Հարցերի արկղ

◼ Ո՞ր երկու հրատարակություններով է պետք ուսումնասիրել հետաքրքրվող անձանց հետ։

Աստվածաշնչի տնային ուսումնասիրություններ սկսելու և անցկացնելու համար մենք գլխավորապես օգտագործելու ենք «Աստվածաշունչը սովորեցնում է» գիրքը։ Թեև ոչ մի սխալ բան չկա, որ այդ նպատակով մեկ ուրիշ հրատարակություն օգտագործվի (ինչպես օրինակ համապատասխան թերթիկ), սակայն հարկավոր է ջանքեր թափել որքան հնարավոր է շուտ «Աստվածաշունչը սովորեցնում է» գրքին անցնելու համար։ Ուսումնասիրություններ սկսելու նպատակով «Աստվածաշունչը սովորեցնում է» գիրքն օգտագործելը գերազանց արդյունքներ է բերել։

Եթե ավարտել եք ուսումնասիրությունը «Աստվածաշունչը սովորեցնում է» գրքով, և անհատը առաջադիմություններ է անում, ապա հարկավոր է ուսումնասիրել «Երկրպագիր Աստծուն» գիրքը (Կող. 2։7)։ Երկրորդ էջում բացատրվում է այդ գրքի նպատակը. «Աստվածաշունչը Աստծուն սիրող բոլոր մարդկանց խրախուսում է ըմբռնել հիասքանչ ճշմարտության «եւ բարձրութիւնը եւ խորութիւնը» (Եփեսացիս 3։18)։ Սույն գիրքը հենց այդ նպատակով էլ գրվել է։ Հուսով ենք, որ այն կօգնի քեզ աճել հոգևորապես ու դառնալ ավելի պատրաստված՝ քայլելու նեղ ճանապարհով, որը տանում է դեպի կյանք Աստծո արդար նոր աշխարհում»։

Եթե անհատը համապատասխանում է մկրտության պահանջներին, սակայն դեռ չի ավարտել ուսումնասիրությունը երկու գրքերի օգնությամբ, ապա հարկավոր է շարունակել մինչև որ երկրորդ գրքով ուսումնասիրությունն ավարտվի։ Անգամ եթե անհատը մկրտվել է, իր հետ ուսումնասիրություն անցկացնող քարոզիչը կարող է գրանցել ժամանակը, վերայցելությունները և Աստվածաշնչի ուսումնասիրությունը։ Ուսումնասիրություն անցկացնողի զույգը նույնպես կարող է գրանցել ուսումնասիրության ժամանակը։