2001 թ. Աստվածապետական ծառայության դպրոցը

¹ Գրություններում կարելի է գտնել մեծ թվով պատճառներ, որոնք ցույց են տալիս, թե ինչու պետք է մեզանից յուրաքանչյուրը հնարավորին չափ շատ մասնակցություն ունենա Աստվածապետական ծառայության դպրոցում (Առակ. 15։23; Մատթ. 28։19, 20; Գործք 15։32; Ա Տիմոթ. 4։12, 13; Բ Տիմոթ. 2։2; Ա Պետ. 3։15)։

² Արդեն վաղուց է, ինչ Դպրոցի ծրագրում Աստվածաշնչի շաբաթական ընթերցանություն է տրվում։ Այդ ծրագրով օրական մոտ մեկ էջ է հարկավոր ընթերցել Աստվածաշնչից։ Այս տարվանից սկսած՝ Աստվածաշնչի ընթերցանության ծրագիր ներկայացված է գրավոր կրկնության շաբաթվա համար ևս։ Աստվածաշնչի լրացուցիչ ընթերցանությունը, որը կցված էր ծրագրին վերջին երեք տարիներին, ավարտվել է։ Բայց եթե ցանկանում ես Աստվածաշունչը կարդալ ավելին, քան ծրագրում է տրված, կարող ես կազմել ընթերցանության քո անձնական գրաֆիկը։

³ №2 առաջադրանքը մարզում է եղբայրներին Աստծո Խոսքը «ընթերցելու» մեջ (Ա Տիմոթ. 4։13)։ Ընթերցանության առաջադրանք ստանալիս՝ մի քանի անգամ բարձրաձայն կարդա նյութը։ Դա կօգնի քեզ կատարելագործել արտասանությունդ, հնչերանգի փոփոխությունը և լավ ընթերցելուն վերաբերող այլ կարողություններդ։

⁴ №3 առաջադրանքը հիմնված է «Աստվածաշնչի պատմությունների իմ ժողովածուն» գրքի վրա, և №4 առաջադրանքը՝ «Հավիտենական կյանքի առաջնորդող գիտություն» գրքի վրա և ներկայացվում է այնպես, որ այն հնարավոր լինի գործածել քարոզչական ծառայության մեջ։ Եթե քեզ հանձնարարված նյութը ծավալուն է և չես կարող այն ներկայացնել հատկացված ժամանակում, ընդգծիր միայն այն մտքերը, որոնք գործնական կլինեն ձեր ժողովի տարածքում։ Քարոզչական ծառայության ցանկացած իրադրություն, որը համապատասխանում է ձեր տարածքին, կարելի է գործածել։

⁵ Ջանք թափիր Դպրոցում ստացած բոլոր առաջադրանքներդ խելամտորեն կատարելու համար։ Ժամանակ հատկացրու լավ նախապատրաստվելու համար և խոսիր անկեղծորեն։ Այդպիսով՝ դու քաջալերության աղբյուր կլինես ժողովի համար, բացի դա, ինքդ էլ օգուտներ կստանաս՝ սրտանց մասնակցելով Աստվածապետական ծառայության դպրոցին 2001 թ. ընթացքում։