Հարցերի Արկղ

◼ Որքա՞ն ժամանակ պետք է Աստվածաշունչ ուսումնասիրենք հոգևորապես առաջադիմող անհատի հետ։

Լավ կլինի շարունակել ուսումնասիրությունը հոգևորապես առաջադիմող անհատի հետ այնքան ժամանակ, քանի դեռ նա չի ավարտել «Ի՞նչ է սովորեցնում Աստվածաշունչը իրականում» և «Մնա Աստծու սիրո մեջ» հրատարակությունները։ Նույնիսկ եթե ուսումնասիրողը մկրտվել է, նա պետք է ավարտի այս երկու գրքերի ուսումնասիրությունը։ Թեև նա մկրտված է, սակայն կարող ես քարոզչական հաշվետվության մեջ գրանցել ուսումնասիրությունը, վերայցելությունը և ժամերի քանակը։ Քեզ հետ համագործակցող քարոզիչը նույնպես կարող է գրանցել ժամանակը (տե՛ս «Մեր թագավորական ծառայությունը» թերթիկի 2009թ. մարտի համարը, էջ 2)։

Անչափ կարևոր է, որ ուսումնասիրողները նախքան ուսումնասիրությունն ավարտելը ամուր հիմք ունենան ճշմարտության մեջ։ Նրանք պետք է «արմատացած» լինեն Քրիստոսի մեջ և «հավատի մեջ հաստատված», որպեսզի դիմագրավեն փորձություններին (Կող. 2։6, 7; 2 Տիմոթ. 3։12; 1 Պետ. 5։8, 9)։ Բացի այդ, որպեսզի նրանք կարողանան արդյունավետ կերպով կրթել ուրիշներին, պետք է «ճշմարտության մասին ճշգրիտ գիտելիքներ» ստանան (1 Տիմոթ. 2։4)։ Եթե այս երկու գրքերը ուսումնասիրենք նրանց հետ, ապա կօգնենք ամուր հիմք դնելու և քայլելու «այն ճանապարհով, որը դեպի կյանք է տանում» (Մատթ. 7։14)։

Նախքան որևէ մեկին մկրտության համար երաշխավորելը երեցները պետք է համոզված լինեն, որ նա հստակ հասկանում է աստվածաշնչյան հիմնական ուսուցումները և ապրում է դրանց ներդաշնակ։ Նրանք պետք է հատկապես ուշադիր լինեն այն թեկնածուների հանդեպ, ովքեր դեռ չեն ավարտել առաջին գրքի ուսումնասիրությունը։ Եթե ինչ-որ մեկը պատրաստ չէ մկրտության, երեցները պետք է համոզված լինեն, որ նա կստանա անհրաժեշտ օգնությունը՝ մկրտության չափանիշներին համապատասխանելու համար (տե՛ս «Կազմակերպված ենք՝ կատարելու Եհովայի կամքը» գիրքը, էջ 216–218)։

[մեջբերում 2-րդ էջի վրա]

Անչափ կարևոր է, որ ուսումնասիրողները նախքան ուսումնասիրությունն ավարտելը ամուր հիմք ունենան ճշմարտության մեջ