Նոր ծնունդ. որքա՞ն կարևոր է այն

ՆԻԿՈԴԵՄՈՍԻ հետ զրուցելիս Հիսուսն ընդգծեց այն միտքը, որ նոր ծնունդը, կամ՝ վերստին ծնվելը մեծ նշանակություն ունի։ Ինչպե՞ս։

Նա ասաց. «Մինչև որ մարդ դարձյալ չծնվի, չի կարող տեսնել Աստծու թագավորությունը» (Հովհաննես 3։3)։ «Մինչև» և «չի կարող» բառերը ընդգծում են դարձյալ ծնվելու անհրաժեշտությունը։ Պարզաբանենք օրինակով։ Երբ ինչ–որ մեկն ասում է՝ «մինչև արևը չծագի, օրը չի լուսանա», նա նկատի ունի, որ լույս լինելու համար պետք է արևը ծագի։ Հիսուսը նույնպես ուզում էր ասել, որ «Աստծու Թագավորությունը» տեսնելու համար անհրաժեշտ է դարձյալ ծնվել։

Իր խոսքերի կարևորությունը շեշտելու համար Հիսուսը նորից կրկնում է. «Դուք դարձյալ պետք է ծնվեք» (Հովհաննես 3։7)։ Հստակ է, ուրեմն, որ Աստծու Թագավորություն մտնելու համար անհրաժեշտ է դարձյալ ծնվել (Հովհաննես 3։5)։

Հիմա տեսնենք, թե կարո՞ղ է քրիստոնյան ինքնուրույն որոշել՝ վերստին ծնվել, թե ոչ։

[Մեջբերում 5–րդ էջի վրա]

«Մինչև արևը չծագի, օրը չի լուսանա»