչպե՞ս օգտագործեց «Բացահայտիր ավելին» բաժինը։

• Աղոթքն ինչո՞ւ է կարևոր ուսումնասիրողի համար։