Նորամուծություն համաժողովների ծրագրերը կրկնելու հարցում
Քանի որ Սատանայի իշխանության տակ գտնվող աշխարհը ավելի ու ավելի չար է դառնում, Եհովան մեզ ուժ է տալիս, որպեսզի «ուրանանք ամբարշտութիւնը եւ աշխարհական ցանկութիւնները. եւ խոհեմութեամբ եւ արդարութեամբ եւ աստուածապաշտութեամբ ապրենք այս աշխարհումը» (Տիտոս 2։12)։ Այն միջոցառումների թվում, որ նա տալիս է «հաւատարիմ եւ իմաստուն ծառա[յի]» միջոցով, ամեն տարի անցկացվող շրջանային և մեկօրյա հատուկ համաժողովներն են (Մատթ. 24։45)։ Որքա՜ն զորացուցիչ են այս հավաքույթները մեզ համար։
2005 թ. ծառայողական տարվա համաժողովների ծրագրերը կրկնելու հարցում նորամուծություն է կատարվել, որի նպատակն է՝ օգնել մեզ մտապահել և կիրառել տրվող ուսուցումը։ Սույն ներդիրի 5–րդ և 6–րդ էջերում տպագրված են հոդվածներ, որոնցում ամփոփ ներկայացված են քննարկվելիք թեմաները, ինչպես նաև յուրաքանչյուր համաժողովի ծրագրի կրկնության հարցերը։ Ժողովները այս տեղեկությունը պետք է քննարկեն համաժողովներից կարճ ժամանակ առաջ և հետո։ Ինչպե՞ս է դա արվելու։
Շրջանային համաժողովից մեկ կամ երկու շաբաթ առաջ Ծառայողական հանդիպմանը կներկայացվի տասը րոպեանոց մի ելույթ, որը հիմնված կլինի «Նոր շրջանային համաժողովի ծրագիրը» հոդվածի վրա։ Ելույթի նպատակն է հետաքրքրություն առաջացնել համաժողովի ծրագրի հանդեպ։ Ելույթը ներկայացնող եղբայրը բոլորի ուշադրությունը կհրավիրի կրկնության հարցերի վրա և կհորդորի նրանց նշումներ կատարել համաժողովին, որպեսզի պատրաստ լինեն կրկնությանը, որը կանցկացվի համաժողովից մի քանի շաբաթ հետո։
Համաժողովից մի քանի շաբաթ հետո Ծառայողական հանդիպմանը 15 րոպե կհատկացվի համաժողովի առաջին օրվա ծրագրի կրկնությանը։ Իսկ հաջորդ շաբաթ 15 րոպե կհատկացվի երկրորդ օրվա ծրագիրը կրկնելուն։ Այդ քննարկումների համար հիմք կծառայեն այս ներդիրում տրված կրկնության հարցերը։ Կրկնության ժամանակ հիմնական ուշադրությունը կդարձվի ստացված ուսուցման գործնական արժեքի վրա։ Երեցները միջոցներ կձեռնարկեն, որպեսզի կրճատեն կամ փոփոխություն մտցնեն Ծառայողական հանդիպման մյուս բաժինների մեջ կամ հանեն դրանք, որպեսզի այդ կրկնություններին բավականաչափ ժամանակ հատկացվի։
Նույնպիսի միջոցներ պետք է ձեռնարկել մեկօրյա հատուկ համաժողովի ծրագրի համար, միայն այն տարբերությամբ, որ ամբողջ ծրագիրը կրկնելուն կհատկացվի 15 րոպեանոց միայն մեկ բաժին։ Այս ներդիրը մենք կպահենք, որպեսզի լիարժեքորեն օգտվենք այն հիանալի ուսուցումից, որ տալիս է Եհովան (Ես. 48։17, 18)։