Պարկեշտ, գովեստի արժանի արտաքին տեսք
1. Մարզային համաժողովին պատրաստվելիս ինչո՞ւ պետք է ուշադրություն դարձնենք մեր արտաքին տեսքին։
1 «Եհովայի վկաները շատ լավ մարդիկ են։ Նրանք բարի են, կոկիկ արտաքին տեսք ու հարգալից վարմունք ունեն»։ Ահա այսպիսի խոսքեր ասաց մի հյուրանոցի աշխատող անցած տարի մարզային համաժողով այցելած եղբայրների ու քույրերի մասին։ Մեկ ուրիշ համաժողովի պատվիրակների մասին հյուրանոցի աշխատողներից մեկն ասաց. «Պարզ երևում է, որ ձեր ժողովուրդը ձգտում է իր հագուկապով Աստծուն հաճեցնել»։ Այո՛, համաժողովի պատվիրակները աննկատ չեն մնում մարդկանց ուշադրությունից։ Ուստի մենք ուզում ենք «աւետարանին վայելող» հագուստ կրել, ինչը տեսնելով՝ մարդիկ հաճախ հաճելի խոսքեր են ասում մեր հասցեին։ Նաև մեր այդպիսի հագուստը բացահայտ ցույց է տալիս, որ մենք Աստծո ծառաներն ենք (Փիլիպ. 1։27)։ Մինչ պատրաստվում ենք մարզային համաժողովին, լավ կլինի նախօրոք մտածենք, թե ինչպիսին է լինելու մեր արտաքին տեսքը։
2. Ինչո՞ւ է իրենից դժվարություն ներկայացնում պարկեշտ արտաքին ունենալը։
2 Ինչպես գրում է Հակոբոս աշակերտը, «վերին իմաստութիւնը նախ եւ առաջ սուրբ է» (Յակ. 3։17)։ Գուցե դժվար լինի սուրբ՝ պարկեշտ արտաքին ունենալը։ Սատանայի բարոյազուրկ աշխարհը դրդում է մարդկանց որդեգրել անպարկեշտ, ցանկահարույց և տարօրինակ հագուկապի ոճեր, որոնք վայել չեն (Ա Յովհ. 2։15–17)։ Հետևաբար երբ որոշումներ ենք կայացնում մեր հագուկապի վերաբերյալ, պետք է ուշադրություն դարձնենք Աստվածաշնչի հետևյալ հորդորին. «Ուրանանք ամբարշտութիւնը եւ աշխարհական ցանկութիւնները. եւ խոհեմութեամբ.... ապրենք այս աշխարհումը» (Տիտոս 2։12)։ Մենք չենք ցանկանում մեր արտաքին տեսքով տհաճություն պատճառել մարդկանց՝ անկախ նրանից նրանք կլինեն մեր եղբայրները, հյուրանոցի կամ ռեստորանի աշխատողները թե այլոք, որ տեսնում են մեզ (Ա Կորնթ. 10։32, 33)։
3. Ո՞ր հարցերը կօգնեն մեզ ուշադրությամբ քննել մեր արտաքինը։
3 Կոկիկ, համեստ հագուկապ։ Համաժողովին պատրաստվելիս հարցրու ինքդ քեզ. «Իմ հագուստը համե՞ստ է, թե՞ անհարկի ուշադրություն է հրավիրում ինձ վրա։ Արդյոք այն ցո՞ւյց է տալիս, որ ես հարգում եմ ուրիշների զգացմունքները։ Արդյոք իմ բլուզները խորը բացվա՞ծք ունեն կամ չափից ավելի կա՞րճ են։ Զգեստներս չափից դուրս բաց կամ կի՞պ են։ Հագուստս մաքո՞ւր է, տհաճ հոտ չի՞ գալիս իմ վրայից։ Հյուրանոցում նախաճաշի գնալիս կամ համաժողովի ծրագրից հետո հանգստանալիս հագուստս մաքուր ու կոկի՞կ կլինի, ինչպես վայել է Աստծո ծառային, թե՞ թափթփված, արտասովոր, տնային տեսք կունենամ, ինչը վայել չէ համաժողովի պատվիրակին, որ պլակետկա է կրում։ Կարո՞ղ է պատահել այնպես, որ հանգստի ժամին կրած իմ հագուստի պատճառով խուսափեմ ոչ պաշտոնական վկայություն տալուց» (Հռովմ. 15։2, 3; Ա Տիմոթ. 2։9)։
4. Ինչպե՞ս կարող են ուրիշները օգնել մեզ պարկեշտ արտաքին ունենալու հարցում։
4 Հագուկապի հարցում մեզ համար օգտակար կլինի հարցնել հասուն քրիստոնյաների կարծիքը։ Կանայք պետք է իրենց ամուսիններին հարցնեն, թե իրենց հագուստը ինչ տպավորություն կթողնի ուրիշների վրա։ Պատանիներին այս հարցում կարող են օգնել աստվածավախ ծնողները։ Իսկ մեծահասակ քույրերը կարող են «զգաստացնե[լ] մատղաշ կանանցը՝ լինել.... խոհեմ, մաքուր, անարատ» արտաքին ունենալ, «որ Աստուծոյ խօսքը չհայհոյուի» (Տիտոս 2։3–5)։ Մեր հրատարակություններում եղած լուսանկարներում ցույց է տրվում, թե որ հագուստն է կոկիկ ու համեստ։
5. Ինչպե՞ս կարող ենք մենք բոլորս փառք բերել Եհովային մարզային համաժողովի ժամանակ։
5 Փառք բերենք Եհովային։ Մարզային համաժողովները արտակարգ հնարավորություն են ընձեռում ոչ միայն ծրագրին մասնակցողներին, այլև մեզ բոլորիս Եհովային փառք բերելու։ Իհարկե, մեր քրիստոնեավայել վարքն ու խոսքը պատիվ կբերեն նրան։ Բայց առաջին բանը, որ նկատում են մարդիկ, մեր հագուստն ու հարդարանքն է։ Թող որ բոլորս էլ փառք բերենք Եհովային մեր պարկեշտ, գովեստի արժանի արտաքին տեսքով (Սաղ. 148։12, 13)։
[Շրջանակ 6–րդ էջի վրա]
Ինչը կօգնի գովեստի արժանի արտաքին տեսք ունենալ
◼ Աստծո Խոսքը
◼ Ինքնաքննությունը
◼ Ուրիշների կարծիքը
◼ Քրիստոնեական գրականությունը