Անձնական հետաքրքրություն ցույց տանք նախապատրաստվելով

¹ Ծառայությանը նախապատրաստվելը կօգնի մեզ անձնական հետաքրքրություն ցույց տալ ուրիշների հանդեպ։ Ինչպե՞ս։ Եթե նախապես պատրաստվենք ծառայությանը, ապա չենք կենտրոնանա միայն մեր մատուցման վրա և ավելի ուշադիր կլինենք տանտիրոջ հանդեպ։ Դեռ ավելին, դա կօգնի մեզ, որ լարված չլինենք և կարողանանք անկեղծ խոսել։ Իսկ ինչպե՞ս կարող ենք արդյունավետ մատուցում պատրաստել։

² Համապատասխան մատուցում գործածիր։ «Մեր թագավորական ծառայությունը» թերթիկի 2006 թ. հունվարի համարից ընտրիր մի մատուցում, որը կիրառելի է ձեր տարածքի համար, և մտածիր, թե ինչպես կարող ես այն ներկայացնել սեփական բառերով։ Հարմարեցրու այն քո տարածքին։ Օրինակ՝ եթե հաճախ ես հանդիպում որոշակի կրոնական համոզմունքներ ունեցող կամ որևէ ազգի պատկանող մարդկանց, մտածիր, թե ինչը գուցե հետաքրքրի նրանց։ Մատուցումդ հարմարեցնելով այն անհատներին, որոնց հետ զրուցում ես՝ ցույց ես տալիս, որ անկեղծորեն հետաքրքրված ես նրանցով (Ա Կորնթ. 9։22)։

³ Երբ սկսում ես գործածել որևէ մատուցում, շարունակ փոփոխիր այն։ Քանի որ նախաբանի խոսքերն անչափ կարևոր են, ուշադրություն դարձրու, թե ինչպես են մարդիկ արձագանքում դրանց։ Այդ թեման հետաքրքրո՞ւմ է նրանց։ Քո տված հարցերը հետաքրքրություն առաջացնո՞ւմ են նրանց մեջ։ Եթե ոչ, ապա փոփոխիր մատուցումդ, մինչև որ նկատես, որ այն արդյունավետ է։

⁴ Մատուցումը հիշելու կերպեր։ Շատերը նկատել են, որ իրենց համար դժվար է հիշել մատուցման խոսքերը, երբ մոտենում են տանտիրոջ դռանը։ Եթե քեզ հետ նույնպես նման բան պատահել է, փորձե՞լ ես նախօրոք ինչ–​որ մեկի մոտ բարձրաձայն կրկնել մատուցումդ։ Դա կօգնի քեզ մտապահել մատուցման խոսքերը և արտահայտել դրանք պարզ ու տրամաբանորեն։ Դա նաև կօգնի քեզ պատասխանել մարդկանց արձագանքին, ինչպիսին էլ որ այն լինի։

⁵ Մատուցումը հիշելու համար կարելի է նաև փոքր թղթի վրա համառոտակի գրի առնել մատուցման մտքերը և դռանը մոտենալուց առաջ աչքի անցկացնել դրանք։ Ոմանք նկատել են, որ այդ կարճ հիշեցումներն օգնում են ավելի հանգիստ լինել և իրենց համար ավելի հեշտ է լինում մարդկանց հետ զրուցելը։ Այսպիսով՝ լավ նախապատրաստվելով՝ մենք կարող ենք անձնական հետաքրքրություն ցույց տալ մարդկանց նկատմամբ, ինչպես նաև բարելավել բարի լուրը հաղորդելու մեր ունակությունը։