Աստվածաշունչը արդյունավետ ձևով օգտագործիր

1. Ինչպե՞ս կարող ես նախապատրաստվել քարոզչական ծառայությանը։

¹ Անկախ այն բանից, թե ինչ գրականություն ենք մտադիր առաջարկել ծառայության ժամանակ՝ օգտակար կլինի նախապես ընտրել այնպիսի սուրբգրային համար, որը կմղի մեզ լսող անհատներին մտածել (Եբր. 4։12)։ Եթե ընտրես այնպիսի համար, որը նշված է առաջարկվելիք հրատարակության մեջ, ապա դա կնպաստի, որ արդյունավետ անցում կատարես տվյալ հրատարակությունը առաջարկելուն։ Որոշ վայրերում քարոզիչները նկատել են, որ Աստվածաշունչը ձեռքում պահած ունենալը դրական արդյունքներ է բերում որևէ անհատի մոտենալիս կամ տնետուն ծառայության ժամանակ։

2. ա) Ինչպե՞ս կարող ենք սկսել մեր մատուցումը՝ օգտագործելով սուրբգրային համար։ բ) Սուրբգրային ի՞նչ թեմաներ են հետաքրքրում քո տարածքում ապրողներին։

² Սկսիր սուրբգրային համար կարդալով։ Որոշ քարոզիչներ իրենց մատուցումը սկսում են՝ բնակչին ուղղելով մի պարզ՝ տեսակետ բացահայտող հարց Աստվածաշնչի որևէ համարի հետ կապված, ապա կարդում այդ համարը։ Այսպես վարվելը անհատի ուշադրությունը արագորեն կուղղի դեպի Աստծո Խոսքը։ Ստորև բերվող մատուցումներից մի քանիսը գուցե արդյունավե՞տ լինեն քո քարոզչական տարածքի համար։

◼ «Եթե դուք ի զորու լինեիք, կանեի՞ք այն փոփոխությունները, որ նշված են այստեղ»։ Կարդա՛ Յայտնութիւն 21։4–ը։

◼ «Ինչո՞ւ են մեր ժամանակները այսքան չար»։ Կարդա՛ Բ Տիմոթէոս 3։1–5-ը։

◼ «Ի՞նչ եք կարծում, մեր հասարակության մեջ ապրելը ավելի հաճելի չէ՞ր լինի, եթե յուրաքանչյուրս հետևեր այս խորհրդին»։ Կարդա՛ Մատթէոս 7։12–ը։

◼ «Ի՞նչ եք կարծում, ձեր երեխաները հնարավորություն կունենա՞ն վայելելու այն պայմանները, որոնց մասին խոսվում է այստեղ»։ Կարդա՛ Սաղմոս 37։10, 11–ը։

◼ «Ի՞նչ եք կարծում, կգա՞ այն օրը, երբ այս խոսքերը կիրականանան»։ Կարդա՛ Եսայիա 33։24–ը։

◼ «Դուք տեղյա՞կ եք, թե իշխանության ի՛նչ փոփոխության մասին է հիշատակվում այստեղ»։ Կարդա՛ Դանիէլ 2։44–ը։

◼ «Երբևէ ցանկացե՞լ եք Աստծուն տալ հետևյալ հարցը»։ Կարդա՛ Յոբ 21։7–ը։

◼ «Հնարավո՞ր է մեր մահացած սիրելիներին կրկին տեսնել»։ Կարդա՛ Յովհաննէս 5։28, 29–ը։

◼ «Գիտե՞ն արդյոք մահացածները, թե ինչ են անում ողջերը»։ Կարդա՛ Ժողովող 9։5–ը։

3. Ինչպե՞ս կարող ենք օգնել մարդկանց հասկանալու աստվածաշնչային այն խոսքերը, որ կարդում ենք նրանց համար։

³ Բացատրիր, օրինակ բեր և ցույց տուր, թե ինչպես կիրառել։Եթե անհատը ուզում է շարունակել զրույցը, արագորեն մի՛ վերջացրու խոսակցությունը։ Ժամանակ տրամադրիր տվյալ սուրբգրային համարը բացատրելուն, օրինակ բերելուն, ինչպես նաև այն բանին, թե անհատը ինչպես կարող է դա կիրառել։ Սա կօգնի նրան հասկանալ այդ համարի իմաստը (Նէեմ. 8։8)։ Երբ մարդիկ հասկանում և ընդունում են այն, ինչ Աստծո Խոսքն է սովորեցնում, նրանք մղվում են զարմանալի փոփոխություններ անելու իրենց կյանքում (Ա Թեսաղ. 2։13)։

4. Ինչպե՞ս կարող ենք Աստվածաշունչը արդյունավետորեն օգտագործել վերայցելությունների ժամանակ։

⁴ Շարունակիր արդյունավետորեն օգտագործել Աստվածաշունչը, երբ զարգացնում ես մարդկանց ցուցաբերած հետաքրքրությունը։ Այս մեթոդը կարող ես կիրառել նաև վերայցելությունների ժամանակ։ 1) Ընտրիր համապատասխան սուրբգրային համար։ 2) Տուր այդ համարի հետ կապված մի հարց, որը կարող է բացահայտել անհատի տեսակետը։ Այնուհետև կարդա այդ խոսքը։ 3) Բացատրիր, օրինակ բեր և ցույց տուր, թե ինչպես կիրառել այդ համարը։ Ամեն անգամ այցելելով անհատին՝ ձգտիր ավելացնել նրա գիտելիքները Աստծո Խոսքի վերաբերյալ։ Հնարավոր է, որ շուտով Աստվածաշնչի ուսումնասիրություն սկսես։