Հրահանգներ՝ Ծառայողական հանդիպման մասերն անցկացնողներին
Սկսած «Մեր թագավորական ծառայությունը» թերթիկի այս համարից՝ Ծառայողական հանդիպման ծրագիրը ավելի պարզ տեսք կունենա։ Հետևյալ հրահանգներն ու հիշեցումները թարմացնում և հստակեցնում են այն հրահանգները, որ տրվել են 2009թ. մայիս ամսվա «Մեր թագավորական ծառայությունը» թերթիկի «Ինչպես պատրաստվել Ծառայողական հանդիպմանը» հոդվածում։
◼ Ելույթ։ Սա ելույթ է՝ հիմնված հանձնարարված նյութի վրա՝ առանց ունկնդիրների մասնակցության։ Հռետորը պետք է կենտրոնանա այն մտքերի վրա, որոնք առավել օգտակար կլինեն ժողովի համար։
◼ Հարց ու պատասխան։ Այս բաժինը շատ նման է «Դիտարանի» ուսումնասիրությանը։ Այն ունի շատ կարճ առաջաբան և վերջաբան, և հարցեր են տրված բոլոր պարբերությունների համար։ Անցկացնողը չպետք է շատ խոսի։ Եթե ժամանակ կա, գլխավոր համարները կարելի է ընթերցել։ Պարբերությունները հարկավոր է կարդալ միայն այն դեպքում, երբ կոնկրետ ցուցում է տրված այդ մասին։
◼ Քննարկում։ Սա ելույթ է, որը ներառում է ունկնդիրների որոշակի մասնակցություն։ Սա միայն ելույթ չէ և ոչ էլ ամբողջությամբ բաղկացած է հարցերից ու պատասխաններից։
◼ Ցուցադրում և հարցազրույց։ Ծրագրի հրահանգներում «ցուցադրել» բառը նշանակում է հետևյալը. այս բաժինն անցկացնող եղբայրը պատասխանատու է այն բանի համար, որ ներկայացվի ցուցադրում. նա ինքը չի մասնակցում ցուցադրմանը։ Այն քարոզիչները, ում նա ընտրում է, որ օգնեն իրեն, պետք է լինեն հմուտ և օրինակելի։ Եթե հնարավոր է, եղբայրը պետք է բավական վաղօրոք նրանց հետ քննարկի մանրամասները և պատրաստի ցուցադրումը։ Շատ հնարավոր է, որ նա ցանկանա նոր կամ անփորձ քարոզիչների հնարավորություն տալ բեմ բարձրանալու, սակայն այդպիսի քարոզիչները հիմնականում չպիտի չցուցադրեն, թե քարոզչական ծառայությունն ինչպես է կատարվում, թեև ոմանք կարող են հանդես գալ որպես տանտեր։ Մատուցում ցուցադրող քարոզիչները դեմքով պետք է ունկնդիրները լինեն։ Ովքեր մասնակցում են հարցազրույցի, նրանք իրենց խոսքերը պետք է ասեն բեմից և ոչ թե նստած տեղից՝ լսարանից։ Ցուցադրումներն ու հարցազրույցները հարկավոր է փորձել։ Եթե հանդիպման համար սահմանված ժամանակը լրանալու վրա է, ու եղբայրը ստիպված է կրճատել իր բաժինը, նա դա չպիտի անի ցուցադրումների և հարցազրույցների հաշվին։ Ծառայող օգնականները, նախքան մասնակիցներին ընտրելը, պետք է խորհրդակցեն երեցների խորհրդի կոորդինատորի կամ մեկ այլ երեցի հետ։
Եթե որևէ բաժնի համար տրված են հատուկ ցուցումներ, հարկավոր է ուշադիր հետևել դրանց։ Ծառայողական հանդիպման մասերը վերոնշյալ ձևով ներկայացնելով՝ եղբայրները կնպաստեն, որ Ծառայողական հանդիպումները անցնեն «պարկեշտությամբ և կարգուկանոնով» (1 Կորնթ. 14։40)։