Ինչպե՞ս պատրաստվել Ծառայողական հանդիպմանը

1. Ո՞րն է Ծառայողական հանդիպման նպատակը, և ինչպե՞ս կարող ենք լավագույն օգուտներ քաղել։

¹ Ծառայողական հանդիպումը օգնում է մեզ դառնալու արդյունավետ քարոզիչներ։ Այս հանդիպման գլխավոր նպատակն է սովորեցնել մեզ քարոզել Թագավորության բարի լուրը, աշակերտներ պատրաստել և հռչակել մոտալուտ դատաստանի մասին (Մատթ. 28։20; Մարկ. 13։10; 2 Պետ. 3։7)։ Ուստի այս հանդիպումից կարող ենք լավագույն օգուտներ քաղել, եթե լավ պատրաստվենք և ակտիվորեն մասնակցենք։

2. Ինչպե՞ս կարող ենք պատրաստվել ելույթը լսելուն։

² Ելույթ։ Նյութի աղբյուրը սովորաբար նշված է լինում ծրագրում։ Դու կարող ես կարդալ նյութը, նշված սուրբգրային համարները և մտածել, թե ինչպես կարելի է կիրառել այդ տեղեկությունը ծառայության մեջ։

3. Ինչպե՞ս կարող ես պատրաստվել հարց ու պատասխանով քննարկմանը։

³ Հարց ու պատասխանով քննարկում։ Այս բաժինը ներկայացվում է այնպես, ինչպես անցկացվում է «Դիտարանի» ուսումնասիրությունը։ Այն ունի հակիրճ նախաբան և վերջաբան։ Ընդգծիր յուրաքանչյուր պարբերության գլխավոր մտքերը և կարճ մեկնաբանություններ պատրաստիր։

4. Ինչպե՞ս կարող ենք պատրաստվել ունկնդիրների հետ քննարկմանը։

⁴ Քննարկում ունկնդիրների հետ։ Այս բաժինը ներկայացվում է որպես ելույթ, սակայն գլխավոր մտքերն ընդգծելու նպատակով հռետորը մի քանի հարց է ուղղում ունկնդիրներին։ Եթե նշել ես գլխավոր մտքերը և ընթերցել ես նշված աստվածաշնչային համարները, ապա կկարողանաս մեկնաբանություն տալ, երբ հարցեր ուղղվեն։

5. Ինչպե՞ս կարող ես լավագույնս օգտվել ցուցադրումներից։

⁵ Ցուցադրումներ։ Ցուցադրման ժամանակ ներկայացվում են իրական դեպքեր՝ ընդգծելու համար, թե ինչպես կարելի է քննարկված տեղեկությունը կիրառել տվյալ ժողովի տարածքում։ Ցուցադրումներ կարող են ներկայացնել երեցները, հմուտ քարոզիչները կամ ռահվիրաները։ Դու կարող ես պատրաստել այս բաժինը՝ նախօրոք մտածելով, թե ինչպես կարելի է այն ներկայացնել։ Իսկ ցուցադրման ժամանակ մտածիր, թե ինչպես դու անձամբ կպատրաստեիր այն, և թե ինչպես կարող ես ներկայացվող իրավիճակը հարմարեցնել տարբեր մարդկանց։ Լավ կլինի քեզ հետ բերես այն պարբերագիրը կամ հրատարակությունը, որը պետք է օգտագործվի ցուցադրման ժամանակ։ Կարող ես նաև ընտանեկան երկրպագության ժամանակ մի քանի մատուցումներ փորձել։

6. Ինչո՞ւ պետք է նախապես պատրաստվենք Ծառայողական հանդիպմանը։

⁶ Երբ նախապես պատրաստվում ենք ծրագրին, ավելի մեծ խանդավառությամբ ենք մասնակցում Ծառայողական հանդիպմանը։ Բացի այդ, փոխադարձաբար քաջալերվում ենք (Հռոմ. 1։11, 12)։ Ուստի որքան լավ պատրաստվենք այս հանդիպմանը, այնքան լավ կկատարենք մեր հանձնարարությունը (2 Տիմոթ. 3։17)։