Ծառայության մեջ արդյունավետորեն գործածիր պարբերագրերը

¹ «Հետաքրքիր, ժամանակահարմար և խրախուսիչ»։ «Ամենաքաջալերական պարբերագրերը, որ երբևէ կարդացել եմ»։ Այս խոսքերը ցույց են տալիս, թե ինչ են մտածում «Դիտարան» և «Արթնացե՛ք» պարբերագրերի համայն աշխարհի ընթերցողները դրանց մասին։ Փաստ է, որ մեր պարբերագրերն իսկապես արժեքավոր գործիքներ են ‘ամեն մարդկանց’ բարի լուրը հասցնելու մեջ (Ա Տիմոթ. 2։4)։

² Ամբողջովին իր կարիերայի մեջ խորասուզված մի մարդու իրեն հետաքրքրող թեմայով «Արթնացե՛ք» տվեցին։ Նա նաև կարդաց այդ պարբերագրին զուգահեռ լույս տեսնող «Դիտարանը»։ Իր ամբողջ կյանքում այդ մարդը հավատացել էր Երրորդությանը, և հոդվածներից մեկը մղեց նրան քննել այդ ուսմունքը։ Դա արթնացրեց նրա հետաքրքրությունը։ Վեց ամիս անց այս մարդը մկրտվեց։ Մեկ ուրիշ մարդ կանոնավորաբար ստանում էր այս պարբերագրերը, սակայն երբեք չէր ընթերցում դրանք։ Իսկ նրա կինը խուսափում էր Վկաներից, սակայն կարդում էր ամուսնուն տրված պարբերագրերը։ Արդար մարդկանցով բնակեցված դրախտ–երկրի մասին Աստվածաշնչի խոստումը նրա վրա մեծ ազդեցություն գործեց։ Ժամանակի ընթացքում այդ կինը, նրա որդին և քույրը սկսեցին ծառայել Եհովային։

³ Առաջարկիր երկուսը միասին։ Ինչպես ցույց են տալիս վերոհիշյալ օրինակները, մենք չգիտենք, թե ով կկարդա մեր պարբերագրերը, կամ ինչը կարող է արթնացնել մարդկանց հետաքրքրությունը (Ժող. 11։6)։ Հետևաբար լավ կլինի «Դիտարանն» ու «Արթնացե՛ք»–ը առաջարկել միասին, թեև սովորաբար մենք միայն մեկ պարբերագրի վերաբերյալ ենք մատուցում անում։ Որոշ դեպքերում գուցե տեղին է անհատին առաջարկել պարբերագրերի մի քանի համարներ միաժամանակ։

⁴ Օգտակար է շաբաթվա մեջ մեկ օր հատկացնել պարբերագրեր տարածելուն։ «Եհովայի վկաների 2005 թ. օրացույցում» (ռուս.) յուրաքանչյուր շաբաթ օրվա տակ գրված է՝ «պարբերագրերով ծառայություն»։ Իհարկե, քանի որ հանգամանքները անհատից անհատ և տեղից տեղ տարբերվում են, ոմանք գուցե մեկ ուրիշ օր հատկացնեն պարբերագրեր տարածելուն։ Քո շաբաթական գրաֆիկում կա՞ այդպիսի օր։

⁵ Քո առջև նպատակ դիր։ Եթե նպատակ դնենք ամսական որոշակի քանակությամբ պարբերագրեր տարածել, մենք ավելի մեծ ուշադրություն կդարձնենք այդ գործին։ Ունե՞ս պարբերագրերի մատակարարման երթուղի։ Առաջարկո՞ւմ ես պարբերագրեր նրանց, ում հանդիպում ես ծառայության ժամանակ։ Կարո՞ղ ես պարբերագրեր առաջարկել փողոցում ծառայելիս, գործնական տարածքներում և հասարակական վայրերում։ Վերցնո՞ւմ ես քեզ հետ պարբերագրեր ճանապարհորդելիս, գնումներ կատարելիս կամ երբ որևէ հանդիպման ես գնում։ Յուրաքանչյուր հարմար առիթ օգտագործիր՝ օգնելու մարդկանց օգուտներ քաղել «Դիտարան»–ից և «Արթնացե՛ք»–ից։

⁶ Կարող ենք նաև նպատակ դնել տարածելու պարբերագրերի հին համարները։ Նույնիսկ եթե նոր պարբերագրերը չենք հասցրել տարածել մեկ–երկու ամսվա ընթացքում, միևնույնն է այնտեղ պարունակված տեղեկությունները շատ արժեքավոր են։ Դրանք կարող ես տալ հետաքրքրվող անհատներին։ Միլիոնավոր մարդկանց համար «Դիտարան»–ը և «Արթնացե՛ք»–ը «յարմար ժամանակին խօսուած խօսք» են եղել (Առակ. 25։11)։ Եկեք պարբերագրերն օգտագործենք՝ օգնելու միլիոնավոր մարդկանց ճանաչել Եհովային և ծառայել նրան։

[Հարցեր ուսումնասիրության համար]

1, 2. Ի՞նչ ազդեցություն են թողել «Դիտարան» և «Արթնացե՛ք» պարբերագրերը մարդկանց կյանքի վրա։

3. Ինչո՞վ է օգտակար պարբերագրերը միասին առաջարկելը։

4. Ինչպե՞ս կարող ենք ծրագրել պարբերագրեր տարածելու գործը։

5. Ի՞նչ հնարավորություններից կարող ենք օգտվել պարբերագրեր տարածելու համար, և ի՞նչը կարող է մեզ օգնել այդպես վարվելու։

6. Ինչպե՞ս կարող ենք արդյունավետ ձևով օգտագործել պարբերագրերի հին համարները։