Թագավորության սրահների շինարարությունը՝ սուրբ ծառայության կարևոր մաս
1. Ի՞նչ է արվել Թագավորության սրահների շինարարության գործում, և ինչի՞ կարիքը դեռ կա։
1 2005 թ. օրացույցային տարվա ընթացքում Բելառուսում, Ռուսաստանում և Վրաստանում կառուցվել է 55 Թագավորության սրահ ստանդարտ նախագծով, վերակառուցվել են 22 շինություններ, որպեսզի օգտագործվեն որպես Թագավորության սրահներ, և 11 Սրահներ վերանորոգվել են։ Մենք երախտապարտ ենք Թագավորության սրահների շինարարության բաժնի ներկայացուցիչներին, շինարարական խմբերում ծառայող եղբայրներին, ինչպես նաև մյուսներին, ովքեր օգնել են նրանց։ Չնայած որ Թագավորության սրահների շինարարության գործում հսկայական աշխատանք է արվել, այնուամենայնիվ, դեռ անելու շատ բան կա։ Ինչպե՞ս կարող է մեզանից յուրաքանչյուրը Եհովային մատուցած սուրբ ծառայության այս կարևոր ոլորտում աջակցություն ցույց տալ (Յայտն. 7։15)։
2. Ինչպե՞ս կարող ենք անմիջական մասնակցություն ունենալ Թագավորության սրահների շինարարության գործում։
2 Պատրաստակամ լինենք։ Եթե մկրտված քարոզիչ ես, ապա հրավիրում ենք քեզ միանալ Թագավորության սրահների շինարարության խմբերից որևէ մեկին։ Դրա համար անհրաժեշտ է լրացնել «Թագավորության սրահների շինարարության ծրագրին մասնակցելու՝ կամավորի դիմումը» (Սաղ. 110։3)։ Բոլոր կամավորները պետք է պատրաստ լինեն իրենց հանձնարարված գործերը կատարելու և պետք է համագործակցության ոգի դրսևորեն (Սաղ. 133։1; Եփես. 4։16)։ Նույնիսկ եթե շինարարական հմտություններ չունես, այնուամենայնիվ կարող ես մեծ օգնություն ցույց տալ այդ գործում։ Դու կարող ես ձեռք բերել այնպիսի հմտություններ, որոնց շնորհիվ ապագայում կկարողանաս ավելի մեծ աջակցություն ցույց տալ։
3. Ուրիշ ի՞նչ կերպերով կարող ենք աջակցել շինարարական գործին։
3 Եթե դու ի վիճակի չես մասնակցելու շինարարությանը, ապա կարող ես քո աջակցությունը ցույց տալ՝ քաջալերելով նրանց, ովքեր մասնակցում են այդ գործին։ Նաև կարող ես ներկայացնել նրանց տրվող առաջադրանքները, երբ նրանք հեռու լինեն ժողովից։ Նախօրոք պլանավորելով՝ երեցները կարող են հոգ տանել, որ Թագավորության սրահների շինարարությանը մասնակցող կամավորների բացակայությունը չանդրադառնա ժողովի գործերի վրա։ Անկասկած, Եհովային ուրախություն է պատճառում այն, որ մենք միասնաբար առաջ ենք տանում Թագավորության շահերը (Եբր. 13։16)։
4. Ինչպե՞ս կարող ենք քաջալերել նրանց, ովքեր մասնակցում են շինարարական գործին։
4 Քաջալերենք։ Երկրպագության վայրեր կառուցելու համար շատ ժամանակ և ջանք է պահանջվում։ Ուստի հասկանալի է, որ շինարարական ծրագրերին մասնակցողները ժամանակ առ ժամանակ հեռու կլինեն իրենց ժողովից։ Եկեք գովասանքի և քաջալերանքի խոսքեր ասենք այդ կամավորներին, որ զոհողությունների են գնում այս կարևոր գործը կատարելու համար (Գործք 6։3; Հռովմ. 14։19)։
5. Ինչպե՞ս կարող են կամավորները հավասարակշռված լինել։
5 Հավասարակշռված լինենք։ Աստծու Թագավորության մասին լուրը հռչակելը աստվածապետական ամենագլխավոր գործն է (Մարկ. 13։10)։ Հիշելով դա՝ Թագավորության սրահների շինարարական խմբերը ձգտում են այնպես կազմել շինարարական ծրագրերը, որ կամավորներն առանց անհրաժեշտության հեռու չլինեն իրենց ժողովներից։ Կամավորները նույնպես ձգտում են հավասարակշռված լինել ժողովում ունեցած իրենց պարտականությունները կատարելու մեջ։ Նրանք անհրաժեշտ քայլեր են ձեռք առնում, որ երբ իրենք ժողովից հեռու լինեն, իրենց տրված առաջադրանքները կատարվեն։
6. Ի՞նչ արդյունքներ է բերում այն, որ ժողովում բոլորն են համագործակցում միմյանց հետ ճշմարիտ երկրպագությունն առաջ տանելու գործում։
6 Պողոս առաքյալը ժողովի անդամներին մասին ասաց, որ նրանք միասնաբար գործելով՝ նպաստում են մարմնի աճին՝ այն ‘սիրո մեջ կառուցելու’ համար (Եփես. 4։16, ԷԹ)։ Եհովայի և ճշմարիտ երկրպագության հանդեպ սերը մղում է մեզ համագործակցել միմյանց հետ, որպեսզի կարողանանք քարոզել բարի լուրը և աջակցել Թագավորության սրահների շինարարության գործին։