Երկրպագենք Եհովային ընտանյոք հանդերձ

¹ Աստվածաշնչյան ժամանակներում ընտանիքի անդամները շատ բաներ միասին էին անում։ Նրանք միասին առօրյա շատ գործեր էին անում և, որ ամենակարևորն է, երկրպագում էին Եհովային ընտանյոք հանդերձ (Ղեւտ. 10։12–14; Բ Օրին. 31։12)։ Այսօր շատ վայրերում ընտանիքի անդամները միասին քիչ բաներ են անում։ Սակայն քրիստոնյաները հասկանում են, թե որքան կարևոր է ամբողջ ընտանիքով ինչ–որ գործեր անելը, հատկապես երբ խոսքը վերաբերում է Աստծուն երկրպագելուն։ Որքա՜ն է ուրախանում ընտանիքի Հիմնադիրը՝ տեսնելով, որ ընտանիքի անդամները միասին երկրպագում են իրեն։

² Քարոզեք միասին։ Բարի լուրը միասին քարոզելը ամրացնում է ընտանեկան կապերը։ Հետևաբար երեցները, ժողովի մյուս անդամների հետ քարոզչությանը մասնակցելուց բացի, պետք է նաև կանոնավորաբար ծառայեն իրենց կանանց ու երեխաների հետ (1 Տիմոթ. 3։4, 5)։ Նույնիսկ շրջագայող վերակացուներն են ժամանակ տրամադրում իրենց կանանց հետ ծառայությանը մասնակցելուն՝ չնայած իրենց ծանրաբեռնված գրաֆիկին։

³ Ծնողները երեխաների հետ քարոզչությանը մասնակցելիս օգնում են նրանց առաջադիմել այդ գործում։ Այդպիսով երեխաները ոչ միայն կտեսնեն, որ իրենց ծնողները ուրախություն և բավականություն են ստանում ծառայությունից, այլև որ նրանք սիրում են Եհովային և մարդկանց (Բ Օրին. 6։5–7)։ Երեխաների հետ քարոզելը նվազ կարևոր չի դառնում նրանց մեծանալուց հետո։ Մի ամուսնական զույգ, որն ունի 15–21 տարեկան երեք տղա, կանոնավորաբար նրանց հետ միասին մասնակցում է ծառայությանը։ Հայրն ասում է. «Ամեն անգամ մենք նրանց մի նոր բան ենք սովորեցնում։ Եվ այնպես ենք անում, որ նրանք հաճույք ու քաջալերություն ստանան այդ գործից»։

⁴ Պատրաստվեք միասին։ Շատ ընտանիքներ համոզվել են, որ օգտակար է միասին ծառայությանը պատրաստվելը։ Երբ ծնողները երեխաների հետ կրկնում են մատուցումները, վերջիններս հաճույքով են մասնակցում՝ կատարելով մե՛կ քարոզչի դերը, մե՛կ՝ տանտիրոջ։ Ծնողներից ոմանք մատուցումները կրկնում են ընտանեկան ուսումնասիրության վերջում՝ տրամադրելով դրան մի քանի րոպե։

⁵ Մենք մեծ ուրախություն ենք ստանում, երբ կարևոր և բավականություն պատճառող գործեր ենք կատարում նրանց հետ, ում սիրում ենք։ Ի՜նչ մեծ ուրախություն են ստանում ընտանիքի անդամները, երբ միասին մասնակցում են ծառայությանը՝ տնից տուն քարոզելով, վերայցելություններ կատարելով և Աստվածաշնչի ուսումնասիրություններ անցկացնելով։ Ուստի ընտանյոք հանդերձ Եհովային երկրպագելով՝ դուք կարող եք հրճվանքով ասել. «Ես եւ իմ տունը Եհովային ենք պաշտելու» (Յեսու 24։15)։